3. Güləş kənardan baxanlara çox vaxt sadəcə güc idmanı kimi görünür. Əslində isə insanın psixologiyasını ən tez sındıran idman növlərindən biridi. Güləşlə məşğul olmamış bir insanın, bir güləşçinin həm fiziki, həm də psixoloji sınmazlığı barədə çox az təsəvvürü olur.
Boks və kickboksla da məşğul olmuşam, amma ilk dəfə məhz güləş mənə çox şey öyrətdi. Qaça bilmədiyin vəziyyətlərdə sakit qalmağı, nə qədər yorulsam da təslim olmamağı, yerə yıxılanda panikaya düşməməyi.
Həyatda da vəziyyət fərqli deyil. Bəzən yıxılırsan, amma qalxmaq və davam etmək üçün insan özünü buna əvvəlcədən hazırlamalıdı. Əsas məsələ isə nə olursa-olsun, təslim olmamaqdı.