+3 əjdaha
1. ispan dənizçi və yazıçı.1943-cü ildə galicia-da dünyaya gəlib. Dənizçi olduğu üçün dünyanın bir çox ölkəsini gəzmək imkanı əldə edir. Ancaq 1968-ci ildə, 25 yaşında ikən ramon-a bir fəlakət üz verir. Dostları ilə çimmək üçün getdiyi dənizə tullanarkən sular çəkildiyi və bunu müəyyən edə bilmədiyi üçün xəsarət alır və bədəni iflic olur. Ömrünün qalanını da bu vəziyyətdə keçirir. Həyatı boyu qardaşına “kaş həmin gün məni xilas etməyəydin!” deyir.
iflic olduqdan sonra ağzı ilə yazı yazmağı öyrənir və bir neçə kitab yazır. Ancaq ramon, təbii ki, bu halda yaşamağı sevmirdi və evtanaziya etmək istəyirdi. Bunun üçün dəfələrlə dövlət orqanlarına müraciət etmiş, amma rədd cavabı almışdı. Ramon hesab edirdi ki, insanın dözə bilmədiyi bu cür ağır vəziyyətlərdə öz istəyi ilə həyatını sonlandırmaq hüququ var və bu, ən az yaşamaq hüququ qədər önəmlidir.
Nəhayət, 1998-ci ildə 55 yaşlı ramon bu ağır həyata son vermək üçün yeni bir yola əl atır. Dostlarından öz ölümünə kömək etmələrini istəyir. Dostları ona içində sianid olan bir stəkan su gətirirlər. Bir digər dostu da otağa kamera yerləşdirir. Ramon, zəhərli suyu içməzdən əvvəl bu mövzu haqqında son dəfə kamera qarşısında danışır və suyu içərək intihar edir.
Ramon sampedro-nun həyatı populyar mədəniyyət üçün də böyük ilham mənbəyi olub. 2004-cü ildə çilili rejissor alejandro amenabar-ın əfsanəvi dram filmi mar adentro yayımlanır və bir çox mükafata layiq görülür. Filmdə ramon rolunu javier bardem canlandırıb.
2007-ci ildə ispan müğənni andres suarez, ramon-un həyatından bəhrələnərək marinero adlı bir mahnı yazır.
Bundan başqa, 2010-cu ildə “mar adentro”-dan bəhrələnərək guzaarish adlı bənzər mövzuda bir bollywood filmi də çəkilib.