1. (baxma: Gecə vaxtı yavaş sürətlə maşın sürmək)
Şəhər içi uzun yol olaraq "рабочий" (8 noyabr) prospekti - aeroport yolu; amma yaxşı olar ki, 28 may, sahil, Bulvarın paraleliylə Neftçilər prospektindən üzü Azneftə, Elmlər, Nizami. Amma hamısından da əsas içərişəhər və Dağüstü park tərəflər.

illər əvvəl belə olanda hər küçəsini ayaqla qarış-qarış gəzirdim buraların. Dönüb-dolaşıb axırda Dağüstü parkdan, içərişəhərdəki 1-2 bina var ki, onların damından günəşin çıxmağını izləyirdim. Yadıma düşür, bir növ komfort zonamdakı kimi hiss edirəm. Elə olur maşını qoyub yenə gəzirəm uzun-uzun.

Hə, bir də ki (baxma: maşın yumaq). Cüt olsan, nə gözəl. Tək olsan, ondan da gözəl. Fokuslanıb içli-çöllü hər nöqtəsini, hər yerini tərtəmiz təmizləyirsən, adamın başı açılır. Özü də fikir vermişəm, gecə vaxtı gələnlərə. Ya gecə smeni taksi olanlardı, ya da elə mənim kimi maşını təmizləmək bəhanəsilə başının içini təmizləməkçün gələnlər.

Axırda isə daxilən rahatlamış, fiziki olaraq da ağırlaşmış, yorğun halda gəlirsən yarım qalan (ya da heç başlamamış) yuxunu tamamlamağa..

Moderlər üçün qeyd: səhv eləmirəmsə, nəsə buna bənzər başlıq olmalıdı idi, tapa bilmədim. Elədisə, başlığı silib entrini ora köçürün z.o.