4. haqqında oxuyanda təəccübləndiyim şəxsiyyət. bu qədər gözləmirdim;
(youtube: )
"Çingiz Abdullayev - 7 aprel 1957-ci ildə Bakıda anadan olmuşdur. 3 ali təhsilə malikdir. Azərbaycan, rus, ingilis, italyan, türk və fars dillərini mükəmməl bilir. Beynəlxalq təcavüz problemi barədə dissertasiya müdafiə edib hüquq elmləri namizədi alimlik dərəcəsi almışdır. Beynəlxalq cinayət problemi barədə doktorluq dissertasiyası müdafiə etmişdir. Boksla məşğul olmuşdur. Güllə atıcılığı üzrə beynəlxalq dərəcəli idman ustasıdır. Ünsiyyətə girməkdə mahirdir. Onun haqqında "Heykəli belə danışdıra bilər" deyirlər.
Xüsusi təyinatlı şöbənin rəhbəri kimi Müdafiə nazirliyinin xətti ilə xaricdə tapşırıqlar yerinə yetirmişdir. Belçikada, Almaniyada, Polşada, Rumıniyada, Əfqanıstanda işləmişdir. Ehtiyatda olan mayordur. 1986-cı ildə Çauseskunun güllələnməsində əli olması ittihamı ilə Rumıniyadan çıxarılmışdır. Anqolalı komnadirlərin Namibiyada əsirlikdən azad edilməsi üçün ağır əməliyyatda iştirak etmişdir. Bu əməliyyatdan 4 nəfər sağ qayıtmışdır ki, onlardan biri də Çingiz Abdullayevdir.
Çingiz Abullayevin kəskin süjetli janrda ilk əsəri "Mavi Mələklər" 3 il DTK-da əngəllənmişdir. Əsər ilk dəfə 1988-ci ildə, sonra isə dəfələrlə nəşr edilmişdir. Onun əsərləri 27 dilə tərcümə olunmuşdur. Abdullayevin kitabları bütün MDB və Baltikyanı dövlətlərdə, ABŞ, Almaniya, isveç, Norveç, Türkiyə, Serbiya, Albaniya, Fransa, Bolqarıstanda ümumilikdə 22 milyondan çox satılmışdır. Amerikanın nüfuzlu "Kriscen Sounders Monitor" jurnalı onu dünyanın ən yaxşı siyasi dedektiv yazan 5 yazıçısından biri kimi göstərmişdir. Azərbaycanın ən çox vergi verən insanı olmaqla yanaşı Azərbaycan nəşr olunan kitablarının qonorarını Qarabağ qaçqınlarına yardım fonduna köçürür. Hal-hazırda Azərbaycanda əsərlərinə görə xaricdən qonorar alan yeganə yazıçıdır. Azərbaycan Yazıçılar ittifaqının katibi, 5 dövlətin xüsusi xidmət orqanlarının fəxri zabitidir.
Paylaşaq! Paylaşaq ki, Üzeyir Hacıbəylini yazıçı kimi tanıyan, Hüseyn Cavidin heç adını eşitməyən, tarixindən xəbərsiz olan əksər gəncliyimiz Çingiz Abdullayevi də heykəltaraş kimi tanımasın."(alıntı)
16. kitablarından çox özü tanınan yazıçı. dövlətin istədiyini dediyi üçün elə dövlət tərəfindən reklam olunan adam. populist birisi. #252724 entry-yə istinadən demək istəyirəm ki, ətağa elədi, həmişə demişəm və bu fikirdə olmuşam ki, insanları axmaq edən ədəbiyyatçılardır. hansı ki heçnə bilmədikləri halda, heç bir elmdən anlamadıqları halda marifçilik etmək eşqinə düşürlər. və insanları da ağıllı olmaq üçün sadəcə ədəbiyyat, şeir oxumağa səsləyirlrər. hansı ki ağıl və ədəbiyyat tərsmütanasib şeylərdir. bədii ədəbiyyat ağıl deyil, təxəyyüldü, xülyadu, incəsənət yaradıcılığıdı. bədii ədəbiyyat ağıl yaradıcılığı deyil.
ədəbiyyatçılar dövlət üçün təhsilin (elm yox təhsil) marifçiliyini edirlər. çünki bir qarın yemək üçün dövlətə möhtacdırlar. və ədəbiyyatçılar kitab oxuyun deyərkən sadəcə bədii ədəbiyyatı nəzərdə tuturlar. o çıxışda çingiz abdullayev fizulinin, nizaminin adını çəkir amma tusinin adını çəkmir məsələn *
glş
17. qoşulduğu radioverilişdə ilham əliyevə milli qəhrəman adı verilməsini təklif edən yazıçı, ziyalı, ictimai xadim və daha bir çox şey.
gəlin qəbul edək ki, rus telekanallarında qoşulduğu debatlarda hər zaman bizə lazımlı biri olub, bizi çox yaxşı təmsil edib. amma elə bil bu insan yalnız xaricdə yaxşıdır, Azərbaycanda hər şeyi bir-birinə qarışdırır. onsuz da, yazdığı kitablara qarşı hər zaman mühakiməm olub, bir kitabını da alıb oxumaq keçməyib içimdən, indi də görürəm ki, o kitablar elə bil elə-belə yazılıb ki, adı olsun "yazıçı" .
bu gün, həqiqətən, hər kəsin nəsə təklif edəsi tutub. izləyiciləri çox olan insanlar telefon və kompüterlərini özlərindən uzaqda tutsaydılar, əla olardı.
14. dünya şöhrətli yazıçı deyə soxuşdurulur bizlərə.vallah mən bir neçə xarici vətəndaşdan soruşmuşam ki,onu tanıyırsızmı? heç biri tanımıyıb.əvəzində aytmatovu tanıdıqlarını bildiriblər.dünya şöhrətli o insana deyirlər ki,onu hamı tanısın.balaca uşaqdan yaşlı insana kimi.bunu ancaq elə azərbaycanlılaq tanıyır ancaq. onların sayı da çox deyil
18. Çingiz Abdullayev:
Sentyabrın 1-də məni məktəbə apardılar.
Mənim yeddi yaşım vardı.
Xətdə isə onuncu siniflər dayanmışdı.
Onlar bizə yaxınlaşdılar.
Mən uşaqların içərisində ən hündür uşaq idim.
Mənə məktəb formasında olan ən hündür qız yaxınlaşdı.
1966-cı il idi.
Yasəmən çiçəklərinin ətrini hiss etdim.
O qız yasəmən qoxuyurdu.
O, necə də gözəl idi!
Qız mənim əlimdən tutdu, mənə karandaş dəsti verdi və biz birlikdə xəttə tərəf addımladıq.
Təzəlikcə fikirləşdim ki, onu tapmaq olarmı?
Bəlkə həmin ildə məktəbi bitirən məzunların arasından tapa bilərdim.
Tapmadım.
Və ah çəkdim.
Mən düşünürdüm ki, onun 40 yaşı var.
Amma 1966-cı ildə onun on yeddi yaşı vardı.
Deməli, indi 77 yaşı var.
Ancaq yenə də bütün həyatım boyu həmin yasəmən qoxusunu axtarmağa davam edəcəm.
Həyatınızın heç bir məqamını, anını əldən verməyin.
Sevin, sevilin və həyatınızın hər bir anından istifadə edin.
Əgər sizə öz adamınızı tapmaq nəsib olsa, onunla yaşayın, bir-birinizi qoruyun, hər anınızı qiymətləndirin.
Bir sözlə, yeganə qayda budur – XOŞBƏXT OLUN!
Bax onda təkrarolunmaz yasəmən qoxusu bütün həyatınız boyu sizi izləyəcək.
Sinif yoldaşlarının içərisindən seçilən uzun boylu qızın bağışladığı karandaş dəstini isə mən uzun illər saxladım.
21. Çingiz Abdullayev bu davranışı ilə riyakarlıq edir. Ümumiyyətlə, onun hansı ölkəyə və necə bağlı olduğu haqda çoxdan söz-söhbət dolaşır. Dürüst adam deyil.
indi bu cür danışmaqda da müəyyən məqsədi var. Ya baxır ki, yaş keçir, cəmiyyətin rəğbətini qazanmaq lazımdır, ya da ki, bununla yuxarıların xoşuna gəlmək istəyir.
Göstərməyə çalışır ki, təmiz adam olduğu halda, onu başa düşmürlər, ələ salırlar… Yenə deyirəm, məqsədli şəkildə belə danışır. Yəqin ki, xaricə getmək niyyətindədir.
Ancaq birdən-birə gedə bilməz axı… Ona görə də bu məsələləri bəhanə gətirir. Məncə, Rusiyaya köçə bilər, Rusiya onun vətənidir də…
Çingiz Abdullayevin ana dilində normal danışa bilməməsi bir yana, bilirsiniz də, onun əsərlərini ruscadan tərcümə edirlər. 150-yə yaxın cəfəng əsəri var. Necə yazdığını da hamı bilir.
Onun “dünya şöhrətli yazıçı” adlandırılması doğru deyil. Məndə xaricdə nəşr olunan ən sanballı beş ensiklopediya var. Onların heç birində Çingiz Abdullayevin adı yoxdur.
Detektiv janrında yazır, bu, oradan çıxdı atəş açdı, bu, başqasını vurdu, filan… Yalançı konflikt düzəldib, adını roman qoyurlar. Süjeti də “KQB” arxivlərindən götürürlər.
Çingiz Abdullayevin kitablarını başıboş tələbə qızlar oxuyur. O əsərlərin bədii dəyəri yoxdur. Düzgün başa düşün, mən onunla düşmən deyiləm. Hətta ötən il məni müdafiə də etmişdi.
Əgər o, Azərbaycandan getsə, ədəbiyyatımız heç nə itirməyəcək, əksinə, qazanacaq. O zaman oxucular da normal əsər oxuyarlar
1. bir çoxları çingiz abdullayevi tənqid edir,amma di gəl ki,mən razı deyiləm.bir çox əsərlərinin qəhrəmanı dronqodur.onun "monte-mario təpəsində ölüm" əsərini çox bəyənirəm.hələ "unudulmuş röya"sı da yaxşıdır."yalnız özümüzünkülər" , "manyakın idrakı" , "alçağın üslubu" ...bu detektivləri çox maraqlıdır.onu tənqid etmək olar,amma igidin haqqını da vermək lazımdır.vaxtıykən yazdığı mavi mələklər əsəri də çox böyük əks-səda doğurub.deyilənə görə o özü ssri kqb-sinin agenti olub.
bir də mənim "məşhər ayağında"əsərindən xoşum gəlir.o əsərdə abş və ssri arasında gedən soyuq müharibəni görmək olar.qısaca onu deyək ki,pis deyil.yaxşıdır.hətta çox yaxşıdır.
5. Azərbaycanın ədabiyyatı tarixində ən gənc xalq yazıçısı olmuş şəxs(46 yaşında). oğlunun xalq yazıçısı olduğunu görmüş yeganə ata çingizin abdullayevin atasıdır.
90-cı illərin sonu 2000-ci illərin əvvəlində yazdığı kitabların çoxusunu oxumuşam. o vaxt yazdığı kitabları həqiqətən maraqlı idi. oxuyanda nəsə yeni bir şeylər öyrənə bilirdin. amma son illər yazdığı kitabları elə bil candərdi yazır. yalnız özümüzünkülər əsəri mənə görə ən yaxşı əsəridir.
özü də solçudu.
6. bədii kitablar oxumağa çingiz abdullayevin əsərlərindən başlamışam. çox kitab oxumamışam. oxuduqlarım arasında çingiz abdullayevin əsərlərindən dəfələrlə yaxşı olanları var, amma heç bir obraz dronqo qədər doğma gəlmir. yaxşı əsərləri də az deyil. "mavi mələklər", "məhşər ayağında" solaxay haqqında trilogiyası, "allahın tərəfində", "alçağın üslubu" və s. bütün bunların arasında bir də "gedər gəlməz" var ki, o bir başqadır. əfqansıtanda rus zabitini amerikanlardan geri almaq üçün xüsusi dəstə göndərilir. plana görə dəstə sağ qalmamalıdır. dəstəni tapşırığa göndərən generala bunu deyəndə özü dəstəyə başçılıq etmək qərarını verir. bütün hadisələri çox gözəl təsvir olunur. indi müxalifətdəkilər bəyənmir onu, amma dəyişilməyən odur ki, kitabı ən çox oxunan azərbaycanlı yazıçı odur. əsərlərində humanizm, müharibənin insan həyatındakı izlər, və s. bir çox ideyalar var. əsərləridən də görünür ki, gənclik illərini yaşadığı böyük imperiya üçün darıxır.
19. Azərbaycanın dedektiv yazıçısı, 2005 ci ildə azərbaycanın xalq yazıçısı adına layiq görülüb, əsasən rus dilində yazdığı üçün əsərlərini orjinal dilinnən azərbaycan dilinə tərcümə edilmiş formasını oxuyanda bəzi məqamları yaxşı başa düşmək olmur.
)