1. TikTok-un ən böyük üstünlüyü odur ki insan özünü həqiqətən ifadə edən məzmunu paylaşaraq bir anda öz dünyagörüşünə uyğun insanlarla qarşılaşır. Tinder kimi tanışlıq tətbiqlərini gedirə qoyur, çünki burda əlaqələr yalnız xarici görünüşə deyil, daha çox dərin və həqiqi uyğunluğa əsaslanır. Özü də daha çox insan tapırsan, çünki alqoritm səni kəşfetə salır. Bir anda networkun genişlənir.

TikTok-da özünü ifadə etmək insanı tək olmadığını hiss etdirir. Bir növ terapiyadır. Səninlə eyni dəyərlərə, maraqlara sahib olan bir çox insanın olduğunu görmək, insanın özünü daha az tənhalıqda hiss etməsinə səbəb olur. Və sadəcə dəyərlər deyil, bizdəki mənfi xüsusiyyətləri başqasında açıq-açıq görərək özünün “dəli” olmadığını anlayırsan. Deyirsən ay da mənim kimi nə qədər həşdıllağ varmış. Amma bu səni rahatladır, o yükdən azad olursan. insanlığın nə qədər geniş, müxtəlif olduğunu anlayırsan. Hər cür insan var orda və bu səni o qədər rahatladır ki, deyirsən ay da biz nəyin dərdini çəkirik. Sən demə ağa qara deyən də varmış. Hər şey perspektivə görə dəyişirmiş. Üstəlik sadəcə əyləncə məqsədli deyil bu platforma. Həm də minlərlə faydalı məlumatlar üçün geniş bir resursdur. Həddindən artıq həm də. Bu platforma insanın həyatını dəyişdirmək gücünə malikdir, və bunu hələ də bir çoxu anlamır, hansısa səviyyəsizlərə görə tiktoku yükləmir heç. Sən nəsənsə tiktok da elədir, sənin aynandır. TikTok, sadəcə bir sosial platforma deyil, həm də müasir insanın düşüncə və təcrübələrini əks etdirən dinamik bir güzgüdür, statistikadır. Özünüzlə üzləşirsiz.
indi deyəcəksiz instagram da belədi, amma deyil. aralarında dağlar qədər fərq var. 1 ay işlədin görəcəksiz.


tiktok bizim statistikamızdır.
siz tiktoku söyəndə əslində insanları söyürsüz, tiktokun özünü deyil. çünki onu işlədənlər yenə insanlardı. elə bil maşını sürücüsünə görə söyürsən. Amma sən o maşını sənin xeyrinə işləsin deyə bir şeylər et gör dünyan necə dəyişir.