1. tam adı marsel marko van basten olan hollandiyalı 1964-cü il oktyabrın 31-də utrext şəhərində idmançı ailəsində dünyaya gəlib. uşaq yaşlarından futbolla məşğul olan marko edo və utrext klublarında çıxış edir. 13 yaşı olanda balaca markonun istedadını görən rotterdam şəhərinin feyenord klubu onu öz heyətinə qatmaq istəyir. lakin atası markonun yaşının az olması ilə əlaqədar olaraq oğlunu heç yerə buraxmır. marko van bastenin professional karyerasında ilk klubu ayaks olur. 1982-ci ildə amsterdamın məşhur “de mer” stadionunda futbolçu debüt oyununu keçirdir. oyunun 46-cı dəqiqəsində yohan kroyffu əvəzləyən 18 yaşlı hücumçu elə ilk oyundaca fərqlənməyi bacarır. 1987-ci ildə milan klubunun rəhbəri silvio berluskoni markonu öz heyətinə qatmaq qərarına gəlir. məhz həmin ildə də milan klubu 8 illik fasilədən sonra italiya çempionu adına layiq görülür. 1988-89-cu illər mövsümündə hücumçu seriya a-da 19 qol vurmaqla yanaşı, klubun styaua buxaresti məğlub etdiyi çempion klublar kubokunun final görüşündə də 2 dəfə fərqlənərək adını tarixə yazdırır. milanın heyətində forma geydiyi 201 qarşılaşmada 124 qolla yadda qalır.
markonun millidəki karyerası 1983-cü ildən başlayır. 1988-ci ildəki avropa çempionatı futbolçunun karyerasına qızıl hərflərlə yazılır. hollandiya yığması ssri millisini 2-0 hesabı ilə məğlub edərək tarixində ilk dəfə avropa çempionu adını qazanır. hücumçu bu görüşdə də 1 qol vurmaqla ümumilikdə 5 qolla turnirin bombardiri adını qazanır.
futbolçunun klublarda qazandığı nailiyyətlər sırasında :
3 dəfə hollandiya çempionluğu
3 dəfə hollandiya kuboku
1 dəfə kuboklar kuboku
3 dəfə italiya çempionatının qalibi
2 dəfə qitələrarası kuboku
2 dəfə avropa çempionlar kuboku və nəhayət 2 dəfə superkuboku göstərmək olar.
2004-2008-ci illərdə hollandiya millisinə başçılıq edən van basten 2008-2009-cu illər mövsümündə ayaksa rəhbərlik edirdi. hal-hazırda unudulmaz futbolçu herenven klubunun baş məşqçisi postunda çalışır