Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
1. 1988ci il istehsallı gürcü-erməni-azərbaycan filmi. bildiyiniz əsl qafqaz filmi. hər şeydən əvvəl filmin heyətini qeyd eləmək lazımdı:
film azərbaycan dilindədi. rejissor filmi özünün ən yaxın dostu andrey tarkovskiyə həsr edib. şeirsəl, poetik bir filmdi. tarkovskiyə həsr olunubsa belə də olmalıydı. adi tamaşaçı üçün darıxdırıcı gələ bilər, ama art-house sevənlərin xoşuna gələcək. çünki film simvolik məna ilə doludur. sanki "12-15ci əsrlərdə film çəkilsəydi, necə olardı?" sualına bir cavabdı. istifadə olunan elementlərdə isə milli kolorit var. hər dəfə bir rəngdə olan nar, ağ və qara göyərçinlər, ağ, qara, qırmızı yolun olması və s. musiqilər də çox gözəl seçilib.
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
2.#129286 entry’yə filmlə tanışlığımı sağladığı üçün təşəkkür edirəm…filmin gördüyüm və mənasını oxuya bildiyim simvolizmini sizinlə bölüşmək istəyirəm:
film “reverse chronology” texnikası ilə aşıq qərib və mahunun toyu ilə açılır...açılış səhnəsindən sonra, lars von trierin istifadə etməyi xoşladığı fəsil-fəsil anlatı üsuluyla qəribin hekayəsini izləməyə başlayırıq...filmi bir bildungsroman olaraq düşünməliyik...həqiqətən, aşıq qəribin xarakterinin formalaşması, onun odisseyası ilə sıx şəkildə əlaqəlidir...yola çıxmazdan əvvəl yalnız mahuya “dəlicəsinə aşiq” olmaqdan başqa heç bir keyfiyyəti olmayan, xarakteri formalaşmamış, ana və bacısının himayəsində olan (bacısı və anası onu çimdirir, geydirir), bir sözlə “səfeh aşiq” olan qərib yola çıxdığdan sonra başına gələn sərgüzəştlərdən sonra böyüyür, kamilləşir, filmin sonunda isə aşiq yox aşıq olur...
bu iddianı qəribin yola çıxdıqdan sonra (yola çıxarkən bacısı ona ezoterik bir meyvə olan nar verdiyini unutmayaq) nemesisi xurşud bəy tərəfindən paltarlarının oğurlanması, aldadılması onun hələ də uşaq beyninə sahib olması da təsdiqləyir...bu səhnədən sonra çılpaq qalan (rüşeym) qəribin ikinci dəfə anadan olduğuna şahid oluruq...ana bətnini andıran quyuda qalan çılpaq qəribə kimliyi bilinməyən biri paltar verir, beləliklə qərib örtünməklə sivilizasiyaya ilk addımını atır...daha sonra onun köməyinə gələn və ona yol göstərən qara geyimli qadınlar qəribin həyatındakı anasına, bacısına və uşağın həyatına girən digər qadınlara bir işarətdir...(eyni qara geyimli qadınlar qəribin anası və bacısı olaraq filmin sonuna yaxın qəribin ərdəbil şəhərinin giriş qapısında qarşısına çıxır)...qadınlar qəribi filmdə ata figurunu əvəz edən yaşlı aşığın yanına gətirirlər...yaşlı aşıq (ata) qəribə saz (fallik simvol) verir və qərib yenə yola çıxır...filmin davamında yaşlı aşığın ölümü və qəribin oyuncaqları basdırması böyüməyə bir addım olaraq oxumaq olar...qəbirdən çixan goyərcin ruhun qanadlanmasına göndərmə
ümumiyyətlə yuxu motivi, istər şərq ədəbiyyatında, istərsə də qərb ədəbiyyatında çox sıx istifadə olunan motivdir...filmdə də bu motivdən çox məharətlə istifadə olunmuşdur..qəribin gördüyü oneiromantik yuxular filmin gedişatında, qəribin kamilləşməsində çox böyük rol oynayır...qərib metafizik, psixoanalitik simvollarla zəngin 2 yuxu görür:
1. yuxu (korların toyu)
toyun qəbirstanlıq ilə eyni məkanda olması, xeyir-şərin qardaş olduğu ifadəsinin təzahürüdür...qəribin özünü tövlədə qoyunların arasında görməsi (isa peyğəmbərə işarət), toydakı süfrənin leonardo da vinçinin “sonuncu axşam yeməyi”ni andırması, süfrədə oturan korların sayının 13 nəfər olması, süfrədə san qrili ifadə edən səhəng kimi simvollar xristianlıqdakı dini simvolizmin ifadəsidir..
2. yuxu (lal-karların toyu)
ikinci yuxu səhnəsi süfrədəki səhənglə açılması və həmin sekansın bitərkən kameranın uzaq planda eyni səhəngi yenidən göstərməsi, kişilərin əlində balıq (bərəkət simvolu), qadinların əlində meyvə (ilk günaha, qadınlığa göndərmə)...qəribin balığı 2-3 dəfə əlindən düşürdükdən sonra yaxalaması hələ çəkəcəyi əziyyətlərin qarşıda olduğu, sonunda mahunu əldə edəcəyinə bir işarədir...
qəribin yuxudan ayıldıqdan sonra geyimlər, bığların şəklinə görə osmanlı sarayını andıran paşanın yanına gəlməsi... silahların paşanın arvadlarında olması, gücün onlarin əlində olmasına, osmanlı sarayının uzun illər qadınlar tərəfindən idarə olunmasına; osmanlı paşasının qrotesk və çox absurd olaraq göstərilməsi, qəribin paşanı mədh etməkdən boyun qaçırması və buna görə zindanda atılması, sənətin təhkim altına alınmayacağını, zindanda qəribi ziyarət edən qızların yunan mifalogiyasındakı muzaları, hind mifalogiyasındakı apsaraları təmsil etdiyini; qəribin zireh içərisində saz çala bilməməsinin müharibənin sənətçinin ilhamını körəltdiyini, onun yaradıcılığını məhdudlaşdırdığının; buna boyun əyməyən qəribin timsalında öldürülən (boyun vurulma səhnəsində baş yerinə balqabaq və icindən süzülən qan yerinə qirmizi yaylığın istifadəsi çox gözəl artistik bir konsepsiyadır) sənətçilər; qəribin gürcüstanda olduğunu vurğulamaq üçün gürcüstanın simvolu müqəddəs georgi və sonra onun şərq mifalogiyasındakı prototipi xızır-ilyas (pagan simvolizm davam edir); ərdəbilin girişində qara-ağ-qırmızı yol...qəribin qırmızı paltarda qırmızı qapıdan, eşq qapısından içəri girməsi; mahunun bir əlində ölüm gətirən qılınc, bir əlində həyat mənbəyi su ilə hind mifalogiyasındakı kaliyə bənzəməsi; filmin başında qəribin yola çıxmasıyla qara rəngə bürünən hər şeyin (göyərçinlər, narlar, rəqqasların geyimləri) ağ rəngə dönməsi və gözdən qaçırdığım neçə-neçə simvolla zəngin maraqlı film…
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
3. yutubda eşələnərkən bu qısa fraqmenti qarşıma çıxmasaydı, yəqin ki, heç vaxt xəbər tuta bilməyəcyim filmlərdən olacaqdı dediyim film.
(youtube: )
1988-də çəkilib özü də, müsibətlərin yavaş-yavaş başladığı ildi.
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
4. film barədə ətraflı yazılıb. son səhnədə qərib ağ göyərçini əllərindən buraxaraq azad edir. göyərçin də uçub kameranın üzərinə qonar. paracanov bu səhnə ilə ona həmişə dayaq olmuş tarkovskini yad etmişdir.
)