+5 əjdaha
2. dilə niyə bu qədər kompleks yükləyirik başa düşə bilmirəm. o sözü işlədən belədir, bu sözü işlədən elədir, bu söz elədir, o söz elədir filan bəsməkan. biri "ayın-oyun" sözünü qaralayır, biri "mı" şəkilçisini qaralayır istifadə edənlərini "kəndçi" çıxarır, biri "ts", "dz" deyənləri ifrat dərəcədə tənqid edir(ləhcə kimi qəbul edə bilərik) və sair.sonra da bu komplekslərlə yüklənmiş dil kasadlıqla ittiham olunur. olar da ay kişi. imkan verin kim nə işlədir işlətsin. dilə komplekslər yükləməyin.
dil ünsiyyət vasitəsidir. "habelə" sözü ilə fikri çatdırmaq mümkün olursa, qoy işlənsin. nədir axı burada "iticilik"? lüğət tərkibində var? var. vəssalam. "itici"-filan deyil.
sadəcə müəyyən işlənmə dairəsi var. daha çox rəsmi üslubda işlənən sözdür(ola bilər bəzi ləhcələrdə də işlənsin). bu səbəbdən evdə eşikdə, məişətdə işlənməsi bir az qəribə gələ bilər. bakı metrosunda səsləndirilən səsdə "habelə" sözünü eşitmək, kitablarda, rəsmi dilin işləndiyi yerlərdə görmək mənim üçün tamamilə normaldır amma birdənbirə anamdan, atamdan, dost-tanışdan "habelə" sözünü eşitsəm, bu, mənim üçün bir az qəribə olar. ancaq çox işlənsə rəsmiyyətdə işlənməkdən də çıxıb daha da işlək ola bilər.
bu da normaldır. bütün dillərdə var belə bir şey. məsələn ingilis dilində nə qədər söz var ki çox vaxt rəsmi üslubda istifadə olunur, məişətdə istifadə olunmur. elə sözlər də var ki məişətdə istifadə olunur rəsmi dildə istifadə olunmur.