Son yazılanlar
grand theft auto 4
grand theft auto 4
grand theft auto 4
maraqlı infoqrafikalar
maraqlı infoqrafikalar
maraqlı infoqrafikalar
outlast 2
Bir dənə kompüter icad edirlər, müxtəlif millətdən adamları çağırırlar ki, nə sualları varsa, soruşsunlar. Alman, ingilis və s. Millətlər sınaqdan keçirir, axırda sıra gəlir azərbaycanlıya çatır. Bizimki soruşur ki, nə var, nə yox. Kompüter uzun cavab verir, sonra da bizimki ikinci sualı verir ki, bəs başqa nə var, nə yox. Kompüter partlayır
Müəllimlərin tələbələrdən betər univeristetə gün keçirməyə gəlməsi, baxırsan müəllim adamdır, amma dərs boyunca elədiyi tək şey slaydı üzdən oxumaq, ya da dəftərə köçürtdürməkdir, uşaqları kor qoymaqları bir yana, hələ buna görə maaş da alırlar, üzdən oxumaq istəsəm, elə özüm evdə oxuyaram da. Hərdən fikirləşirəm ki, yetərincə mühazirə əzbərləsəm, bir gün mən də müəllim ola bilərəm. Ümumiyyətlə, universitetə verdiyim yol puluma çox heyifim gəlir, mühazirə dərslərinin yerinə udemy kursu versələr, təkcə seminara çağırsalar, daha yaxşı təhsil vermiş olarlar
son vaxtlar tez-tez müzakirə olunan mövzulardan biridir. bakıda taksilərin sayı həddindən artıq çoxdur, belə olduğu halda da qiymətlər ucuz olmalıdır, amma bu söhbət çox sürücüyə çatmır. taksi sürücüləri də kasıb adamlardır, həmin taksilərə minənlərin böyük qismi də, indi isə bu söhbət üstə qırğın gedir və müştəri haqlıdır, taksi sürücüləri bu qiymət məsələsinə qarşı şirkətə qarşı sona kimi mübarizə aparmaqdansa, müştərinin qəpik-quruşuna tamah salır, amma müştəri nə yazılıbsa, onu ödəməlidir, vəssalam. yoxsa şofer çəkib video paylaşır ki, filan yerdən filan yerə 2.40 elədi müştəri deyir ki, 60 qəpiyimi ver. şoferlərin çoxusunun da nə tip adamlar olduqları və maşınlarının da nə vəziyyətdə olduqları məlumdur. pulunuz çatırsa, çalışın ekonomdan istifadə etməyin. danışılan mövzu ən çox uber və bolt şoferləri arasında populyardır. gətirdikləri gülünc arqumentlərdən biri də acından ölənlər taksi üzü gördüdür, belə baxanda da maşın üzü görməyənlər də günə 20 manatdan şofer oldu
Edit: Düzdür, elə içi mən qarışıq çox adam qəpik verməyi ayıb bilir, amma belə bir şey var ki, belə pul söhbəti ilə işləyən adam varsa, bunları nəzərə almalıdır, o məntiqlə fikirləşəndə gərək marketdən də qəpik götürməyək, pul puldur
Bildiyimiz kimi keçən met galaya bütün kardaşyanlar dəvət olunmuşdu və hamısı çox zövqsüz geyinmişdilər, tema gilded era idi, amma heç birinin geyimi buna uyğun deyildi. Kim kardaşyan isə modanın oskarı olan bu mərasimə moda tarixinin bir parçası olan merlin monronun geyimində gəlmişdi, əlbəttə, merlin hara kim hara deyə fikirləşə bilərsiniz, düz də edirsiniz. Çünki kim belə bir geyimi məhv etdi(cırdı) baxmayaraq ki, galadan qabaq çoxlu arıqlamış və o ərəfələrdə silikonlarını da kiçiltmişdi. Deyilənə görə 15 dəqiqə qırmızı xalçada gəzəndən sonra paltarın beli cırılıb. Nəzərə alsaq ki, kanye də artıq a list celeb deyil, çətin ki bu il kardaşyamlar ora qatıla.
Qeyd edim ki, kimdə paltarın replikası ola-ola originalını geyinib. Həmin paltar merlinin dəri rəngi də nəzərə alınaraq öz üstündə tikilib və kimə heç yaraşmayıb
Update: Kim , Kylie , Kendall gəlmişdi, o birilər yox.
Çünki azərbaycanlılar futbol oynaya bilmədikləri kimi həm də avtobusa minməyi, avtobusdan düşməyi bacarmırlar. Azərbaycanlılar təkcə futbolu yox, həm də metroda düşənə yol verməyi, eskalatorla hərəkət edərkən sağ tərəfdə dayanıb, sol tərəfi keçid üçün boş saxlamağı bacarmırlar. Azərbaycanlılar futbol oynaya bilmədikləri kimi mağazada, ya başqa yerlərdə növbə gözləməyi, sıranı pozmamağı da bacarmırlar. Maşın sürməyi bacarmırlar, piyada keçidində piyadaya yol vermirlər, piyadalar işıqforun işıqlarını gözləyə bilmirlər, piyada keçidi olmayan yerdən yolu keçmək istəyirlər.
-Ulucay Akif
indiyə kimi gördüyüm ən troll səhifələrdən biri. paylaşdıqları şəkillər bir yana, rəyləri də başqa dünyadır. çox adam da toruna düşür (mən də daxil, əgər girib səhifəsinə baxmasanız). düzdür, o rəyin şəkli məndə yoxdur, amma bir paylaşımın altında bir dənə azikantrop var idi ki , hamının rəyinə paz olub qeyrətdən yazırdı(hələ pasterin toyunun videosunun da altında camaatı bezdirmişdir ki, bəs qız toydan qabaq hamilədir , bu nə maykadır zad). bu onu da trollamışdı axırda da yazmışdı ki, özünə müasir deyən qeyrətsizlərdənsə , anası peyin iyi verən sənin kimi kəndçilər yaxşıdır.
xalqımız böyük hissəsi azərbaycanca resurs az olduğu üçün bütün axtarışları türkcə/rusca edir. buna görə də internetdə "azərbaycan mentaliteti" tipli bir şey axtarmırsınızsa, bu sözlüyün də qabağınıza çıxma ehtimalı çox azdır.
məncə, oyuna baxan varsa, bu serialı izləməyə ehtiyac qalmır. bu zombi mövzusu artıq çeynənilib, the walking dead və onun spinoffları bütün variantları yoxlayıb, mövcud bütün ideyaların suyunu çıxardıb.
Justine marques de sade tərəfindən 1791-ci ildə yazılıb. Romanın baş qəhrəmanı justine adlı qızdır, justine və bacısı juliette varlı bir ailədən gəlir, amma sonra hər şeylərini itirirlər və bu qızlar monastrda böyüyür, bacıların ordan çıxması ilə də əsərdəki əsas hadisələr başlayır. Əsər boyunca qəhrəmanımızın başına ancaq bəxbəxt hadisələr gəlir
Qısaca məzmunu bu formada göstərmək olar
Justine filan yerdə filankəsə kömək etdi, amma həmin insan justine-ə təcavüz etdi/şərlədi/döydü. Justine daha sonra başqa yerə qaçdı
nümunə:
Justine dilənçiyə kömək etdi, amma dilənçi onu döyüb pulunu oğurladı
Justine bir adama kömək edib onunla əsirlikdən qaçdı, amma adam ona təcavüz etdi
Justine kömək üçün rahiblərin yanına kilsəyə qaçdı, rahiblər onu zorladı
Əsər boyunca hadisələr ancaq bu cür davam edir, arada da həcmi böyütmək üçün uzun-uzun sıxıcı dialoqlar var
spoiler:
Qız o qədər bədbəxtdir ki, axırda onu bacısı tapır və onun gözəl bir həyat yaşamaq imkanı olur, amma səhərisi gün qızı ildırım vurur və qız ölür
müəyyən bir zaman intervalında rast gəlinən hadisələrin probability distributionunu göstərmək üçün istifadə olunur
P(X)=e^-lambda/x!
burda lambda ortalamanı göstərir , həm də expectationa bərabərdir
x- isə hadisələrin sayıdır
10 dəqiqədə xəstəxanaya ortalama 5 xəstə gəlir. xəstənin gəlməmə ehtimalı, bir xəstənin gəlməsi,ən azı 5 xəstənin gəlməsi ehtimalı tipli məsələlərin həllində istifadə olunur
əgər sonrakı kimi x<=n tipli bir şeyi həll etmək istəyiriksə onda ayrı-ayrı dəyərlər üçün hesablayıb alınan nəticələrin cəmini 1-dən çıxmalıyıq
Poission distributionu excellə də hesablamaq mümkündür, bunun üçün
POiSSON.DiST(uğurlu halların sayı, expected value,cumulative or not) yazılır
cumulative hissəsi x<=n tipli məsələlərdə true kimi yazılır, qalan hallarda isə false
ən uzun ada sahib filmlərdən biri. film komediya janrındadır, bir neçə tipik ghetto filminin parodiyasının birləşməsi əsasında çəkilib. ashtray adlı obraz atasının yanına köçür(atası özündən yaşca balacadır), köçdüyü məhəllədə də dashiki adlı bir qıza vururlur, amma qızın köhnə sevgilisi ona problem yaradır, bütün çətin anlarında isə əmisi oğlu loc dog onun yanındadır.
(baxma: marlon wayans) (baxma: shawn wayans )
əsasən, komediya janrlarında olan filmləri ilə məşhurdurlar. parodiyaları çox uğurludur. (bax: scary movie)
Toothpick: Man, lock me up!
Crew: Lock me up!
Toothpick: Take me to jail!
Crew: Take me to jail!
Toothpick: Throw away the key!
Crew: Throw away the key!
Toothpick: I ain't afraid to fuck a man in the ass!
Crew: I ain't af- [everyone trails off and stares in disbelief]
Man: [off-screen] This fool is trippin'.
https://www.youtube.com/watch?v=BG1MH095JmM
glen schofieldin yeni oyunu. adı “the callisto protocol”dur, lakin “dead space”in davamı kimi təsir bağışlayır. oyundakı geyimlər, silahlar, menyular, hekayənin izahı, fontlar, hətta qapıların dizaynı da “dead space”ə çox oxşayır. dövrümüzdən də geri qalmasın deyə əlbəyaxa döyüş, əyilmək, bir də robotlar, looting animasiyası əlavə olunub. Hekayə cəhətdən də müəyyən oxşarlıq var. oyun mənə “dead space”in bütün oyunlarının birləşməsi kimi gəldi. oyunun əvvəli ds1 və ds2-dən. ds1-də gəmi qəzaya düşürdü, hər iki oyunda baş qəhrəman qarabasma görür, ds2-də də isaac nolan strossla birgə qaçmağa çalışırdı, “callisto”nun əvvəli də bunlara oxşayır. dead space oyununun özündə “moon prison” yazılan bir afişa belə var. oyun maraqlıdır və rəqibi o qədər də olmadığı, üstəlik “dead space”ə görə adı çox hallanır, amma, şəxsən mənim üçün heç vaxt “dead space”in yerini verə bilməz, əsas səbəbi də həmin oyunda unitologistlər kimi əfsanəvi bir ünsür olmağıdır. “Callisto"dakı biophageslər necromorphlardan daha güclüdür, amma görüntü cəhətdən yenə də nekromorflar daha yaradıcı görünür
2011-ci ildə sorry for party rocking, party rock anthem, sexy and i know it kimi üç mahnısı birdən hit olan, klipləri öz dövrünə görə çox baxılan videolardan olan , redfoo və sky blue ikilisindən ibarət qrup. redfoo və skyblue-nun arası dəydiyinə görə qrup dağılır , hətta qrup üzvləri bir-birini məhkəməyə verir. ikisi də kariyerasına ayrı davam edir, redfoo əvvəllər bir az uğurlu olur, x factor-da münsif olur, new thang mahnısı platinum dərəcəsi alır, amma sonradan x factor-dan qovulur, dancing with the stars yarışmasına qatılıb ilk mərhələdən keçə bilmir , sky blue-nun çıxardığı albomlar heç cür populyarlıq qazanmır, tədricən ikisinin də kariyerası məhv olur. bu qrup ailə üzvü ilə musiqi qrupu yaratmağın necə riskli olmasının nümunəsidir(redfoo sky bluenun dayısıdır), redf00-un atası berry gordy-dir, hansı ki onun şirkəti steve wonder və michael jackson kimi məşhurlarla işləyib. lmfao öz dövründə təkcə musiqiləri ilə yox, həm də stilləri ilə ikonik bir qrup olub
yuxarıda adını çəkdiyim mahnılar çox populyar olmasına baxmayaraq, bu mahnıların daxil olduğu albom təndiqçilər tərəfindən çox aşağı qiymətlər almışdır.
mübahisələrin başlamağı sky blue-nun konsert zamanı ayağını zədələməsindən başlayır, bu halda redfoo konsertlərdə tək çıxış edir, sky blue isə heç bir qonorar almırdı. bu hadisədən sonra qrup üzləri bir il boyunca bir-biri ilə kəlmə kəsmir. sonradan qrupun dağılmağı barədə xəbərlər çıxır, onlar isə bunları inkar edərək biz hər şeydən qabaq ailəyik deyirlər, bir neçə ay sonra isə qrup tam olaraq dağılır
)))ailə cəmiyyətdə çox mühüm yer tutur və cəmiyyətin ilkin əsasıdır. ailə ər-arvad, onların uşaqları və bütövlükdə nəsillər arasındakı münasibəti əhatə edir. cinsə və yaşa görə əmək bölgüsü, məişət işlərinin bölgüsü, uşaqların tərbiyəsi də ailə ilə bağlıdır. fərdin inkişafında ailənin rolu böyükdür. ailə birdən-birə bugünkü səviyyəyə çatmayıb. qədim zamanlardan bəri insanlar arasındakı cinsi əlaqə heyvanlarınkından fərqli olub. o vaxtı ər və arvad ümumi idi, əlaqədə heç bir məhdudiyyət və qadağalar yox idi. cəmiyyət inkişaf etdikcə bunlar dəyişdi. ibtidai icmada qrup nikahı (group marriage) üstünlük təşkil edirdi. ər və arvad qəbilədə yaşayırdı, uşaqlar analarını və yalnız yaxın qohumlarını tanıyırdılar. hətta kişilər arvadlarının qəbiləsinə köçüb bir müddət orda da yaşayırdılar. daha sonra ikili evlilik (double marriage) baş verdi. ər və arvad bərabər hesab edildi. anaxaqanlığı dövründə qadın əməyi kişininkindən üstün sayılırdı. heyvandarlığın inkişafı ilə kişi əməyinə tələbatı artdı və ataxaqanlığı başladı. qadın ailə qurandan sonra ərinin yanına köçdü və uşaqlar atanın adını daşımağa başladılar. beləliklə, monoqam ailə yarandı, bu da xüsusi mülkiyyətin, quldarlığın yaranması ilə üst-üstə düşür. mülkiyyət məsələsindən sonra da qadının ərinə sədaqəti məsələsi aktuallaşdı. əvvəllər qadın ər seçməkdə bir qədər müstəqil idisə də, sonradan bu da ticarət obyektinə çevrilməyə başladı
kris jenner kardaşyanlar ailəsinin əsas simalarından biridir. əvvəlki soyadı kardaşyan idi, lakin bruce jennerlə evlənəndən sonra dəyişdi. kris kardaşyan ailəsinin təkcə anası yox, eyni zamanda da prodüseridir, ləqəbi “momager”dir. əlbəttə, bütün bu işləri o havayı görmür və əvəzində qızların gəlirindən müəyyən faiz tutur. kris özü varlı ailədən gəlməyib, lakin varlı insanların yanlarında olaraq onların səviyyəsinə çatmağın yolunu həmişə tapıb. müsahibələrindən birində o bildirir ki, yaşıdları tədbirə hansı paltarı geyinəcəyi barədə düşünəndə o artıq ailə qurub beş uşağının olmasını fikirləşirdi. kris gənc yaşlarından belə şeylərə maraq göstərib, onun anası və nənəsi də elə bu xasiyyətdə olub. kris çox gənc yaşlarında qolf klubunda işləyir, orda varlı biri ilə tanış olub, daha sonra həmin adamın hesabına bir çox ölkələri gəzib, uzun sözün qısası onun hesabına bir müddət yaşayıb, amma heç vaxt evlənmək fikri olmayıb. daha sonra o robert kardaşyanla tanış olub, əvvəlki adama da elə robertlə xəyanət edib. robert kardaşyanla tanış olanda krisin 17, robertin 28 yaşı var idi. daha sonra onlar evlənirlər, kris bu dəfə də robertdən bezib ona xəyanət edir, onların araları dəyir, bu xəyanətə kourtney, khloe də qismən şahid olur. kuwtk şousu boyunca bu iki qızın analarına fərqli yanaşdığına şahid ola bilərik. kris jennerin bruce jennerdən də iki qızı var - kendall və kylie.
lakin azərbaycanlı üçün onun "zibil" mühiti həyat tərzinin təbii məhsulu kimi görünür və o heç bir narahatçılıq hiss etmir. o evinin dövrəsindəki zibildən əzab çəkmir, çünki yaşayış mühitinin keyfiyyəti haqqında tamamilə fərqli təsəvvürə malikdir. zibili süpürüb hasarın o tayına atmaqla o özünü kifayət qədər mədəni ( zibildən mühafizə olunmuş) hiss etmək üçün münasib mühit yaradır.
süpürülüb küçəyə atılan zibil mental şüur tərəfindən təbii landşaftın bir hissəsi kimi dərk olunur. evin təmiz içi və çirkli çölü vahid mühitin özünkü - yad parametri üzrə bir-birindən ayrılmış iki kəsimini təşkil edir.
azərbaycanlı zibili evin astanasından ona görə atır və evinin ətrafındakı zibilə ona görə dözür ki, onun sələfləri bu cür hərəkət etmişdilər və belə yaşayırlar. hər kəs ayrı-ayrılıqda və hamı bir yerdə analoji şəkildə hərəkət edirlər və nəticədə ümumi "zibil" koloriti yaranır.
bu fərziyyə dolayısı ilə azərbaycanlının şəhərdə də özünü "kəndli sayağı" aparmasını sübut edir. (... şəhərdə yaşayan özünü kənddəki kimi aparır, ekoloji baxımdan evi kənd evi kimi fəaliyyət göstərir, mənzilin divarı iki həyat sahəsini bir-birindən ayırır, bir tərəf öz evinin içi, digər tərəf yad ərazidir)
Tanıdığımız dillər içərisində nə üçün yalnız Azərbaycan dilində düyü sözü işlətdiklərini araşdırdım. Məsələn, türklər fars dilindəki berenc sözündən, özləri üçün pirinç sözü yaradıb. Bütün dünyada isə ərəb dilindən yayılmış "ərrəz” sözünün transformasiyasından istifadə edirlər (rice, rıs, roz, riz, arroz və s).
Bizdə isə, çox güman ki, Çin dilinin Cənubi Min ləhcəsində "tiyu” və ya Kanton ləhcəsində "dou” kimi səslənən sözlərdən götürmüşük.
Mənbə: adalet.az
"cartoon network"ün ən yaxşı şoularından biri. həqiqətən də, samurai jack digər cizgi filmlərindən çox fərqlidir. ingiliscə bilməsəniz belə səslərdən, atmosferdən nə baş verdiyinin çoxusunu başa düşə bilərsiniz. ilk dörd sezonu 2001-2004 arası yayımlanıb. onu rahatlıqla deyə bilərəm ki, bölümlərin çoxusu bir-biri ilə bağlı deyil, sadəcə samurayın başına gələn əhvalatları, xilas etdiyi insanları/varlıqları və akunun göndərdiyi robotlarla döyüşlərini göstərir. maraqlı bölümlər kimi "demongo", akunun samurayı yoluxdurduğu, "rave", akunun uşaqlara dərs keçdiyi, fake samurai olan bölümləri qeyd etmək olar. hekayənin qısa versiyası elə akunun hər bölümün əvvəlindəki monoloqudur. 5-ci sezonda isə əvvəlkilərlə müqayisədə bölümlər bir-biri ilə sıx bağlıdır və cizgi filmi ən gözəl şəkildə sonlandırıblar. onun burdakı düşmənləri artıq təkcə robotlar yox, həm də akunun qızlarıdır. eyni zamanda bu sezonda samurayın sehrli qılıncının olmaması hər şeyi daha da maraqlı edir. samurai jack həqiqətən nümunəvi obrazdır, o, cəsur, dürüst, xeyirxahdır və heç vaxt məqsədindən əl çəkmir.
Son bəyənilənlər
