forward contracts
|370 | 1 | 0
əjdahalar googlla
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
Futuresdən fərqli olaraq, forward birjalarda deyil, alış-satış həyata keçirmək istəyən iki tərəf arasında imzalanır. Dolayısı ilə qiyməti birja deyil, tərəflər müəyyənləşdirir. Yəni əgər neftin qiymətini birjalar müəyyən edir və futures müqaviləsi birjadakı hazırkı qiymətə əsasən hesablanırsa, forwardda qiymət və malın təslim alınması detalları tamamilə tərəflərin öz razılığına bağlıdır. Bu səbəblə də daha çox risk daşıyır. Maliyyə məhkəmələrində ən çox qarşılaşılan hallardan biri də forward müqaviləsi tərəflərindən hər hansınınsa öz öhdəliyini yerinə yetirməməsidir.
işləyiş mexanizminə gələsi olsaq, forward müqavilələri tamamilə fərqli proqnozları olan alıcı və satıcının bağladığı müqavilələrdir. Müqavilə şərtləri müqavilə hazırlanarkən qərarlaşdırılır və müqavilə müddətinin bitməsinə qədər heç bir dəyişikliyə uğramır. Müqavilə bitdiyi gün satıcı malı alıcıya təqdim etməli, alıcı isə ödənişi həyata keçirməlidir.
Misal:
Şirniyyat fabriki sahibi olan Məmməd dayı un dəyirmanı sahibi Vəli dayı ilə forward müqaviləsi imzalayır (John Mon zad olanda doğma olmur, Məmmədlə Vəli ilə idarə edin). Müqavilənin şərtinə əsasən, Vəli dayı 3 ay sonra fabrikə 100 ton unu kiloqramı 1 manatdan təqdim etməlidir. Burada Vəli dayı unun qiymətinin üç ay sonra 1 manatdan daha aşağı olacağını düşünür. Bu səbəblə də müqavilə ona qazanclı görünür və müqaviləni imzalayır. Başqa bir səbəb isə 3 ay sonra hər hansı səbəbdən 100 ton un sata bilməyəcəyini düşünməsidir. Məmməd dayı isə unun qiymətinin 1 manatdan yuxarı olacağını düşünür, bu səbəblə ona bu müqaviləni imzalamaq sərf edir.
Burada əsas məqam, tərəflərin hər nə qədər gözləntilərinin doğru olmama ehtimallarını bilsələr belə, müqavilə şərtlərinin onların əleyhinə olmasının onlar üçün böyük bir problem yaratmayacağını düşünmələri səbəbilə riskə gedib müqaviləni imzalamalarıdır. Yəni Məmməd dayı üçün unun gələcək qiymətinin 80 qəpik olmasının yaradacağı narahatlıq və bu risk unun qiymətinin 1 manat 20 qəpik olacağı zaman qazanacağı faydadan daha aşağıdır. Eynisi dəyirmançı Vəli dayı üçün də doğrudur
üzv ol