1. bu sifarişi verən: hechliyin_menasi

Sovet diplomatı, siyasi xadimi, politbüronun üzvü və bir sıra politoloqlara görə mixail qorbaçovun həyata keçirdiyi siyasi reformasiyaların fikir olaraq arxasında dayanan əsas şəxsdir. Bəzi konspiroloqlara görə də ssri-nin məhv olmasında çox yaxından iştirak etmişdir, qərbin agenti hesab edənlər də var. Hətta SSRi DTK-nin (KQB) sədri olmuş Kryuçkov da öz kitabında (Личность и власть) onun amerikanın agenti olduğuna dair ittiham irəli sürmüş və onun DTK-nın müxtəlif kanalları vasitəsilə kənar dövlətlər ilə məlumat mübadiləsində olduğunu qorbaçova bildirdikdə belə onun buna əhəmiyyət vermədiyini qeyd etmişdir.

Öz xatirələrində yazdığına görə Nikita Xruşşovun stalin haqqında söylədiyi tənqidi nitqdən sonra komunizm ideologiyasına olan inamı itmişdir. 1958-ci ildə dtk-nın Fullbright təqaüd proqramı üçün seçdiyi şagirdlər arasına daxil olub, amerikada kolumbiya universitetində təhsil almış və ingilis dilini və ədəbiyyatını bu ərəfədə dərindən öyrənmişdir. 60-cı illərdə mərkəzi komitənin proqaqanda şöbəsinin sədr müavini, sonralar isə sədri olmuşdur, ancaq 1972-ci ildə yazdığı "Против антиисторизма" adlı məqalədə Sovet Rəhbərliyinin rus millətçiliyinə qarşı olan mövqeyini tənqid etdiyinə görə vəzifəsindən azad edilmiş, kanadaya səfir olaraq göndərilmişdir. Konspiroloji nəzəriyyələrə görə kanadaya səfir olaraq göndərilməsində qərbdə sovetlərin boz kardinalı olaraq tanınan Mikhail Suslovun rolu olmuşdur. Orada kanadanın hazırki baş naziri Justin trudeaunun atası, kanadanın sabiq baş naziri pierre trudeau ilə yaxın dost olmuşdur.Qorbaçov ilə tanışlığı isə 1983-cü ildə qorbaçovun kanadaya səfəri zamanı onu müşayiət etməsi ilə başlayır və geri qayıtdıqda qorbaçovun təkidi ilə Yuri Andropov yakovlevi geri çağırır. Qorbaçov baş katib olduqda yakovlev propaqanda şöbəsinə yenidən sədr seçilir, həmçinin politbüronun da üzvü olur. 20 avqust 1991-ci il çevrilişindən bir neçə gün əvvəl partiyadan könüllü surətdə xaric olur. Rusiya müstəqil olduqdan sonra bir müddət partiya lideri kimi fəaliyyət göstərir.

Mənbə.
https://en.wikipedia.org/wiki/Alexander_Yakovlev_(Russian_politician))
https://www.kommersant.ru/doc/620319
https://www.alexanderyakovlev.org/fond/issues-doc/1009479
https://www.latimes.com/archives/la-xpm-1993-02-25-mn-768-story.html)