catasterismi

86 0 0 0

10. nəsil partizan

Entry: 86

blok başlıqlarını gizlət

unkill yourself

sözaltı fotoqrafiya

yazarların çəkdikləri piş

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı etiraf

+35 əjdaha

nənəm yatanda həmişə xoruldayır. Bəzən də elə olur ki, xoruldamır, amma nəfəs alıb vermək filan səsi çox gəlir. Öyrəşmişəm yəni bu səsə daha lol. Hərdən bir də görürəm ki, nənəm xoruldamır, səs filan gəlmir də. belə olanda bir az qorxuram, həmən gedib yaxınına üzünə filan baxıram ki, görüm nəfəs alır ya yox. Bir gün elə yaxınlaşanda gözünü açıb ikimizi də dəli edəcək.

32 əjdaha! 11.08.2023 02:03, catasterismi

#377372 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

kainat

+22 əjdaha

kainat ağılasığmaz dərəcədə möhtəşəm və genişdir. bir neçə gündür təqdimat hazırlamaq üçün bu haqda araşdırma edirəm, və, həqiqətən, araşdırarkən öyrəndiklərimdən çox heyrətləndim. bir dəfə girdimi çıxa bilmir adam mövzunun içindən. təsadüfən elə google'da axtararkən Nasa'ın saytını gördüm və ordan istifadə elədim (artıq bunun da nə təsadüfü olacaqsa, kainatdırsa, nasa da). o saytı bu günə qədər kəşf etmədiyim üçün çox üzüldüm, həqiqətən. bu nə gözəllikdir: https://exoplanets.nasa.gov/
deməli, nə qədər habitable zone (yaşayış üçün əlverişli olduğu düşünülən) olan planet mövcud imiş. və hələ sadəcə Süd yolu qalaktikasında Super-Earth adı verilən yer bənzəri nə qədər planet mövcuddur. bu planetlər yerin ölçüsündən 2 dəfə, kütləsindən isə 10 dəfə böyük olurlar. Adətən Uran, Neptun böyüklüyündə, həmçinin dəmirdən, karbondan və qazlardan təşkil oluna bilirlər.
Günəş sistemindən kənara çıxanda qarşımıza çıxan bütün planetlər ekzoplanet adlandırılır. Digər planetlərdən fərqli olaraq onlar hansısa ulduza bağlı olmur və qalaktikanın mərkəzində sərbəst şəkildə "üzürlər".
Yerə ikinci ən yaxın ekzoplanet isə "Barnard's Star b"dır. yerdən 6 işıq ili uzaqlığındadır və yerdən 3.2 dəfə böyükdür. orbital periodu 233 gündür. barnard ulduzu ətrafında orbital dövr edən planet qırmızı, soyuq və az kütləlidir. öz ulduzundan uzaqda olduğu üçün zəif işıqlanır və bu yerin günəşdən aldığı işığın 2%dir. ətrafında fırlandığı ulduz isə gecə səmasında ən sürətli hərəkət edən ulduzdur.

Yerdən kənarda artıq həyat üçün əlverişli planet axtarışına çıxanda bir neçə yer bənzəri Super-Earth tapmaq olar:
Kepler teleskopu ilə izlənən K2-131b Super-Earth tipli yerdən 2 dəfə böyük planetdir. Həm də Günəş kimi sarı bir ulduzun ətrafında fırlanır. Bizim yerə nə qədər bənzəyir hə? siz də yeni bir həyat üçün həyəcanlandınız, amma tələsməyin çünki bu planetin səthi bit dəmiri buxarlandıracaq qədər istidir. həm də öz orbiti ətrafında fırlanmağı 9 saat çəkir. Merkuridə isə bu 88 gündür. Və gün ərzində bu planetdə günəş heç vaxt batmır.
Kepler teleskopu ilə izlənən ikinci bir planet Kepler-22B elm adanları tərəfindən tam təsbit edilə bilməyib. Səthi su ilə örtülsə də, onun qaz halında da ola biləcəyi də ehtimal edilir. ancaq son kompüter modelləşdirməsindən sonra nəzəri olaraq həyat üçün əlverişli olduğu ortaya çıxdı. çünki bütün səthi su ilə örtülən və yan tərəfə əyilmiş bu ekzoplanetin səthinin orta tempraturu 15 dərəcə selsidir. radiusu isə yerdən iki dəfə böyükdür. orbital periodu 289 gündür. yerdən isə 635 işıq ili uzaqlığındadır.

kainat hər an genişlənən bir məfhumdur. ancaq maraqlıdır, hara kimi genişlənəcək? bir dənə burda dayanın. və sadəcə təsəvvür edin. hər keçən an genişlənir. bu kainat nədir ki? nəyin içindədir? niyə genişlənir? hardan tapır genişlənəcək yeri? çox maraqlıdır. bəlkə də kainat özü başqa kainatın içindədir. bəs bu kainat o hardadır?

ulduzlar da böyüyür. böyüdükcə isə parlaqlıqları artır. parlaqlığı artan ulduz artıq öz məhvinə yaxınlaşır, yaşlanır artıq, enerjisini sərf edir. enerjisi bitən ulduz isə "ağ cırtdan" adlanır. ağ cırtdan adlandırılsa da, hələ də parlaq olurlar. parlaqlığın səbəbi isə enerjisi vermək deyil, səbəbi ulduzun hələ də çox isti olmasıdır.
kainat çox maraqlı yerdir. onu kəşf etmək, öyrənmək isə insana zövq verir. ancaq bir gün(hansı planetə, hansı ulduza görə gün) hər bir ulduzun məhv olacağını anlayanda artıq onda qorxur insan. Düzdür, hələ günəş cavandır, ancaq bir gün o da məhv olacaq. günəşin 8 milyard ili var hələ qarşıda , ancaq yerin neçə ili var? bax o kainatdan daha çox insanlara bağlıdır.

16 əjdaha! 29.11.2021 00:43, catasterismi

#340683 şikayət

ən pis şeylər

+23 əjdaha

(baxma: ignore edilmək)
Nə isə dedikdən və ya etdikdən sonra insanların reaksiya verməməsi, danışanda səsinin eşidilməməsi, qrup mesajlaşmalarında sənin mesajına reply edilməməsi: yes, bir sözlə, ignore edilmək çox pis bir şeydir.

22 əjdaha! 13.10.2022 22:42, catasterismi

#360946 şikayət

dissosiativ şəxsiyyət pozğunluğu

+19 əjdaha

(baxma: Dissociative Identity Disorder) qısacası DiD və ya split personality disorder.

DiD iki və ya daha artıq şəxsiyyətin bir insanın bədənində təzahür etməsi ilə ortaya çıxan şəxsiyyət pozuntusudur. Bu şəxsiyyətlərin hər birinin öz keçmişi, xarakteri, sevdiyi və ya sevmədiyi şeylər mövcuddur. hər biri müxtəlif vaxtlarda davranışları idarə edə bilir.

DiD çox nadir bir xəstəlikdir. 0.01-1%-lik bir qismi əhatə edir. Qadınlar kişilərə nisbətən bu xəstəliyə daha çox meyllidirlər.

DiD uşaq vaxtı ağır fiziki və ya cinsi zorakılığın nəticəsində yaranır. Bəzən müharibə, təbii fəlakət kimi travmaların təsirindən də yaranması mümükündür. xəstəliyin ortaya çıxma səbəb isə xəstənin özünü bir neçə şəxsiyyətə parşalayaraq travmadan uzaqlaşmağa çalışmasıdır.
xəstənin bir "əsas" şəxsiyyəti olur, hansı ki onun hər zamankı halı. bir də digər "alternativ" şəxsiyyətlər var ki, bəzi DiD xəatələrində bu şəxsiyyətlərin sayı 100-ə qədər arta bilir ki, onlar müxtəlif cinsin, irqin nümayəndəsi ola bilərlər. şəxsiyyətlər arasında keçidlər olduğu üçün yaddaşda bəzi "boşluqlar" olur, və ya xəstə halüsinasiylar görür.
DiD xəstələrində depressiya, anxiety, alkoqol və narkotik asılılığı, intihar və özünəzərərvermə kimi hallara təsadüf edilir.
şəxsiyyətlər arasındakı keçidin səbəbləri isə müxtəlifdir. bunlar stress, alkoqol və yuxarıdakı digər səbəblər ola bilər. xüsusilə, alkoqol və narkotik asılılığı şəxsiyyət keçidlərinin tez-tez baş verməsinə səbəb olur.

DiD özünü daha çox uşaq vaxtı(5-10 yaş aralığında) göstərsə də, bunu qeydə almaq çox çətin olur. düşünəndə ki, DiD travma və ya hansısa istismar nəticəsində yaranır və uşaqların da əksərən yaxın ətraflarındakı insanlar tərəfindən buna məruz qalma ehtimalı yüksəkdir onda bu hal normal olur.
DiD, həmçinin uşaqlarda ADHD kimi davranış və öyrənmə problemləri ilə qarışdırıldığı üçün onu uşaq vaxtı müəyyən etmək çətindir.

DiD xəstələri bütün ömürləri boyu bu xəstəliklə yaşamaq məcburiyyətində olurlar. psixoterapiya ilə xəstəlik tamamilə aradan qaldırıla bilməsə də, zamanla xəstə artıq öz hərəkərlətini idarə edə bilir.

16 əjdaha! 11.01.2022 00:40, catasterismi

#343173 şikayət

sözaltı fotoqrafiya

+18 əjdaha

15 əjdaha! 25.07.2023 20:30, catasterismi

#376221 şikayət

yazarların linçə səbəb olacaq fikirləri

+17 əjdaha

kassirlərdən zəhləm gedir.
mənim üçün ən sadə işi görüb özünü bir pox zənn edən işçi qrupudur. elə davranırlar ki, sanki amk kassir deyil, marketin sahibidir. nə deyirsən, ağız büzür, göz süzür. az nə naz eliyirsən? işini görürsən də.
ən çox da qadın kassirlər. bu nə götüqalxmışlıqdır. alt üstü mal vurub paketə qoyursan da. aparat işləmir deyək, mənə nə ağız büzüsən.

təəssüflər olsun ki, bu işçi qrupunun çoxu belədir. ona görə də çoxundan zəhləm gedir.
əlbəttə ki, çox mehriban və insan kimi işini görən adamlar da var. məsələn bir il əvvəl xətai tərəflərdə bir bravo marketə girmişdim. kassir qız o qədər mehriban idi ki, hələ də yadımdadır. pəltək bir müştəri var idi, məndən əvvəl sırada, çox səbirli və mədəni şəkildə onu yola saldı. hər yadıma düşəndə deyirəm yox belə insanlar da var. amma təəssüf ki, əksəriyyəti dediyim qrup təşkil edir.

13 əjdaha! 10.01.2024 22:07, catasterismi

#381821 şikayət

ata

+15 əjdaha

Bir saat sonra atamın ad günüdü. Evdən uzaqdadı. Bir neçə saat əvvəl zəng edəndə hal əhval tutduq filan. Sonra ad gününü təbrik etdim. Yorğun olduğum üçün tez təbrik etmiş oldum-* amma olsun. Atam təşəkkür etdi filan, bir az da duyğulandı sanki. Təşəkkür edəndən sonra da sağollaşdıq. Çox qəribə hiss etdim. Elə də yaxşı münasibətimiz yoxdur atamla, amma bilmirəm, duyğulandım bir az. Atama qarşı o qədər qarışıq duyğular yaşayıram ki, hələ də bilmirəm ki, mən atamı sevirəm ya yox. Bilmirəm, bəlkə də, sevmirəm, sadəcə canım yanır ona. Nəysə doğum günüdü onsuz, bu gün də belə danışmayım -*

13 əjdaha! 22.07.2023 23:03, catasterismi

#376087 şikayət

yazarların ruh halı

+14 əjdaha

Ruh halım göt-baş olub, nə hiss etdiyimi, niyə üzgün olduğumu həftələrdir anlaya bilmirəm. durduq yerə ağlamaq, yerə çökmək, qışqırmaq istəyirəm. Sanki hər şey ürəyimdə qalıbmış kimi hiss edirəm, amma ağlayıb rahatlaya da bilmirəm.

Bəzən heç danışmaq da istəmirəm. Nə deyim ki? niyə deyim? heç bir mənası yoxdur onsuz da heç birinin. Danışarkən yoruluram. necə ifadə etmək bir yana, olan problemləri tam olaraq özüm də anlamıram ki, qarşımdakına izah edim. indi hiss etdiyim hər bir duyğu bir neçə dəqiqə sonra bütün əhəmiyyətini itirir.

Çox yalnız hiss edirəm aq. Bir insan hər mühitdə necə bu qədər yalnız olmağı bacara bilər axı. Evdə yalnızam, universitetdə yalnızam. Hər yerdə yalnızam. Əvvəl məni xoşbəxt edəcək az da olsa bir şey tapırdımsa, indi onlar da kifayət etmir.

insanlardan nifrət edirəm. insan görmək istəmirəm. Hər kəsin çox yaxşı yola getdiyini görmək mənim ortamdakı tək yalnız bədbəxt olduğumu gözümə soxur. və bu məni dəli edir. Çölə çıxmaq, insan görmək istəmirəm. sanki hər kəs xoşbəxt də tək bədbəxt mənə imişəm kimi hiss edirəm. amma Evdə oturmaq da istəmirəm, çox bezirəm. Ümumiyyətlə, heç yerdə olmaq istəmirəm e mən. Hər yerdə sıxılıram. Heç yerdə məni özünə çəkən heç nə tapa bilmirəm.

Bəzən saatlarca oturub ağlamaq istəyirəm, oturub arzumu gerçəkləşdirməyə çalışıram, o da olmur. Əsəblərim onsuz başını götürüb gedib. Yersiz aqressiyalar, durduq yerə gözlərimin dolmağı dəli olmaq üzərəyəm. Artıq özümə çətinliklə hakim ola bilirəm. Əsəblərimi də idarə edə bilmirəm, çox gərilirəm, anidən əlimdə olan hər şeyi qırıb-tökmək, parçalamaq istəyirəm.

Üf özümdən bezdim e. mən yaxşı hiss etmək istəyirəm, xoşbəxt olmaq istəyirəm. Gülmək istəyirəm, həqiqətən gülmək istəyirəm. Ürəkdən gülmək üçün çox darıxmışam.

10 əjdaha! 20.05.2022 22:33, catasterismi

#350102 şikayət

shalom harlow

+12 əjdaha

90-cı illərin ən çox tanınan, boyu 1.8 m olan Kanadalı model və aktrisadır.
Bir iki gündü yutubda qarşıma çıxır, möhtəşəm runway walk sərgilədiyini düşünürəm. əlavə etdiyim videoda bir neçə nümunə var.
ən çox pencəyi, ya da ətəyin ucunu filan tutaraq etdiyi walk möhtəşəmdir. Çiyinlərini də bədəni ilə ahəngli bir şəkildə hərəkət etdirir deyə yeriyərkən çox qəşəng görünür.

(youtube:

)

9 əjdaha! 29.07.2023 14:49, catasterismi

#376498 şikayət

body dysmorphic disorder

+15 əjdaha

azərbaycancası "bədən dismorfik pozğunluğu" olan bu xəstəlik beyində başlayır və mental bir xəstəlikdir. bu tip xəstələr öz görünüşləri haqqnda düşünməyi istisələr də, durdura bilmirlər. insanlardan, güzgülərdən - bir sözlə, onlara özlərini xatırladacaq hər şeydən qaçmağa, ətrafda çox görünməməyə, diqqət çəkməməyə çalışırlar.
BDD müxtəlif yaş qrupundan olan insanlar, qadınlar, kişilər, xüsusilə də, yeniyetmələr arasında daha çox təsadüf olunur. Əksərən, ətrafdakı insnalar tərəfindən hiss edilməsə də, şəxsi kifayət qədər narahat edən bir haldır. Əsas simptomları isə aşağıdakılardır:
1. Bədənin spesifik bir hissəsi haqqında daim narahat olmaq (xüsusilə, üz)
2. Öz görünüşünü başqaları ilə müqayisə etmək
3. Tez-tez güzgüyə baxmaq və ya əksinə güzgülərdən qaçmaq
4. Görünüşünə, onu tez-tez yoxlamağa çoxlu zaman sərf etmək
5. Başqaları tərəfindən ələ salındığını düşünmək
6. insanların çox olduğu sosial yerlərdən qaçmaq

bu haqda narahatlığı olmayan insanlar üçün nə qədər sadə görünsə də, BDD xəstənin şəxsi həyatına, iş rejminə ciddi şəkildə təsir edə bilər. Bəzən depressiya, özünə zərərvermə halları ilə də nəticələnə bilər. terapiyalar ilə BDD xəstələrinin normal həyat rejminə uyğunlaşmaları mümkündür.

BDD-nin müalicəsi üçün xəstəliyin müxtəlif dövrlərində bir neçə üsuldan istifadə edilir:
1. birinci terapiya növü Cognitive Behavioural Therapy (CBT), yəni koqnitiv davranışçı terapiyadır. əgər xəstənin simptomları yüngüldürsə, CBT, yəni söhbət tipli terapiyalar ilə xəstəliyin öhtəsindən gəlmək mümkündür. Bu söhbətlər şəxsin özü ilə və ya hansısa qrupla etdiyi söhbətlər ola bilər.
2. ikinci terapiya üsulunda isə Selective Serotonin Reuptake inhibitor (SSRI), yəni selektiv seratonin geri alım inhibitoru adlanan antidepresan qəbulu tətbiq edilir. simptomları orta dərəcədə olan xəstələr birinci (CBT) və ya ikinci (SSRi ) üsuldan biri ilə müalicə ala bilərlər.
3. sonuncu hal isə hər iki terapiya növünün birlikdə tətbiqidir. bu üsul daha çox simptomların çox ağır olduğu və digər müalicələrin təsir etmədiyi vaxtda istifadə edilə bilər.

BDD-ə tam olaraq nəyin səbəb olduğu müəyyən edilə bilməsə də, ailədən gələn faktorların təsirinin olduğu düşünülür. ailədəki insanların da BDD-dən əziyyət çəkməsi, beyindəki anormallıqlar, bədəninin şəxsin özü tərəfindən mənfi qiymətləndirilməsi də xəstəliyin səbəblərindən ola biləcəyi düşünülür.
Bütün bunlarla bərabər, mənim fikrimcə, BDD-nin yaranmasına deyil də, güclənməsinə ətrafdakı insanların təsiri çoxdur. insanlar ailələrindən aldıqları genlər səbəbindən bədənlərindəki hər hansı hissənin gözəl görünmədiyini düşünə bilərlər. bu şəxslər tam olaraq BDD-dən əziyyət çəkməsələr də, bu vəziyyətdən çıxış edərək müəyyən komplekslərinin olduğunu qeyd etmək düzgün olar. ancaq ətrafdakı insanların həmin şəxsləri kiçik görmələri, əzmələri, qüsularını gülüş obyektinə çevirmələri onun BDD xəstəsi olmağına və BDD səviyyəsinin artırmağına "kömək edə bilər". buna görə də insanların görünüşü ilə bağlı hər hansı fikir sərgiləyərkən diqqətli olmalıyıq, çünki bizim üçün çox sadə görünən detallar qarşımızdakını narahat edə bilər.

13 əjdaha! 09.11.2021 11:57, catasterismi

#339559 şikayət

foot binding

+13 əjdaha

(baxma: ayaq bağlama)
qədim çində gənc qızların gözəllik uğruna ayaqlarının forma və ölçülərini dəyişmək üçün istifadə etdikləri bir üsuldur. ayaqlarını sındırıb sıx bir şəkildə bağlayaraq ölçüsünü kiçiltməyə çalışırdılar. 13-cü əsrdən başlayaraq yerinə yetirilən bu adət çində aparılan arxeoloji qazıntılar zamanı balaca, ədətən oyuncaq ayaqqabısına bənzəyən ayaqqabıların tapılması ilə nəticələnmişdir. bu kiçik ayaqqabılar "lotus shoes" adlandırılırdı.
foot binding prosesi qız uşaqları 5-6 yaş aralığında ikən başlayırdı. Əvvəlcə, ayaqları isti suya salınır, sonra dırnaqları qısa bir şəkildə kəsilir və yağ il ayağa masaj edilirdi. ardından baş barmaq xaric bütün barmaqlar qırlır və ayağın üçbucaq forması alması üçün qırılmış barmaqlar dabana doğru ipək parça ilə sıx bir şəkildə bağlanırdı. yaralarda irin yaranmaması üçün 2 gündən bir sarğılar dəyişdirilirdi. Bəzən "artıq" qalan ətlər kəsilirdi və ya çürüyürdü. sümüklərin qırılmasını tezləşdirmək üçün isə qızlar uzun məsafələr yeriyirdilər. zamanla isə daha kiçik ayaqqabılar geyinirdilər.
hazırda bu adət tamamilə ortadan qaldırılsa da, son "lotus shoes" fabriki 1999-cu ildə bağlandı. bu səbəbdən də, hələ də çinin bəzi bölgələrində bu adətin qurbanı olan qadınlarla qarşılaşmaq mümkündür. sifarişi verən: Derek

11 əjdaha! 02.01.2022 19:56, catasterismi

#342691 şikayət

yalnızlıq

+10 əjdaha

iki il əvvəl bu hissi bir gün yaşayacağımı eşitsəm, hər halda yaxşıca gülərdim. amma budur: biz artıq birlikdəyik -*.
əvvəllər yalnızlıq haqqında nə isə eşidəndə, oxuyanda çox qəribə gəlirdi mənə. "yəni həqiqətənmi? tək dərdin budurmu?" filan deyəsim gəlirdi. anlamırdım qarşımdakı insanı, hisslərini filan. bu hiss mənə nə qədər mənasız gəlsə də, içdən-içə yalnızlığı yaşamağı, anlamağı istəyirdim. istisnasız bu günə qədər özümün belə fərqində olmağımı istəməyərək gizlidən arzuladığım hər şey gerçəkləşib. və, əlbəttə, bu da onlardan biridir.
bilmirəm, bəlkə də, hələ də tam anlamamışam bu hissi, bəlkə də, bu heç yalnızlıq deyil, bəlkə də, həqiqətən, yalnız hiss edənlərə haqsızlıq edəcəyəm burda, amma içimdə hiss etdiyim bu duyğuya yalnızlıq demək istəyirəm.
karantinin həyatıma girməyi ilə, gərəksiz olduğunu düşündüyüm insanları həyatımdan çıxarmağım üst-üstə düşdü. ardından isə yalnızlıq başladı. ilk başlarda çox da tınn deyildi, rahatdı filan, amma zamanla vəziyyət dəyişdi.
qısa bir vaxtda təcrübə etsəm də, mənə görə çox ağır bir hissdir. günlərlə söhbət sırasının, son mesajların dəyişməməsi, tətildə evdə olmaq, tək tətil deyil, normal günlərdə də təkrarlanmış rutinin dəyişməməsi, yenilik yox, insanlar yox, söhbət yox. püf, sıxıcıdır e.
bəzən kimləsə söhbət uzananda o qədər xoşbəxt oluram ki, söhbət heç bitməsin istəyirəm. amma, əksərən, söhbətlər də qısa olur. bəzən də çox qəribə şəkildə söhbətin uzanmağını istəyirəm, amma nə danışım, nə danışaq bilmirəm. bu da çox sıxıcı gəlir.

bir rutin qursam və ona uyğunlaşsam, yalnız hiss etməyə vaxt olmaz hər halda deyirəm. amma ona da uyğunlaşa bilmirəm. vaxtımı yaxşı keçimək üçün bir işə başlamaq istəyirəm, hərr şeyi hazırlamışam, çalışmaq üçün səliqəli masa filan. amma yox, masaya gəlirəm və budur: başladıq. boşluqdayammış kimi hiss edirəm və heç cür heç nəyə başlaya bilmirəm.
gecələr isə daha yalnız hiss edir insan. ürəyi sıxılır, ağlamaq gəlir, amma ağlaya bilmir. yatmaq istəyir, yata bilmir. yazmaq istəyir, yaza bilmir filan. pəəh

bəlkə də, çox şişirdirəm, böyütməli bir şey yoxdur, amma ən yaxşısı lazımsız olduğunu düşündüyümüz insanlar həyatımızın bir küncündə qalsınlar. çünki əylənmək lazımdır-*.

7 əjdaha! 02.02.2022 01:10, catasterismi

#344797 şikayət

ad günü

+12 əjdaha

Bir yerdə eşitmişdim: "insanın əsl doğum günü həyata gəlmək səbəbini, həyatdakı məqsədini dərk etdiyi gündür."
Çox bəyənmişdim bu sözü, çünki dünyaya gəlmək deyil, burda yaşamağı bacarmaq əsl qeyd olunacaq uğurdur.

10 əjdaha! 09.09.2021 23:00, catasterismi

#335988 şikayət

emoji

+9 əjdaha

emojilər hissləri ifadə etmək üçün istifadə edilən işarələrdir. emojilərin necə ortaya çıxdıqlarını müzkirə etməzdən əvvəl onların əcdadları emoticonlardan danışmaq lazımdır.
emoticon sözü "emotional icon" (emosional simvol) ifadəsindən gəlir. Durğu işarələri, mötərizələr, hərflər və rəqəmlərdən istifadə edərək emosiları ifadə edən emoticonlar yaradılır. işarələr limitli olduğu üçün çox vaxt bu ifadələri oxumaq üçün ekranı yan tutmaq lazım gəlir.

Emoticonlarin yaranması da maraqlı hadisəyə dayanır.

Hər şey 16 sentyabr 1982ci ildə Carnegie Mellon Universitetindəki bir zarafatın səhv başa düşülməsi ilə cərəyan edir. Neil Swartz adlı bir kompyuter elmləri işçisi departmentin online veb saytında fizika ilə bağlı bir zarafat paylaşır.
bu veb saytda daha çox departmentin işçiləri digər iş yoldaşlarının həll etməsi üçün puzzlelar yerləşdirirdilər. Həmin gün də veb saytın istifadəçiləri sərbəstdüşmə zamanı quşun liftdə uça biləcəyini müzkirə edirilər.
Swartz da təzə bir ssenari ortaya atır:
"Liftin divarına yanan şam bağlanıb və yerdə də civə var. Kabellər qırılır və lift düşür, bu zaman şam və civəyə nə oldu?"
bu postdan sonra digər bir istifadəçi zarafat mənasında belə bir mesaj paylaşır.
"XƏBƏRDARLIQ! Axırıncı fizik ekperimenti zamanı ən soldakı lift xarab olub və cümə gününə qədər dəyən ziyan ortadan qaldırılacaq."
Bu yazıdan sonra da ortalıq qarışır və hansı yazının zarafat, hansının ciddi məna daşıdığı müzakirə edilməyə başlayır. Üstündən bir az keçəndən sonra isə Scott Fahlman adlı istifadəçi belə bir post paylaşır.

emojilər ilk görnüşdən şəkilə bənzəsə də, əslində onlar şəkil deyillər. Hər biri unicode link

-da onlar üçün xüsusi yer ayrılan xarakterlərdir. əcdadlarından fərqli olaraq onlar piktoqrafik formada olan işarələrdir. ilk dəfə Yaponiyada ortaya çıxdılar və sonra bütün dünyaya yayıldılar. emoji yapon sözü olub e - şəkil, modzy - xarakter mənasına gəlir.
1997-ci ildə J-Phone 90 emojidən ibarət SkyWalker telefonunu təqdim etdi. o ilk emojilərdən təşkil olunmuşdu, lakin telefonun satışlarının düşməsi emojilərinin nadir hallarda istifadə edilməsinə səbəb oldu.
Shigetaka Kurita adlı yaponiyalı 1999-cu ildə mobil telefonlarda istifadə edilən 176 xarakterli emoji setini yaratdı. özünün dediyinə görə emojiləri yaratmaq üçün manga və kanji, yəni çin simvolları və küçə işarələrindən ilhamlanıb.
Yaponlardan sonra Apple yapon müstəriləri cəlb etmək üçün 2007-ci ildə emoji klaviyaturasından istifadə etdi. Və zamanla androidlərdə də bu funksiya əlavə edildi və hazırda bütün dünyada geniş istifadə edilir.
iphone-larda emojilər androiddəkindən bir az fərqli görünür amma eyni emojini bütün cihazlarda görmək və paylaşmaq mümkündür. Bunun səbəbi emojilərin unicode-un köməkliyi ilə platformalar arasında "tərcümə" edilməsidir.
Bəzən whatsapp-da və ya digər plaformalarda istifadəçilər yeni emoji göndərərndə sizdə kvadratlar görürnürsə bunun səbəbi sizin cihazınızın versiyasının yenilənməmiş olmağıdır. çünki hər bir yeni emoji unicode əlavə edilir və onu görmək üçün siz də öz cihazınızı son versiyasına update etməlisiniz.

8 əjdaha! 01.02.2023 01:00, catasterismi

#366722 şikayət

işə yarayan internet saytları

+9 əjdaha

sağlamlıq haqqında maraqlı yazıların olduğu sayt link

yazıları səsli şəkildə dinləmək də mümkün olduğu üçün oxuyarkən insan sıxılmır. həm də ingilis dilini inkişaf etdirmək üçün də yaxşı vasitədir.

7 əjdaha! 12.01.2022 22:42, catasterismi

#343289 şikayət

yazarların hazırda düşündükləri

+9 əjdaha

deməli, bu günlərdə ya mənim qarşılaşdığım insanlar anormaldı, ya mən həddən artıq ciddiyə alıram hamını. amma daha bu qədər də olmaz. bu nədir? anlamıram vallah. bu nə diskriminasiyadır? baxın, hamımız insanıq, hamımız. bəzi şeylər var ki bəzilərimiz uğurlu olur, və təəssüflər olsun bəzilərimiz olmur. Diqqətlə oxuyun bunu indi, sırf oğlansınız deyə bir işdə daha yaxşı olacaqsınız deyə bir şey yoxdur, ya da sırf qızsınız deyə oğlanlardan daha zəif nəticə əldə edəcəksiniz deyə bir qanun da yoxdur. Bu nəyin eqosudur? Həqiqətən, inana bilmirəm. Qadını, kişisi fərq etmədən hamısı bir ayrı-seçkilik edir. bir dəfə bildir fikrini kifayətdir, hətta bildirmə, durduq yerə diskriminasiya etməyin heç bir mənası yoxdur, saxla fikrini özünə.
inana bilmirəm, adicə bir təhsil müəssisəsində bu qədər ayrı-seçkilik varsa, əminəm iş həyatı bundan da pis vəziyyətdədir.
Xüsusilə, gördüyüm kişi müəllimlər edir bunu, çox çox əminəm iş həyatlarında da edirlər eynisini. əlbəttə, qadınlarda da var bu. mümkün deyil ki, qadınlar öz həmcinslərini əzməsinlər. amma dediyim kimi kişilər daha çox edir. həm nə gözləmək olar ki? Onsuz da çoxu axmaq olan bu insanların bir az ağıllısının empatiya və bərabərlik anlayışına sahib olmağınımı?
Dağdakı cahil çobandan tək fərqləri diplom və bir iki akademik biliklərinin olmağıdır.

8 əjdaha! 18.10.2022 21:23, catasterismi

#361226 şikayət

attack on titan

+7 əjdaha

Hajime Isayamenin yazıb illustrate etdiyi məşhur anime attack on titan-ın final sezon part 4-ün traileri bu gün, 2 iyul yayımlanmışdır.

(youtube:

)

Tarilerde maraqlı məqamlar gözümə ilişdi. Mikasanın qanadlar görəsən Ackerman olduğu üçün ortaya çıxır yoxsa, titan güclərindən biridir.

Final bölümün nə vaxt yayımlanacağı ilə bağlı dəqiq tarix hələ də yoxdur. 2023 payızda yayımlanması gözlənilir.

6 əjdaha! 03.07.2023 00:21, catasterismi

#374639 şikayət

öyrənildiyində təəccübləndirən məlumatlar

+9 əjdaha

itlər də insanlar kimi həyatlarında iki dəfə diş çıxarırlar. itlərdə süd dişi dediyimiz ilk dişlər 3-6 həftə arasında çıxır. təxminən 4 aylıq bala itlərdə süd dişlər daimi dişlərlə əvəz olunmağa başlayır.

5 əjdaha! 11.01.2022 22:19, catasterismi

#343223 şikayət

qəbir şamları

+6 əjdaha

Qəbir şamları və ya çıraqları ölən insanın xatirəsinə onun qəbrinin üstündə yandırılır. Xristianlıqda çıraqlar daha çox istifadə edilir. Ancaq yəhudi inanclarına görə şamlar geniş yayılıb. Həm də xatirə şamları olaraq bilinən şamlar 26 saata qədər ölən adamın evində və ya qəbrinin üstündə yandırılır. Yəhudilər bu prosesi yahrzeit, yəni ölüm ildönümü adlandırırlar.

5 əjdaha! 23.10.2022 21:09, catasterismi

#361496 şikayət

sözaltı günlük

+6 əjdaha

dekabrın 31 gələn o mən hər şey edəcəyəm hissindən sonra elə ilk iki gündən əslində heç nə edə bilmədiyimi, ancaq edəcəyəm dediyimi görüb kefim qaçdı. belə davam eləsəm, bu il də heç nə etməyəcəyimi başa düşdüm. üstündən bir neçə saat keçəndən sonra bu video çıxdı qarşıma yutubda. watch later save edib, imtahan üçün hazırlaşmağa davam etdim. sonra dedim ki suaların cavabını word yığarkən videoya qulaq asım. yaxşı ki qulaq asmışam. Çox xoşuma gəldi videonun toxunduğu hissə. gələcəyi deyil, bu günü yaşamaq lazımdır.

(youtube:

)

5 əjdaha! 02.01.2024 23:55, catasterismi

#381624 şikayət

təkcə mənmi edirəm deyə düşünülən şeylər

+7 əjdaha

Əsəbiləşdiyin bir hadisə yadına düşər, öz-özünə ürəyində onu müzakirə edərsən, sonra həmin an o qədər əsəbiləşərsən ki, fikirlərini səsli bir şəkildə, üstəlik bəzən də istəmədən yüksək səs tonu ilə deyərsən.

6 əjdaha! 02.09.2021 03:55, catasterismi

#335331 şikayət

imtahanlarda edilmiş umbaylıqlar

+9 əjdaha

imtahan günü eynəyim yadımdan çıxıb evdə qalmışdı. Koridorda da bir nəfər gördüm, mənə tərəf gəlirdi. Əl salladı, mən də tanış adam zənn edib ona əl salladım. Sonra bir baxdım başqasına əl sallayırmış, yanımdan keçəndə də güldü. Yadıma düşdükcə hələ də utanıram.

8 əjdaha! 05.09.2021 11:21, catasterismi

#335533 şikayət

ilk kompüterlə edilən umbaylıqlar

+6 əjdaha

bir neçə gün idi ki, noutbuk almışdıq. su içəndə birdən bir damcı su töküldü touchpad hissəsinə. bir damıcı sözünü elə-belə yazmamışam ha, həqiqətən bir damcı su töküldü. və noutbukun ekrani birdən qaraldı. mən də heç nə bilmirdim noutbuk haqqında filan (hələ də heç nə bilmirəmjkdsh), dedim, yəqin, fenlə filan qurulasam düzələr :d. quruladım fenlə, açdım açılmadı. ustaya apardıq, sən demə kompun hansısa hissəsini yandırmışammış :d. dəqiq yadımda deyil, deyəsən, cpu idi.

5 əjdaha! 09.11.2021 23:08, catasterismi

#339589 şikayət

təkcə mənmi edirəm deyə düşünülən şeylər

+5 əjdaha

Beynində reallığa sığmayacaq ssenarilər qurub sonra da ondan təsirlənib o hadisə baş vermiş kimi davranmaq.

3 əjdaha! 24.08.2021 21:39, catasterismi

#334741 şikayət

yazarların hazırda düşündükləri

+5 əjdaha

hazırda çox qəribə hiss edirəm. həm xoşbəxt hiss edirəm, həm sanki bir ağırlıq var üstümdə. dərs oxumaq istəyirəm, amma spotify'dan da ayrıla bilmirəm. nə də musiqiyə qulaq asarkən dərs oxuya bilirəm.
ikisi bir anda necə olur anlamıram. insan eyni anda həm xoşbəxt, həm bədbəxt ola bilərmi, görəsən?

4 əjdaha! 03.10.2021 22:09, catasterismi

#337618 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

catasterismi

son bəyənilənlər:

oxuyucuların bəyəndikləri: