bir azərbaycan qadınının təcavüz gündəliyi
![]()
başlığı açmaq və yazmaq bir cəsarət məsələsidi. bütün cəsarətimi topladım və azərbaycanda yaşayan bir qızın, qadının üzləşdiyi çətinlikləri ekşisözlük qadın yazarları kimi (onlardan ilhamlanaraq) (baxma: bir türk kadının taciz günlüğü) sözaltının həm oğlan, həm mənimlə eyni senarioları yaşayan qadın yazarları ilə paylaşmaq istədim.
13 yaşlarındayam. ərgənliyin tavan yaptığı dönəmlərimdə. gözəl falan deyiləm yəni. sivilcəli fln. anamın təmbehlədiyi kimi başıaşağı kursa gedirəm qarşıdan gələn oğlan sürüsünün sözlü tacizinə məruz qalıram. kurtkamın altından görsənən kuru kafa motifli koftama söz atılır. və ilk tacizlə tanışıram.
bu ilk vakanı metroda əlimi tutmaq istəyən, metronun tıxacından istifadə edərək sürtünənlər, belimdə çanta olmasına baxmadan toxunmaq istəyən digər vakalar izləyir.
payız ayları. yəqinki, noyabrın sonu
kursdan qayıdıram. hava buz kimidi. kurtkamın zəncirbəndini sona kimi çəkmişəm. papağımı taxmışam üzümün çox az bir hissəsi görünür.(paltarımı təsvir etməli olmaqdan məyusam) avtobus gözləyirəm. atamdan qoca 50 bilemedin 45 yaşlarında bir kişi 3 metr aralığımda dayanıb, gözünü zilləyib mənə. dönüb kişinin üzünü baxırsan ki bəlkə nəsə utana üzünü çevirə. kişidə qram hərəkət yoxdu. nəysə avtobus gəlir, oğlan kimi bir qız olduğumdan, yaşımın da azlığından heç çəkinmədən avtobusun arxa qapısından minirəm. (balaca kənd avtobusu, arxa qapısından çox vaxt kişilər minən.) nəysə bu kişi də minir mənlə birgə hafiften tırsıram. yerin azlığından, basabasdan kişi ilə aramda yenə az bir məsafə var. adamlar düşür bu kişi mənə yaxınlaşır getdikcə. avtobus şoferinin mənasız tormuzlarından istifadə eliyən bu pedofili arkadaş əlimi tumağa və mənə getdikcə soxulmağa başlıyır. qorxudan bayılacam o dərəcə. bütün bildiyim surələri, duaları oxuyuram. malum samanyolunun yaratdığı algı (ayetel kürsi oxusan yanında iki oğlan bəlirəcək, səni qoruyacaqlar zad) nəysə möcüzəvi şəkildə pedofilidən qurtulmağı bacarıram. kişi düşüb gedir.
may ayı
sinif yoldaşlarımla, məllimlərimizlə birgə qubaya getmişik. yeyirik, içirik hərkəs bir tərəfə dağılışır. mən də öz padruqam ilə qubanın çiçəklərini toplamaqla məşğuluq. çiçək dediyim yaban otu, romaşkaya bənzər bir ot. bu vaxt qarşıdan 06 gəlir. içindəki səslərdən yaxınlaşan təhlükəni hiss eliyirəm və padruqamı yolun qarşı tərəfinə aparıram. beləliklə 06dakı oğlanlar bizə bir qol məsafəsində ikən 2, 3 metrlik məsafə açılır arada. onlar da söz atıb gedirlər. biz də grupun yanına qayıdırıq ki başımıza iş gəlməsin.
tam bakıya qayıdacağımız sırada piknik alanındakı futbol stadyonu boşalır və qərar veririk ki oğlanlı qızlı futbol oynuyaq. 15 yaşındakı oğlanlar və qızlar. (modern sinifik vəssəlam) təbiki sadəcə 3 qız futbola qoşulur. mən də keçirəm qapıya. mənim komandam rəqib komandanın qapısına hücum çəkir, bu sırada, qapıçıların yaşadığı o tarifsiz yalnızlıq duyğusunu yaşayıram. bu sırada içkili pedofili sürüsü (50-60 yaşlı adamlar) fürsətdən istifadə maşını stadyonunun yanında saxlıyıb ağza alınmayacaq sözlər sərf edirlər 15 yaşlı qızcığaza. nə deyəsən, kimi çağırasan? müəllimlərim futbolun həyacanına qapılıb, sinif yoldaşlarım rəqim komandanın qapısının ağzında. ki heç kimə heç nə deməmək ən məntiqlisidi. sərxoşun nə edəcəyini bilmək olmaz. bu vakada belə kapanır. 15 yaşlı qıza cinsəl vurğulu sözlər deyərək, basdırılmış cinsəl aclığını üzə vurur pedofili sürüsü. eyni adamlar yaşı başı almış (50 yaşında, evli) qadın müəlliməmizə 5 dəqiqə qabaq yeyəcəkmiş kimi, rahatsız edəcək türdən baxmışdılar. ama biz susuruq. susmağa davam.
iyul ayı 2014
iki sinif yoldaşımla bulvarda yeriyirik. istiqamət velosipedlərə tərəf. arxamızda 3 oğlan. söz ata-ata gəlir dalımızca. necəsə olur biri tüpürür və bu tüpürcək gəlir x adlı dostumun qoluna. o bunu hissedir. biz də digər dostumla gülsək mi ağlasaq mı havalarındayıq. nəysə kömək eliyirik qız ki qolunu təmizləsin.tüpürcək də tüpürcək deyil bildiyin bəlğəm. oğlanlar yaxın bir yerə əyləşib noldu bu qızlara falan deyirlər. biz də işimiznən məşğuluq. gülə gülə x-in qolundakı bəlğəmi yuyuruq. oğlanların gülüşməsi mənim beynimə bir anda qan sıçramasına səbəb olur.üzümü çönüb ağzıma gələni deyirəm. “ rədd olun gedib burdan arsızlar, hələ bir gülürlər də. nə şiniyirsiz, tərbiyəsizlər.” oğlanların sifət 180 dərəcə dəyişir. sakitləşirlər ama hərəkət eləmirlər. yenə başlıyıram. “ eləbil sizə söz dedim axı, rədd olun da nə gözdüyürsüz? mal yığını” durub söylənə söylənə gedirlər.
xatırlamadığım bir ay
qatarda bir oğlan gözünü zilliyib üstümə. gedəcəyim yerdə düşürəm. oğlan da dalımca gəlir. kursa gecikdiyimdən biraz tələsik hərəkət edirəm. eskalatorda bəyaqki arkadaş usul usul yaxınlaşır. klasik sual gəlir “sizinlə tanış olmaq olar?” nazikcə “ yaşımın kişik olduğunu deyirəm.” kezban olmuyaq deyə adam kimi cavab verirəm ama bilirəm ki hər rədd edilmiş oğlan kimi kezban olacam onun üçün. nəysə dirəşir ki, yaşın neçədi? deyirəm abalam nə fərqi var deyirəm balacadı fso da. davay qırıl. kobudlaşıram. ama məcburam ətraf gözünü zilliyib bizə. və durumdan rahatsızam. hızlı adımlarnan eskalatoru çıxıram. ciddi həyəcan, qorxu keçirirəm. qan tər içində sağ salamat kursa çatıram. açığı heç arxama da baxmadım ki elə bilməsin ki, onu izləməyimi istiyir. malum belələrinin ütopik düşüncələri olur. o da istiyir ama çaktırmır. peh.
belə insanlar yaxşı niyyətdən də sui istifadə etdiyindən səndən yol soruşan kişidən belə çəkinirsən. istiyirsən heç arxana baxmayasan ki səndən kömək istiyirlər ya yox.
bu və bunun kimi hadisələri yaşamağa davam edirəm, edəcəm də yəqin. nə qədər anamın istədiyi kimi başıaşağı yerisəm də, geyimimdə, hərəkətimdə artıq-əksik olmasın deyə didinsəm də. istədim uşaq yaşımda yaşadığım ən ağlımda qalan vakaları paylaşım.
bunları deməkdə çəkimsərliyim, məni özünü birşey hesab eliyən kezban kimi algılamanızdı. özünü gözəl hesab eliyir yəqin deməyinizdi. yox çoxda gözəl deyiləm. kötünün iyisi. belələrini ən çirkin qadın belə yaşayır. əsas odu vaginası olsun.
