17. Bir apple produktu istifadəçisi olaraq, biraz da öz fikirlərimi bildirməyin yeri var məncə. Son m3 (pro və max) chip-lərindən sonra sadəcə geriyə bir şey demək qalır. Texnoloji inkişafın yavaş-yavaş sonuna çatırıq, amma doyumluluq anlamında yox. M3 chip-ləri m2-dən elə də güclü deyil, 15-20 faiz. O da kağız üzərində, praktikdə bəzi test analizlərində demək olar ki bərabərdirlər. Elə ona görə apple təqdimatda m3-ləri m1-lər ilə müqayisə edirdi. Bu arada m1-lə də pis deyil. Hətta m1 macbook air-niz varsa, istənilən işinizi rahatlıqla görə bilərsiniz. Biraz video render filanda gecikmə ola bilər, o da yəni dünyanın sonu deyil də, olmasın 2 saat, olsun 3 saat.
insanlar da daim daha çoxa meyl etmə var, sabah iphone 100 ultra pro max (cool görünsün deyə xx deyək) çıxsa, qaçıb onu alacaqlar. Apple-da bunu bilir. Bilir ki, daimi bir alıcı kütləsi var ( hər il təxminən 200 mil. Yeni iphone satılır) və ona görə də produklarına texniki yenilikləri çox gec verir və verəndə də, elə reklam edir ki, sanki ilk bu kəşf edib (baxma: usb-c ). Hələ də giriş telefonlarında ekran 60 hz-dir. (baxma: iphone 15 ). Və nəticə olaraq satışlarda və illik ciroada geriləmə var. 2001-dən bu yana ilk dəfə apple hər 4 rüblüyü qırmızı rəqəmlərlə başa vurub. Bu bizim üçün ohadır, apple kimi şirkətə heçnə əlbəttə ki. Gələn il, mart aprel ayında güman ki yeni ipad mini 7, bəlkə foldable ipad (pro) və yenə bəlkə iphone se çıxa bilər. iphone se haqqında çox söz-söhbət var, sonra mövzu öldü. Apple-ın bəlkə də ən böyük səhvi, mini telefonları bazardan çəkməyi oldu. Ən ideal telefon elə 5.4 və ya max. 5.8 inç olar da. 13 mini bugün bazara usb-c ilə çıxsın, sabaha stoklar bitər. Nə var 7 inçlik telefonlarda? Heç kimə lazım deyil. Sadəcə insan doymur da.

Ekosistem olaraq isə apple çox güclüdür. Alternativ olaraq telefonda ağla sony, huawei gəlir. Sony əslində kamera və video söhbətində çox əjdahadır, amma di gəl ki iphone qiymətinə və bazara çox gec gəlir. Bir də qabaq kamerası elə də super deyil, update-lər vaxtı vaxtında gəlmir telefona. Huawei şəxsən tam bir ekosistem kimi işlədirəm apple produktlari ile paralel, telefonundan tutmuş, qol saatına, laptopuna kimi. Çox şey də apple-dən qabaqdı, tam səmimi. Elə ona görə google ban gəldi. Google ban eləməmişdən əvvəlki son çeyrəkdə huawei apple-i mobile bazarda yaxalamışdı. Rəqabət həmişə yaxşı şeydi, insanı yeni şeylərə vadar edir.



bu entry ipad pro 11 (m1)-dən yazılmışdır.