1. 2013-cü ildən etibarən britaniya telekanalı channel 4da yayımlanan televiziya proqramı. proqramda ölkənin müxtəlif yerlərindən olan ailələr, dostlar evlərində televizor qarşısında oturaraq baxdıqları verilişlərə reaksiya bildirirlər. bəzi epizodlarda məşhur insanlar da reaksiya verirlər. verilişlərin birində məşhur oasis qrupundan tanıdığımız liam gallagher öz oğlu və anası ilə iştirak etmişdir.
proqramın məğzi budur ki, kimlərsə evində oturub televizor izləyir, siz də onları izləyirsiniz. qulağa çox mənasız gəlsə də, bir neçə dəfə baxandan sonra davamı da gəlir. bir qədər haşiyəyə çıxaraq qeyd etmək istərdim ki, ümumiyyətlə son zamanlar reaksiya videoları çox izlənilir. youtube kimi platformalarda tonlarla belə videolar rastınıza çıxa bilər. maraqlısı odur ki, bu videoların əksəriyyəti özündə heç bir məlumatlandırıcı, vaxt sərf etməyə dəyər məzmun daşımasa da çox geniş izləyici kütləsi var. bu barədə araşdırmalar da aparılıb. belə bir yazı oxumuşdum. link
qısacası, reaksiya videolarının bu qədər populyar olmasını empatiya hissi, tanış hisslər, güzgü neyronları ilə əlaqələndirirlər.