6. iş yoldaşım şəkər dərəcəsini hər səhər dövlət tərəfindən verilmiş aparat vasitəsilə ölçür və günlərin birində mənə təklif etdi ki, səhər şəkərli-südlü kofeni içmədən gəl sənin də şəkərini yoxlayım. şəkər faizim normadan bir xeyli yuxarı çıxdı və bu mənim üçün gözlənilməz oldu. bir-iki "bəyaz ölüm" adı altında videoçarxlar və sözlükdə bu başlıqda qubadlıya qədər gedən adamın qeyd etdiyi sənədli filmi izlədikdən sonra divara yapışdırdığım habit tracker-i təzələdim. şəkəri tərgitməzdən əvvəl azalda bilirəm mi bunu görmək üçün 40 gün müddətinə short term olaraq hədəfləşdirdim.

sinir-panik ataklarından qaynaqlandığını düşündüyüm əsmələr, baş ağrıları və yorğunluq, eyni zamanda iştahsızlıq, yuxudan yorğun oyanmaq şəkərlə birinci dərəcədən bağlantılı imiş və minimuma salınmış şəkər qəbulu belə günlük həyatımda və bədənimdə ciddi dəyişikliklərə gətirib çıxartdı. ən əsası isə dəri problemləri. dərinin rəngi, səpkilər və iltihabının kökünün kəsilməməsi belə şəkərlə bağlantılı olub, həlli isə sadəcə minimum qəbulla başlayıb şəkəri tərgitməyə söykənirmiş. şəkər qısa müddətlik beyinin "ödül butonu"nu basıb bayram abu-havası yaratsa da çöküş hissəsi daha ağır gedir və insanı əzgin, enerjisiz edir. rəngli sular, hazır qablaşmada olan şirniyyat növləri, fastfood və eləcə də ketçap, mayonez kimi qidaların tərkibindəki şəkər miqdarı insanın qeyri-sağlam keçən günlərini tez zamanda da xəstəliyə ötürər. ilk zamanlar bir az araşdırmaqla yeni qidalanma menyusuna keçid eləmək prosesi, ağız dadının öyrəşməsi müddəti insanı sıxa bilər. sonradan isə şəkər krizləri gəldikcə su və məşğuliyyətə özünü verirsən. mən şəkərin yerinə meyvə qoya bilmədim, çünki meyvə yemək alışqanlığım uşaqlıqdan formalaşmadığı üçün meyvəyə qarşı xüsusi bir təlabat hiss etmirəm, edə bilmirəm. şəkər krizi hiss etdiyimdə limonlu su içirəm. hətta şəkəri qidalanma ilə də əvəz edə bilmirəm, çünki hava qaralmadan hardasa 19:00-a qədər olan vaxt ərzində qidalanmamı sona çatdırıram. gecə adamı üçün şəkərin bu dərəcədə azaldılması ən çox gecə krizləri olaraq qayıdır. beyin yorduğun, zehni əmək tələb edən işiniz varsa, hətta həm sağ həm də sol beyin işin içinə girirsə şəkərin yoxluğu unhappy beyin ilə gecəyarısına qədər layihələri idarə etmək deməkdir. limonlu su isə beyinin efkar masasına rakı kimi qoyulur, uyuşur, bir müddət sonra avtopilot rejimində işinizə davam edirsiz, fonda da müslüm baba oxuyur :d
səhər kofesini şəkərsiz içə bilmədiyim üçün 1 qaşıq yarım şəkər tozu və kəsmikli bulka ilə günə şəkərli bir giriş edirəm. sonrasında isə şəkər tərkibli heç bir qida qəbul etmirəm. ən çox səpkilərimin təmizlənməsi baxımından çox xoşbəxtəm. şəkəri tamamilə tərgitmək long term hədəfimdi, ona da az qalıb.