1. kapital bankın məhsulu olan kredit və debit kartı.
birkat kredit kartlarının bir neçə növü var. sadə (qırmızı), cashback (qara), miles (gümüşü), umico (üzərində umico yazılan).
1. sadə. əvvəl illik 15 azn idi. indi aylıq 1 azn xidməthaqqı ilə işləyir. ən sadə versiyadı alış-veriş edib taksitlərə filan bölürsüz. kartdan çox istifadə edən deyilsizsə bunu ala bilrəsiz.
2. cashback. əvvəl illik 35 azn idi. indi aylıq 2 azn-di. elədiyiniz alışverişə uyğun cashback verir. əgər gündəlik olaraq kartdan çox isitfadə edirsinizsə bundan alın. qazandığınız cashback-lərlə aylıq xidməthaqqını çıxardacaqsız elə. qazandığınız cashback-lər harasa toplanmır. bir başa aylıq borcunuzdan çıxılır. sərf edir məncə.
3. umico. bu üstdəki ilə eynidi. sadəcə bonus olaraq umico ilə partnyor olan yerlərdən də əlavə cashback ala bilirsiz.
4. miles. aylıq xidməthaqqı 3 azn. xərclədiyiniz hər 1 azn-ə qarşlıq 1 mil qazanırsız. sonra bu milləri təyyarə bileti alamağa xərcliyirsiz deyəsən.

alınması:
kredit kartını almaq üçün hazırda işlədiyiniz rəsmi iş yerinizdə minimum 6 ay staj olmalıdı. əgər kapital kartı ilə maaş alırsızsa 3 ay yetərlidi. ancaq hər şirkətin işçisinə də vermirlər. kapitalın özü şirkətlərə reytinq verir. aşağı reytinqli şirkətin işçiləri ala bilmir. şirkətin reytinqi və rəsmi maaşınız nə qədər çoxdursa sizə ayrılan kredit limiti də o qədər çox olur. ən yüksək reytinq kapitalın özündədi.
mən kartı işlədiyim şirkət vasitəsilə almışdım. ona görə 1-ci ili pulsuz olmuşdu. belə şans varsa dəyərləndirin.
banka yaxınlaşıb ya da onlayn sifariş verirsiz. ödəniş eləmədən alırsız kartı. aylıq tutulur xidməthaqqı. aylıq 500 azn alış-veriş etsəniz xidməthaqqı tutulmur.

istifadəsi:
birbank tətbiqində, kreditlər bölməsində görünür kart. elədiyiniz alış verişlər, cashbacklər, taksitlər hamısı burdadı. həmçinin saytdan da baxmaq olur.

alış-veriş yolları:
1. normal alış-veriş. istənilən mağazaya daxil olub alış-veriş edirsiz və ödənişi kartla edirsiz. bura onlayn ödənişlər də aiddi. internet, telefon və s. amma dövlət ödənişlərini nağdlaşdırma sayır deyəsən.
2. taksit. partnyor olan mağazalarda alış-veriş edib onu aylar üzrə takstitə bölə bilirsiz. heç bir əlavə faiz tutulmur.maraqlı bir şey deyim. mağazalarda nağd alışa 100 azn endirim filan edən kampaniyalar olur. bax burda birkartla malı alıb taskitə böldürsəniz həm 100 azn endirim ala, həm də faizsiz kreditə çevirə bilərsiz.
3. ninja kredit. partnyor olmayan yerlərdə ödəniş edəndə sizə sadəcə 24 saat keçərli olan bir mesaj gəlir. elədiyiniz ödənişi 2, 4, 6 aylıq kreditlərə bömək şansı verir. müvafiq olaraq seçiminizə uyğun faiz hesablanır. 6 aya 10 faizdi. o birilər yadımda deyil.
bəzən bu mesaj partnyor mağazalardan alış-veriş edəndə də gəlir. mesaj deyir ki, 6 aylıq taksit almısız, filan qədər faiz ödüyün bunu 9 aya çevirin və s.
bu mesajın gəlməsi bəzən problemli olur. ona görə mesaj gəlməsə birbankda təkliflər bölməsindən tapa bilərsiz.
4. nağdlaşdırma. heç məsləhət görəməzdim. pulu çıxardanda ayrı komisiyya hesablanır. onun faizi ilə birlikdə aylıq ödənişini ödəməlisiz. gecikdirsəniz ayrıca faiz hesablanır. mənə kartı verən adam tanış idi. dedi ki, neyniyirsən elə nağdlaşdırma eləmə.

ödəniş
ödənşlərin hamısını hər ayın 10-una qədər etməlisiz. etməsəz faiz hesablanır.
ödəniş eləmək üçün terminaldan istifadə edə bilərsiz. ancaq terminal komisiyya tutur. debit karta köçürüb ordan birkarta atmaq daha yaxşıdı. terminaldan ödəniş eləmək üçün cif kod (müqavilədə yazılır) və doğum tarixi lazımdı.
ödəniş məbləği belədi: normal alış-veriş borcu + aylıq taksit borcu - cashback məbləği (+ əgərvarsa ninja kredit borcu + nağd kredit borcu + gecikmə faizi)
qazandığınız cashbacklər avtomatik olaraq aylıq alış-veriş borcunuzdan çıxılır. yoxdusa taksit borcundan çıxılır.