Azərbaycanın xalq artisti Tofiq Bakıxanov 96 yaşında vəfat edib. Tofiq Bakıxanov 1930-cu il dekabrın 8-də tanınmış tarzən, xalq artisti Əhməd Bakıxanovun ailəsində anadan olub. İlk musiqi təhsilini Üzeyir Hacıbəyli adına Azərbaycan Dövlət Konservatoriyasının (Bakı Musiqi Akademiyası) nəzdindəki onillik musiqi məktəbində (indiki Bülbül adına Orta İxtisas Musiqi Məktəbi) alıb.
1990-cı ildə xalq artisti adına layiq görülüb. Azərbaycan musiqi mədəniyyətinin inkişafındakı xidmətlərinə görə o, “Şöhrət”, “Şərəf” və “Əmək” ordenləri, o cümlədən 1-ci dərəcəli “Əmək” ordenləri ilə təltif edilib. Yarım əsrdən çox Tofiq Bakıxanov Bakı Musiqi Akademiyasında dərs demişdir.
O, üç balet, üç musiqili komediya, 25 konsert, 20 sonata, beş simfonik muğam, səkkiz simfoniya, altı simfonik poemanın, çoxsaylı kamera əsərlərinin, həmçinin 100-dən çox mahnı və romansların müəllifi olmuşdur. Mənbə: https://www.trend.az/azerbaijan/4217476.html © 2026 Trend İnformasiya Agentliyi.
Xülasə — davamını mənbədə oxuyun.
