əjdahalar googlla sözlük yazarlarının favorit serial obrazları - hbo - ən yaxşı serial soundtrackları - sözaltı fotoqrafiya 7. obrazları çox yaxşı işlənmiş bir serial. Normalda başqa filmlərdə və ya seriallarda xüsusi tip insanlar var ki, biz onların daxili aləminə heç vaxt səyahət edə bilmirik. Onlar sadəcə olaraq qəlib obrazlar kimi mövcud olur və daxili emosional tərəfləri hamıya qaranlıq qalır. Çünki bəzi tip insanlar var ki, onların real hisslərini başa düşmək hamı üçün asan deyil. Çoxları onları sadəcə görür onlarla necə rəftar edəcəyni bilir, və onların edə biləcəklərini təxmin edir amma onları heç vaxt sözün əsl mənasında tanımır. Məncə ssenaristlər də ssenari yazanda sırf bu xarakterə sahib obrazları çox yaxşı təsvir etsələr belə, onların bəzi şeyləri niyə etdiklərini özləri də başa düşmür. Succession baxdığım nadir seriallardandır ki, ən klişe və qəlib obrazların belə emosional tərəflərini görürük. Və bu heç saxta deyil. Məsələn Tom xarakteri. (spoiler: ilk bölümlərdə gördüyümüz tək şey Shiv ilə puluna görə bir yerdə olmaq istəməsidi. Hətta Loganın ölümünün bir addımlığında Shivə evlənmə təklif etmişdi. Prinsipləri olmayan, pul üçün hər şey edə biləəcək və sosial bacarıqları çox yaxşı olan sadə bir xarakter, plus serialın humor gücünü bu xarakterlə artırmaq olar. ilk iki sezon Tom haqqında gördüyümüz hər şey bu olur. Tom haqqında Shiv də daxil hamı sadəcə belə fikirləşir. Hətta Shivin Tomla birlikdə olmasının tək səbəbi Tomun pulu nə qədər çox istədiyini və sırf pula görə onu heç vaxt tərk edə bilməyəcəyini bilməsi idi. Çünki Shivin ən böyük qorxusu tərkedilmək idi. Sırf buna görə güvənmədiyi boyfriendini atıb Tomla evlənir. Və Toma qətiyyən hörmət eləmir. Indi yazacağım hissəni isə çoxları başqa cür şərh edə bilər. Tomun serialın əvvəlində Shivə qarşı heç bir hissi olmadığı bəlli idi. Amma serialın ortalarına doğru Tom Shivin diqqətini çəkməyi bir prinsip halına çevirir və ya ona həqiqətən də hissləri yaranmağa başlayır. ilk dəfə olaraq məncə dəyər görmək və ya hörmət olunmaq istəyir Shiv tərəfindən. Amma olduqları güc balansında bu mümkün deyil. Aşağıdakı səhnələr baxdığım ən acınacaqlı səhnələr ola bilər. Və biz həqiqətən də Tomun yaşadığı o qəribə narahatedici üzüntüsünü hiss edirik. Yaşadığı bu hisslər onun özünə belə qəribə gəlir.)
)