(youtube: 
)
)Ey mənə nahaq deyənlər, handadı bəs yaradan?
Gəl mənə isbatın et, kimdir bu şeyi yaradan?
Odu su, torpağü yeldən belə surət bağlayan,
Böylə bir dükkan düzən, kəndi çıxarmı aradan?
Gəl mənə bir söyləgil, kimdir sənin nitqindəki,
Söyləyən, söylətdirən, eşitdirən hər yanadan.
Avarə tək nə gəzirsən ey özündən bixəbər?
Gəl həqin sirrini istə aşiqi-biçarədən:
Ol kim, özün bilmədi, düşdü cahana dərbədər,
Varlığın həqq bilmədi, qurtarmadı əmmarədən.
Çünki bir şəhərin içində məscidü - meyxanə var,
Əhli-həq fərq eləməz məscidləri meyxanədən.
Oynaram rəqqas olub cəngü dəfü tənbur ilə,
Çünki məndə şeş cəhət var, dönmərəm çarparədən.
Çün Nəsimi on səkiz min aləmin məqsududur,
Kim bu sirri bilmədi, sür, ta çıxa dəvvarədən.
Bəstəkarın özü kompozisiya barədə:
"...Sadəcə bir neçə dəqiqəlik instrumental giriş hissə var ki, orada da simvollarla demək istədiyim, göylərdəki axtarışlarımızın daima yerdə sonuclanması barədədi. Yəni bu musiqi nümunəsində niyyətim kompozisiya sənətindəki bilik və bacarıqlarımı nümayiş etdirmək deyil, sadəcə Nəsiminin qəzəlinin simli alətlərin müşaiyəti ilə auditoriyaya çatdırmaq olub..."