(youtube: 
)
)uzun illər keçmişdi. tombstoneda çox küləklər əsmiş, çox ölümlər olmuş, çox üzlər dəyişilmiş, daha çox üzlər dağılmışdı. silver dollar saloonda
(youtube: )
stephen fosterdan oh! sussanna oxuyurdu. girişdən yan tərəfdə masaya artıq illərdir yuvalamış, qəsəbənin 4 nəfərlik quldur dəstəsindən artıq olmayan, hardan gəldikləri bəlirsiz, amma heç kəsin də qorxudan ağzını açıb bir kəlmə deyə bilmədiyi sadəcə qara rəngli botlarındakı qızılı mahmızları ilə seçilən qrup oturmuşdu. içəri girib-çıxanları qeyri-adi tərzdə süzür, elə hey bir-birlərinə nəsə pıçıldayıb amerikan burbonlarını başlarına çəkirdilər. işin gülməli tərəfi, bu qədər pulları olmasına rəğmən, hələ də otelə yerləşməmişdilər. ümumiyyətlə harda gecələdikləri də müəmma idi. saloondakılar onlara öz aralarında "qara çəkməlilər", "qızıl mahmızlar", "kovboy anonim" kimi ibtidai ləqəblər vermişdilər. təbii ki, dördlünün bundan heç xəbəri yox idi.)hətta saloonun cavan barmeni j. de molei bir dəfə bunlara burbon servis edərkən, hardan olduqlarını soruşmuş, amma içlərindəki balaca boylusu revolverini stola qoyaraq;
-bax burdan! deyə təhdid etmişdi. üstünə də j. de molei, əlindəki dəsmalı çiyninə salıb təzədən barına keçmiş, qara-qara içkilərinə zəhər atmağı düşünmüşdü. amma saloonun adına xələl gətirə biləcəyindən ehtiyat edərək, fikrindən daşınmışdı.
barın o biri tərəfində, qəsəbədə hamının yaxşı tanıdığı dasein vardı. təmiz ürəkli və alçaqkönüllü, utancaq bu cavan kovboy qəsəbədəki bütün qızların sevimlisinə çevrilmişdi. digər 4-lünün əksinə, dasein qəsəbədə lap çoxdan yaşayırdı. hətta onun ulu babaları bu qəsəbənin qurucularından idilər. özləri hannoverda ingilis hökümətinə qarşı çıxan fransızların davamçıları idilər. taleh onları bu torpaqlara qədər sürgün etmişdi. ətrafında da həmişə qızlar əksik olmazdı, amma dasein heç birinə fikir vermir, yolaverici cavablarla ötüşdürüb hamısının qəlbini uzaqlara doğru yol çəkən gözləri ilə qırırdı.
daseindən, onun nazından bezən qızlar da gəlib j. de moleiyə donquldanır, sonra səhnədə yerlərinə keçib cancanlarına davam edərdilər. hamısı da təpiyini hər göyə qaldıranda daseinə göz atar, amma daseinin fikrinin pəncərədə olduğunu görüb əsəbləşərdilər. hətta öz kablokunu daseinin stoluna təpiklə atan da olmuşdu. dasein isə məsum gülümsəmə ilə ayaqqabını götürüb qızın özünə vermişdi.
dasein darıxırdı. daseini sıxırdı bu vəhşi qərbin timsahlı bataqlıqları, quldurlarla dolu çöllükləri. dasein hər gün daha çox gedib-gəlməyə başlayırdı saloona. hər dəfə də daha çox içir, daha çox oturub qalırdı. dasein bizim baş qəhrəmanlarımızdan biriydi, daseini hələ çox görəcəyik, ona görə dasein qalsın lucky strikeını çəkib viski likorunu təkbaşına içə dursun.
saloonda başqa bir ad da vardı, hansı ki, hamının hər gün, hər yerdə gördüyü, iri gözlərindən cinayətkarlara xas vəhşililk və ehtiras yağan zazoza. qəsəbədəkilər ona quyruqlu ulduz da deyirdilər. çünki sarı şlyapasının qabağına hansısa şerifdən oğurladığı, amma israrla yerdən tapmışam dediyi ulduz, arxasında isə qızıldərililərə məxsus qu tükü ona bu görkəmi verirdi. ən azından gecənin işığında. gecənin işığında zazozanı görmək də nədən irəli gəlirdi, artıq onu oxucular düşünsün.
saloonun ağzında atların yanına, başqa bir at bağlandı bu səfər. bu isə əsas da kəllə ovçularının çox yaxşı tanıdığı nellie crain idi. nellie yeni kəllə elanı gətirmişdi. 500 dollara çatan elanda, hamının tanıdığı o ad yazılıydı. itigöz grammar.nazi. grammar.nazi çoxdanın axtarılan qulduru idi. ondandır ki, nellie crain onun şəklini bundan əvvəlki mükafat elanının üstünə vurdu, əvvəlki elanda mükafat məbləği 450 dollar idi.
artıq bir il olardı ki, nazini nə görən olmuşdu, nə izini tapa bilən. hamı sadəcə onun tərəfindən törədilmiş cinayətləri oxumaqla kifayətlənə bilir, bir gün redstona yolunun düşməməsinə ümid edirdilər. belə ki, 6 ay öncəki qatar soyğunundan sonra nazinin adı hətta kənar əyalətlərə də yayılmışdı. nazi heç vaxt modadan düşmür, uşaqlar nazini təqlid edərək oyunlar oynayır, bəzi ruhi xəstələr ona qatılmaq üçün nazinin etdiyi cinayətləri təkrarlamağa çalışırdılar. amma təbii ki, bunlar qəsəbə şerifi timidusun nəmli, ifunət qoxusu verən, hər tərəfindən sidik və ağır ölü heyvan iyi verən ofisindən o tərəfə keçə bilmirdilər. keçənlər də ya həbsxanaya düşürdü, ya da hansısa kovboyçuluq oynamaq istəyən kovboyun yalanı üzə çıxırdı.
timidusun özü şerif olmasına baxmayaraq qəsəbədə həm də yaxşı pianoçu kimi tanınırdı. ondandır ki, evinin qarşısındaki meydanı insanlar bazar yeri etməmiş, arada timidusun notalarına qulaq asmaq üçün olduqca açıq saxlamağa diqqət edirdilər.
nellie crain grammar.nazinin elanını divara vurandan sonra, barmen j. de moleiyə 2 qızılı rom sifariş edib, özünü saloonun o biri tərəfində oturub marlbrosunu tüstülədib arada bir bardaki 4-lüyə baxış atan reynin yanına verdi. reynin fikri o qədər qarışıqdı ki, nellienin fərqinə belə varmadı, ən son üzünü nellienin gəldiyi tərəfə çevirib, bütün ağırlığı ilə siqaretini onun üstünə üfürəndən sonra fərqinə varıb sevincindən miyauu deyə üstünə atılacaqdı. reyn qəsəbənin pozitivliyini qoruya bilmiş tək-tüklərindən idi. atıcılığı ilə nə qədər şöhrət qazanmışdısa da, hamısını kəməndatmadakı bacarıqsızlığı alt-üst etmişdi. heç vaxt düz iplə birbaşa quldur yaxalaya bilməmiş, ya atının başına səhvliklə keçirərək yerə salıb heyvanı yaralamış, ya da silahına davranaraq qulduru ya öldürüb- ya da yaralı halda gətirib çıxarmışdı. timidus da buna məhəl qoymadan reynin mükafatını vermişdi, çünki reyn qəsəbəyə köçənə qədər qəsəbədə çox artıq miqdarda doluşmuş pişik populyasiyası vardı. insanlar artıq pişikləri güllələməyə belə çalışmışdılar, reynsə bunların önünə keçmiş, öz evini bir pişik sığınacağına çevirmişdi. qonşuları onun hərəkətlərinə xəstə olsa da, heç vaxt qəlbini qırmamağa özən göstərmişdilər, nə də olsa öz işini normal görməsə də, görməyə çalışan barmaq sayılı qəsəbə sakinlərindən idi reyn.
-həə, bu dəfə də nazinin elanı üçün gəlmisən? deyə reyn nelliedən özünü güclə toplayaraq soruşdu.
+həə, əyalət şerifi lap boğaza yığıb, hər gün bizimkiləri göndərir qəsəbə-qəsəbə elan yapışdırmağa. anlamadığım odur ki, nəyə görə hələ də tutulmayıb bu adam, nədir bunun sirri 1 ildən çoxdur özünü gizlədə bilib
-deyilənə görə, özü üçün dəstə yığırmış. ən azından qulağıma çatan odur ki, yenidən buraları birləşdirərək, ikinci bir qızıldərili ovu başlatmağa çalışır.
+mənim qulağıma çatan isə, nazi hökumətin birbaşa özünə göz qoyub. amma dəmiryolu tikintisində söhbət etdiyim bir işçi mənə, nazinin bu əyalətdə idaretməni yıxaraq, qızıldərililərə eyni haqlar üçü mübarizə apardığını demişdi. özü də buna çox inanmış görünürdü.
-bilirəm, bir çox şaiyə var haqqında, amma bunların heç biri onun bir cinayətkar olduğu gerçəyini dəyişdirmir, reyn!
deyərək, romunu başına çəkib masaya vurdu. reynin papağını düzəldərək saloonun çıxışına doğru irəlilədi. çıxarkən gözü kənarda oturmuş 4lü qrupa sataşmışdı ki, qəfildən külək saloonun pəncərəsini çırpdı, içəri dolan hava axını tam pəncərənin ağzında oturmuş qrupdan birinin şlyapasını başından aşırdı. ilahi! bu ki, hərtərəfli insan idi! alabama polisinin 2 aydan çoxdur axtardığı, başına 150 dollardan çox mükafat təyin etdiyi, onlarla at arabası, turist və ev soyğununun günahkarı hərtərəfli insan idi. onun elanlarını daşıyan nellie onun üzünü artıq əzbərləmişdi. tez silahına davranmaq istərkən, hərtərəfli insan və digər üçlü pəncərədən sıçrayaraq qaçıb, saloonun önündəki, atlarını çoxdan fitləyib qaçmağa başlamışdılar. nellie tez qapıya qaçıb qışqırmağa çalışanda, üzünə doğru gələn kəndir onu anidən yerə yıxdı. qrupdan biri nellieyə kəmən atmışdı, amma kəmənd nellieni sara bilmədi. beləcə 4-lü qaçarkən, nellie crain sadəcə salonun qapısının ağzında üzündəki toz-torpağı təmizləməklə məşğul olmuşdu. amma qapıdan çıxan barın digər müştəriləri, dasein, reyn, zazoza arxadan dəstəni gülləyə tutdu. ki, atlılardan biri atdan yerə yıxılmış, yaralı vəziyyətdə qalmışdı. geri dönüb onu qurtara bilməyəcəklərini anlayan yoldaşlarından biri, döngəni dönməzdən əvvəl son gülləni ona sıxıb ucadan fit çalaraq atını mahmızlayıb qaçdı. dasein cəld şəkildə atına minib arxalarınca qaçmaq üçün barın tinini dönəndə, quldurların artıq təpənin ardında gözdən itdiklərini gördü.
ölən bir quldurun yanına gedib çıxan nellie, reyn, zazoza onun kimliyini müəyyənləşdirməyə çalışdılarsa da, alınmadı. ölünün kimliyini anlamaq üçün şerifin ofisinə aparılması şərt idi. bu anda küçənin digər tərəfindən səsə çıxıb gələn digər kəllə ovçularından ibarət kiçik dəstə yetişdi. yerdə uzananın kimliyini içlərindən biri tanıyırdı. öz yoldaşları tərəfindən öldürülərək küçənin ortasında tərk edilən cəsədin gerçək adı mariya kürüsü idi. həyat onun kimi cəsur bir düşməni öz dostlarının gülləsinə tuş etmişdi. mariyanın yerdə yatan cansız bədəni, əslində məşəqqətli yolun nə qədər əzablı ola biləcəyinə işarə idi. bunun fərqinə varan təkcə dasein, reyn, nellie, zazoza, ya da qəsəbə sakinləri, şerif timidus, digər kəllə ovçuları deyildi. bunu mariyanı öldürdükdən sonra gözlərindən üzünə, ordan da küləyin təsiri ilə arxaya doğru itələnən gözyaşlarını saxlaya bilməyən hərtərəfli də başa düşürdü. digər 2 quldur, cornelius fudge, ya da barracuda bunu hərtərəfli qədər olmasa da çox yaxşı anlamışdı. hərtərəflinin bu sistemə, ya da adı hər nədirsə ona qarşı son peşmançılığı bu olacaqdı bəlkə də. bəlkə də deyildi. onlar ki, əslində pisliklərlə döyüşərkən elə pislik deyə yaftalanmış, əslində isə gerçək doğrulardı. və dördnala, grammar.naziyə doğru, önəmli bir dust riders üzvünün öldürüldüyünü, həm də bunun özləri tərəfindən edildiyini çatdırıb, sonrakı situasiyada atılacaq addımları öyrənməyə doğru gedirdilər.