8. Sonuncu spider man trilogiyasında, yəni 2007-ci ildəki çəkilən tobey babanın baş rol oynadığı hissədə belə bir epizodik yer var. Tobeyin kostyumuna qəribə bir maddə düşür (venom) və o bir müddət sonra onun bütün bədənini, dolayısı ilə zehnini ələ keçirir. ilk başda tobeyə bu qara kostyum həzz verir, içində qaranlıq insanı üzə vurur, dəli kimi rəqslər, hərəkətlər, sonra zamanla ətrafındakı insanlara ziyan vurmağa başlayır. Əslində o kostyum, yəni venom və ya black spider-man, tobeyin içindəki qaranlıq insanı üzə vurur. Bu xasiyyət əslində hamıda var, heç kim ideal və ya mələksima deyil. Hərə o xarakterini bir cür biruzə verir. Vurub sındırmaq, dağıtmaq, başqalarına ziyan vurmaq, onların məsumluğundan istifadə etmək hamıda var. Ya o hissləri cilovlaya bilirsən, ya da onlar səni zamanla ələ alır. Heç kim doğuşdan pis insan olmur ki. Zamanla üstünə qoya-qoya gedirsiniz və bir yerdən sonra geriyə dönüşü olmayan və tanınmaz bir adama çevrilibsiniz. Bəs bütün bunlar necə baş verir? Necə zamanla pis adama və ya içimizdəki dark triad-a fürsət veririk? Goethe-nin də dediyi kimi gelegenheit macht Diebe- fürsət (adamı) oğru edər. Yəni, bizim dildə tərcüməsi münasib zəmin olanda içinizdəki pis insan mütləq baş qaldıracaq. ona görə " never say never" nə zaman nə olacağını bilə bilmərik. Bəs, içimizdəki insana necə qalib gələcəyik? Eynilə, spider man filmindəki kimi, kilsənin zınqırovları ilə, yəni bizi ayildan, diri tutan daim bir (mənəvi) kompass olmalıdır, yoxsa ilk fürsətdə içimizdəki şeytan, qara düşüncələr, neqativ yönümlü hər nə varsa, və adını nə qoyursunuzsa, bizə qalib gələcək.