1. sürrealizmin yaradıcılarından olan luis bunuel və salvador dali`nin, gördükləri yuxulardan yola çıxaraq ssenarisini yazdıqları, rejissorluğunu bunuel`in etdiyi 1929-cu il tarixli qısa metrajlı səssiz film. bu, bunuel`in ilk filmi idi. bunuel və dali, dediklərinə görə ssenarini, heç bir görüntünün filmdə məntiqli bir məna oyandırmaması şərtilə yazıblar. bunuel demişdir ki, filmdə heç nə hərhansı bir şeyi təmsil etmir və simvollar varsa da, yəqin ki ancaq psixoanaliz yolu ilə açıqlığa qovuşdurula bilər. filmdə bir zamandan digərinə çoxlu keçişlər var və konkret bir süjet yoxdur. filmin ən şiddətli hissəsi olan qadının gözünün kəsilməsi səhnəsi, indiyənə qədər kino tarixinin məşhur səhnələrindən biri sayılır. bu səhnədə qadının gözünün kəsilmə effektini vermək üçün ölü bir dananın gözü həqiqətən * reallıqda kəsilmişdir. dananın gözünün ətrafındakı tüklər qırxılaraq, dərisi insan dərisinə bənzədilməyə çalışılmışdır. filmin ilk səhnəsində ülgüc itiləyən obrazı oynayan adam bunuel özüdür. həmçinin dali də filmin kiçik bir hissəsində rol almışdır. film boyunca argentina tanqosu ilə richard wagner`in tristan und isolde əsərindən bir hissə eşidilir. şiddətli səhnələrin izləyiciləri qəzəbləndirəcəyini düşünən bunuel, filmin nümayişinə özünü qorumaq məqsədilə cibinə daşlar dolduraraq getmişdir. filmin ilk nümayişdə pablo picasso, jean cocteau, andre breton * sürrealizm cərəyanının qurucusu kimi sənətkarlar olub.