əli cibində lüt kişi

283 0 0 0

1. nəsil yazar

Entry: 283

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yazarların ən pis pərt olduğu an

+88 əjdaha

məktəbdə 6-9-cu siniflər arası tarix müəlliməmin adı cəmilə idi. ciddi simalı ,amma o qədər də savadlı deyildi. yenə də onun xətrini çox istəyirdim. bəzən bizi cəzalandırmaq üçün öz dəmirxətkeşindən istifadə edərdi, barmaqlarımızı partanın üstünə qoymağımızı tələb edər,sonra da xəttkeşlə onları vurardı, amma biz bunu adi qarşılayardıq, mən isə lap adi qarşılayardım, çünki cəmilə müəllimə tək mənə yox, mənim atama və əmilərimə də dərs demişdi. (düzü mənim barmaqlarımı xətkeşlə vurdugu çox az olub)
həmişə mənə deyərdi ki, atan yaxşı oğlan idi, yaxşı oxuyardı, sən də gərək oxuyasan. yaxşı oxumalısan. atamı bir yaşım olanda itirmişik. uşaqlıqdan ərkoyun böyümüşəm. atamın hörməti deyəsən çox olub, odur ki mən məhlədə söyüş söyəndə heç kəs mənə toxunmazdı. uşaqlıqda çox şöyüşcül olmuşam. söyüdüyüm uşaqların valideynləri mənə güldən artıq söz deməzdi. elə məktəbdə də müəllimlər məni tanıyırdılar. atama dərs deyən müəllimlər mənlə yaxşı davranardılar, xətrimi çox istəyərdilər. çoxusu da bilirdi ki,atam mən körpə olanda ölüb. bəlkə də buna görə mənə dəyməzdilər. cəmilə müəllimə də həmçinin, atamın sinif rəhbəri, mənim də tarix müəlliməm. nənəmi, babamı, əmilərimi soruşardı hərdən məndən.
"nə edirlər ? necədirlər?". hərdən bir də əlavə edərdi: "atan yaxşı oğlan idi"
uzun müddət bir-birini tanıyan insanlar arasında incə bir bağ olur. məktəblə, müəllimlərlə də bizim aramızda belə bağ vardı.
məktəbi bitirdik, universitet, sonra da iş-həyat və s. uzaqlaşdıq məktəbdən. böyüdük.
təxminən iki il əvvəl məktəbimə getmişdim. qapıçılardan icazə alıb müəllimlərimlə görüşdüm. məktəbdən çıxanda qarşıma cəmilə müəllimə çıxdı. görən kimi yaxınlaşıb salamlaşdım. əvvəlcə məni tanımadı. sonra adımı dedim, sevincək oldu və məni öpüb qucaqladı. "necəsən? işlər necədir" suallarından sonra dedi ki, atan necədir ? tutuldum, pərt oldum. necə unuda bilərdi ? atam axı mənim bir yaşım olanda rəhmətə getmişdi və cəmilə müəllimə, sən axı bunu bilirdin. hər dəfə atamı mənə xatırladırdın. tutuldum, pərt oldum və nə deyəcəyimi bilmədən dedim ki, yaxşıdır atam.
deyə bilmədim, deyə bilmədim ki,atam rəhmətə gedib və siz on il əvvəl bunu bilirdiz, indi necə yadıvızdan çıxıb ? bəlkə məni tanımadız ? yəqinki məni tanımadız. amma eybi yox, atam yaxşıdı, əgər bu cavab o anda ikimizi də qane edəcəksə, atam yaxşıdır.

75 əjdaha! 14.08.2016 01:47, əli cibində lüt kişi

#224645 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

baba

+48 əjdaha

balaca əmimin yoldaşı təzə gəlin gəlmişdi. babam, mən və gəlinimiz idi evdə. o vaxtlar broylər toyuqlarının təzə-təzə vaxtları idi, hər qonaga broyler toyuğundan sulu yemək bişirərdilər. balaca gəlinimiz də belə sulu toyuq yeməyi bişirmişdi. yeməyi masaya gətirdi, bizim ikimizə yemək qoydu, öz yeməyini bir az gec gətirdi deyə biz yeməyə başladıq. babam yeməkdən bir qaşıq yedi,heç ne olmamış kimi ikinci qaşığı yedi.mən birinci qaşığı agzima apardım. gordum ki, yemək həddindən artıq duzludur. o qədər duzlu ki, uzumu turşutdum. babam mənə baxdı, başıyla işarə elədi ki, heç nə demə, yeməyivi ye. mən də məcbur olub yeməyə çörək dogradım ki, duzluluğu azalsın. biz birtəhər yeməyə başladıq. babam deməsəydi həyatımda o yeməyi yeməzdim. biz yeməyə başlayandan sonra gəlinimiz gəldi oturdi masaya. elə yeməkdən bir qaşıq almışdı ki, dedi bu nə duzludu, bu yeməyi necə yeyirsiz? baba guldu dedi ki, qızım təzə gəlmisən istəmədik sənin xətrivə dəyək.
babam mənim yaddaşımda həm də belə qalıb. darıxıram onuncun.

46 əjdaha! 22.06.2016 00:09, əli cibində lüt kişi

#218700 şikayət

albert camus

+32 əjdaha

"bu gün anam öldü,yox,deyəsən dünən ölüb.əmin deyiləm"

ilk dəfə "yad" əsərini oxuyanda,elə ilk cümlədən sonra söymüşdüm kamyunu.o vaxtlar uşaq idim.cayıl vaxtlarım idi,ana-bacı söhbətlərinin biri bir qəpik idi.kamyunu ona görə söymüşdüm ki,adam da heç anasının öldüyü günü unudar.adam da bu qədər etinasız olar? ...olar.
"yad" əsəri 20-ci əsrin 5 möhtəşəm əsərindən biridir.dahidir kamyu.
"taun" da gözəl əsərdir,amma yadın yerini heç nə vermir.bəlkə də taundakı mətnaltı mənaları tam olaraq başa düşməmişdim.yox.. başa düşmüşdüm,sadəcə "yad"dakı yadlaşma mənim də canıma hopduğu üçün "yad"ı daha çox sevirəm. kamyu haqqında nəsə yazmaq həqiqətən də çətindir.aşağıda onun haqqında bir iki qısa və maraqlı məlumat yazacam

1)kamyu futbolçu olib.qapıçılıq edib.sonradan ağır zədələndiyi üçün futbol oynamayıb.
2)sartla yaxın dost olublar,amma aralarında gözləgörünməyən bir mübarizə də gedib.
3)deyilənə görə sartr həmişə onu qısqanıb,cünki kamyu yaraşıqlı olub və sartrın qadınlarını əlindən almaq potensialı olub (gülməli faktdır)
4)avtomobil qəzasında ölməyi çox şübhəlidir
5)"yad" əsərinə aid "kiling an arab" mahnısı var.dinləməyə dəyər.
6)"yad" əsəri əsasında lukino viskontinin filmi var,amma bu əsər haqqında ən yaxşı filmlərdən biri zeki demirkubuzun "yazgı" filmidir. bu film "yad"ın türkcələşmiş varynatıdır.

23 əjdaha! 11.06.2013 03:54, əli cibində lüt kişi

#49163 şikayət

bir qızda dözülə bilməyən şeylər

+41 əjdaha

qız qəşəngdirsə hər şeyə dözərsiz, ibnələr.

37 əjdaha! 03.01.2014 22:37, əli cibində lüt kişi

#88091 şikayət

olsaydı dünya tarixini dəyişəcək hadisələr

+28 əjdaha

1) hitler rəssam olsaydı
2)anasının arzusunu yerinə yetiən stalin keşiş olsaydı
3) yekədiş ronaldonun diz qapağı zədəsi olmasaydı.
4)ronaldinyo karyerasının ən pik nöqtəsində manekenlərə maraq salmasaydı.
5) xristofor kolumb cənubi amerikaya yox,antarktidaya getsəydi.
6)iuda isanı satmasaydı.
7)qorboçovun başında xalı olduğu üçün onu kommunist partiyasına qəbul etməsəydilər.
8) leonardo da vinçi "sonuncu axşam yeməyini" əsərini santa mariya de la qrasiya monastrnın divarına çəkərkən,üstünə çıxıb rəsimi çəkdiyi nərdivana bir rahibin ayağı təsadüfən ilişsəydi.
9) napoleon müqəddəs yelena adasında olarkən ona göndərilən şahmatın fiqurlarına daha diqqətlə baxsaydı.
10)prinsip adında gicbəsər frans ferdinandı öldürməsəydi.
11) misir mədəniyyəti olmasaydı.

21 əjdaha! 10.04.2013 07:28, əli cibində lüt kişi

#38990 şikayət

yazarların sevdiyi şeirlər

+22 əjdaha

kulis.az saytında oxumuşşdum bu şeiri. isa ismayılzadənin "güllələr demədi" şeiri. təsirlənmişdim.

getdilər. getdilər fit çala-çala,
getdilər atları çimizdirməyə –
bizi aparmadılar,
qulançar yığmağa, moruq dərməyə
bizi aparmadılar.

yalvarıb-yalvarıb, dil tökəndə biz
onlar üstümüzə od ələdilər,
qışqırıb-təpinib, hədələdilər:
«hələ uşaqsınız… nə yaşınız var…»

bir gün xəbər gəldi: dava başlanıb…
onlar əsgərliyə çağırıldılar.
nə tütək çaldılar, nə fit çaldılar,
fikirli oldular, ağır oldular…

yola salanlara qoşulanda biz
yalvarıb-yalvarıb, dil tökdü onlar:
«gəlməyin, qayıdın… geri qayıdın…
qayıdın atları çimizdirməyə,
qulançar yığmağa, moruq dəyməyə».

biz getdik atları çimizdirməyə,
qulançar yığmağa, moruq yeməyə:
düşüb arxamızca gəldi uşaqlar.
dilimiz gəlmədi bir söz deməyə.

onların yoxluğu düşdü araya,
oyunlar, «məclislər» qaldı yarımçıq.
toylar da seyrəldi, toyxanalar da,
aşıq da havanı çaldı yarımçıq –

kəndimiz yamanca uralanmışdı,
hərdən korun-korun yanırdı ocaq.
bir ağzıgöyçək də qaralanmışdı:
«deyəsən, gedənlər qayıtmayacaq» –

mərmilər, güllələr fit çala-çala
hey böyür-başından ötdü onların.
kətmən vura-vura, ot çala-çala
baxdıq yollara.

getdilər, getdilər berlinə sarı,
getdilər, getdilər ölümə sarı.
güllələr demədi: geri qayıdın.
lülələr demədi: geri qayıdın,
qəlpələr demədi: geri qayıdın,
hələ uşaqsınız, nə yaşınız var…

17 əjdaha! 24.07.2016 23:06, əli cibində lüt kişi

#222531 şikayət

tualetdə kitab oxuyanlar

+17 əjdaha

qələm,kitab və siqaret.siqaretin külünü unitaza tökməyə çalışırsan və bu proses elə uzun və elə əzablıdırki,bu prosesi bitirəndən sonra kitabın harasında qaldığını unudursan və başlayırsan əvvəldən oxumağa,bir dəqiqə-iki-üç-dörd və yenidən siqaretin külünü unitaza boşaltmalısan...ay blyat...yenə də çox ağır hərəkətlərlə kitabı yerə qoyursan,bir əlinin 1 barmağı ilə oxuduğun səhifəni tutursan,digər barmaqlarla yeri tutursanki yıxılmayasan və o biri əlinlə siqaretin külünü unitaza boşaldırsan.bu zaman dilimində oxuduğun yer yenidən yadından çıxır.ay blyat....bütün romantikan məhv olur və tez bazar işivi görüb bayıra çıxmaq istəyirsənki,düz əməlli kitab oxuyasan...bax belə bir ləzzəti var tualetdə kitab oxumağın

16 əjdaha! 19.11.2012 22:49, əli cibində lüt kişi

#18337 şikayət

həyatın nə qədər gözəl olduğunun anlaşıldığı anlar

+17 əjdaha

əsgərlikdə andiçmə yenicə bitmişdi. bizləri oxumaq məqsədiylə (məni və daha iki nəfəri) ayrı bir hərbi hissəyə göndərdilər. nə yalan deyim bir qohum mayorumuz vardı,o da o hərbi hissəyə gəlmişdi. yeni gəldiyim yerdə sıraya düzülmüşük,bizə yeni bir komandir təyin elədilər. baş-leytenant idi. bizim tağımın komandiri. sırada durmuşuq,elə bu anda mənim qohumum olan mayor məni öz yanına çağırdı,yanında da bu baş-leytenant.mayor dedi ki,yoldaş baş-leytenanat (familiyasını da dedi-mən burda ad çəkməyim) bu da filankəsovdur. səninlə eyni şəhərdəndir. elə bunu dedi mayoru kimsə çağırdı. o gedən kimi bizim bu leytenanat mənə dedi ki,sən bu mayorun qohumusan ? dedim -hə. dedi sən məndən incimə. səni minəcəm. mən də təzə gələn əsgərəm,özümdən deyən vaxtlarımdı.dedim -görərik. bu sözdən o daha da qızışdı.
nəysə təlimlərə başladıq. bu baş-leytenant ilk həftədə mənlə başladı prinsip aparmağa. nə olurdu mənlə tutuşurdu. bir-iki dəfə nəsə cəza da vermişdi. indi xatırlamıram.bütün elədiklərinə baxmayaraq,mən öz qohumuma bunu şikayət eləmirdim. həm ağız açmamaq üçün ,həm də bu baş-leytenant çox yaxşı oğlan idi (baxmayaraq ki,mənlə yola getmirdi.) bir gün necə oldusa,bu b-leyt başqa iki nəfərə də nəsə cəza verdi və bu iki nəfər baş leytenantı öz day-daylarına şikayət elədilər. day-dayları güclü adam idi. söhbət böyüdü,sonradan həll olundu birtəhər. bizim təlimimiz hələ də davam edir,hardasa 1 ayımız var getməyə. nəysə bu day-day söhbəti bitdi.bir gün baş-leytenant məni çağırdı yanına,dedi ki,filankəsov kişi adamsan. nə qədər incitdim səni heç kimə demədin. kef elə bundan sonra. həqiqətən də ondan sonra bir ay ərzində kef elədim. mənə pul yardımı belə elədi. şahmat oynadigimiz olurdu komandirimlə.hamı yatırdı oturub futbola baxırdım.telefonunu verirdi danışmağa. əsgərlikdən gəldim,ilk dəfə oturub komandir-əsgər kimi yox,iki normal vətəndaş kimi pivə içdik,söhbət elədik. söhbətin ortasında güldü dedi ki,amma gözləyirdim ki,gedib sən də məni şikayət edəsən. kişi kimi dözdün. yaxşı oğlansan dedi. özümü çox yaxşı hiss elədim. demək olar ki,hər il görüşürük.telefonla danışırıq.hər dəfə zəng edəndə mən ona yoldaş baş leytenant deyirəm,deyir ki,adımı de,ala. leytenant nədir. bura yazmaqla da özümü hansısa tərəfdən göstərmək istəmirəm,sadəcə həyatın yaxşı olduğunu anladığım anlardan birini paylaşıram. əsgərlik mənə görə əslində lazımsız da bir quruluşdu. sadəcə bəzən orda öyrəndiklərim işimə yarayır. orda öyrəndiklərimdən biri də nə edirsən elə götlük eləmə prinsipidir. gec də olsa götlük eləməməyin qiymətləndiriləcək. ora gedəndə çox düşmən qazana bilərsən,amma əsas dost qazanmaqdır. mən də belə dost qazandım. özü də məndən 7-8 yaş böyük.

16 əjdaha! 23.02.2014 21:39, əli cibində lüt kişi

#101804 şikayət

yalnızlıq

+14 əjdaha

yalnızlıq - vicdan əzabı çəkmədən masturbasiya etməkdir

14 əjdaha! 19.11.2012 23:05, əli cibində lüt kişi

#18341 şikayət

sözaltı sözlük üçün tövsiyələr

+13 əjdaha

salam,qadanızı alım. şikayətmi deyim,təklifmi deyim bilmirəm. deməli belə...bu sözlük sırf azərbaycan oxucusuna xidmət etmək üçün yaranıb və biz türkcə yazanlara qarşıyıq. bu əladır. onda gəlin belə deyək. məsələn azərbaycan oxucusu google-a girib zinəddin zidan yazanda sözaltı başlığı ora düşsün gərək. da zineddine zidane yazmasın. çünki ingiliscə yazanda onsuzda sözlükdən öncə 1234507 sayt açılacaq zidan haqqında. demək istədiyim odur ki gərək azəricə də nəsə eləyək. məsələn: jean paul sartre - bu adla googledə axtaran istifadəçi bizdən öncə türk ,fransiz,ingilis saytları tapacaq. amma jan pol sartr yazsa,bizim sayt vasitəsiylə nəsə öyrənə bilər.

p.s özünüz bilirsizdə azərbaycanlilar ingiliscə axtarmirlar heç kəs jean cladue van damme axtarmayacaq. jan klod van damm axtaracaq. məndən təklif və ya şikayət xarakterli bir şey bu

10 əjdaha! 18.07.2013 05:10, əli cibində lüt kişi

#54358 şikayət

fyodor mixayloviç dostoyevski

+12 əjdaha

bir şeyi dəqiq bilirəm.dostoyevskini oxumuşam deyənlərin 90%-i ''cinayət və cəza''nı oxumayıb.''alçaldılmış və təhqir edilmişlər''i heç səhifələməyib.dünya ədəbiyyatının ən böyük yazıçılarından biri.bəzən də birincisi sayılır.ilk əsərini oxuyan tənqidci (adını unutdum-bağışlayın) gecənin bir aləmində dostoyevskigilə gəlib,ağlaya-ağlaya deyibki,'' əjdahasan''

11 əjdaha! 02.12.2012 22:27, əli cibində lüt kişi

#20467 şikayət

paul auster

+13 əjdaha

bir post yazmışam ona aid. birini də yazacam. amma qısa.
məncə bütün romanlarında dəhşətli bir tənhalıq var. sanki kimsə bir kənara çəkilib bir roman yazıb və bizə demək istəyir ki, baxın, mən burdayam, təkəm, çətindi və həmişə tək olacam.

romanlarındakı obrazlar da qəribədir: köhnə fotoşəkillər yığan, bomba düzəldib abşdakı azadlıq heykələrini partladan, gördüyü cinayəti polisə gec xəbər verdiyi üçün ömür boyu əzab çəkən, öz adından yazmağı tərgidib başqa birinin adından detektiv əsərlər yazan və s və ilaxır.

post-modernist romanda insan varoluşunu detektiv abu-havayla , axtarış motivləriylə, cinayət əlaqələndirən və detektiv axtarışla bərabər roman sənətini, insan təbitəinin tənhalığını bizə göstərən yazıçı. ola bilsin ki, romanlarının sonlarını tam bəyənmirəm, amma bu paul austeri kiçiltmir. bəlkə də o özü romanlarında yarımçıqlıq istəyir. bəlkə elə tam olmaq, ideal olmaq insan təbitəinə zidd olduğu üçün bunu eləmir ?

12 əjdaha! 25.05.2015 13:12, əli cibində lüt kişi

#166341 şikayət

Notice: Trying to access array offset on value of type null in /var/www/soz6/sonhefte.php on line 63

Notice: Trying to access array offset on value of type null in /var/www/soz6/sonhefte.php on line 74

Notice: Trying to access array offset on value of type null in /var/www/soz6/sonhefte.php on line 75

Notice: Trying to access array offset on value of type null in /var/www/soz6/sonhefte.php on line 76

Notice: Trying to access array offset on value of type null in /var/www/soz6/sonhefte.php on line 77

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Trying to access array offset on value of type null in /var/www/soz6/sonhefte.php on line 93

Notice: Trying to access array offset on value of type null in /var/www/soz6/sonhefte.php on line 97

Notice: Trying to access array offset on value of type null in /var/www/soz6/sonhefte.php on line 99

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

Notice: Trying to access array offset on value of type null in /var/www/soz6/sonhefte.php on line 105

Notice: Trying to access array offset on value of type null in /var/www/soz6/sonhefte.php on line 113

+10 əjdaha

10 əjdaha! , sistem robotu

# şikayət

charles aznavour

+10 əjdaha

erməni əsilli fransız müğənni.indiki gicbəsər müğənniləri görəndə ona müğənni deməyə dilim gəlmir.sənətkardır.möhtəşəm,əjdaha adamdır.çox təssüfki,gic-gic adamlara aid başlıq açıb entrylər girilir,amma belə sənətkarlar yaddan çıxır.
bu mahnılarını dinləyin :
1) to et moi
2) la boheme
3) mourir d'aimer

hamısını dinləyin.

9 əjdaha! 14.06.2013 01:53, əli cibində lüt kişi

#49503 şikayət

stanley kubrick

+9 əjdaha

stanley kubrick. amerikanın yetişdiridiyi ən dahi rejissorlardan biri.bəzən mən belə şübhə edirəm:''görəsən kubrick amerikada doğulub?'' bir çox film janrlarında film çəkib və hər janrda çəkdiyi filmlər öz janrına görə şedevrdir.kubrick deyəndə ağla gələn ilk filmi isə ''a clockwork orange'' filmidir.amma tək bu filmə baxanlar ''kubrickə baxdım'' deyə bilməz

1) full metal jacket -vyetnam müharibəsi haqqında -ümumiyyətlə müharibə haqqında çəkilmiş ən güclü filmlərdən biri.yeri gəlmişkən kubrick bu filmdə əsgərliyin,əsgərlik qayda-qanunlarının,üstəgəl əsgərlikdəki insanın psixoloji vəziyyətinin necə olduğunu çox gözəl göstərir.

2)spartacus (spartak) - öz janrına görə çox gözəl bir film.ağ-qara olsa da baxılmalı filmlərdəndir.

3)lolita-deyilənə görə bu filmin anasını montaj ağladıb.nabokovun bu möhtəşəm əsərini ilk dəfə (böyük risk altına girərək) kubrick çəkib.sonradan 90-cı illərdə adrian layn adlı biri çıxıb lolita çəkdi və hamı (əsas da ortabab film zövqü olanlar) 90-larda çəkilən lolitaya baxır.bəlkə də bunun ən böyük səbəbi kubrickin filminin daha ağır olması və ağ-qara olmasıdır

4)doktor sterynjlav - baxarkən çox çətinlik çəkdiyim kubrick filmi.

5)2001:a space odyssey - sadəcə baxın,çünki 1968-ci ildə hər adamın götü üçün deyil belə filmi çəksin.bəzən qyed edirlərki,məhz bu filmə qarşılıq andrey tarkovski ''solyaris''i çəkib.

6)barry lindon - bəyənmədiyim kubrick filmlərindən biri,çünki ilk səhnələrdən gözlədiyim kimi olmadı.

7)the shining - bu tək-tük kubrick filmlərindəndirki,mükafat qazanmayıb.hansı gicbəsər bu filmi qiymətləndirməyib,anlamadım.cek nikolsonun möhtəşəm ifası və dediyi sözlər : ''aç qapını gözəlim,beynivi dağıdacam'' film qorxu janrındadır,amma kubrick burda gözəl taktikadan istifadə edib.rənglər çox parlaqdır və rənglərin parlaqlığı tamaşaçının qorxusunu azaldır,adı elə ona görə shiningdir. (parıltı)

8) a clockwork orange - sadəcə baxın.çox gicbəsər filmdir.gicbəsər sözü yaxşı mənadadır

9) geniş qapalı gözlərlə - nəhayət...ən çox sevdiyim kubrick filmi. işıqla möhtəşəm işləyib.yəqinki məhz bu filmi onun ölmünə səbəb olub.bu filmə görə kinokritikləri iki yerə ayrılıb.biri arazın o tayına keçib,biri arazın bu tayına.yarısı deyibki,''pis filmdir''.yarısı deyibki,''yaxçı filmdir'' .qısaca deyirəm: ''21-ci əsrdə tamaşaçıların gördüyü ilk şedevr filmdir'' bu filmi kubrick görməyib.

bu insan.kubrick.ölmədən öncə napoleon bonapartın həyatına aid film çəkmək istəyirdi,amma alınmadı.yüz faiz bu film çəkilsəydi heç kəs daha napoleon haqqında film çəkməzdi.deyilənə görə kubrickin ölümündən sonra 18 min (təkrar edirəm 18 min) tom kitab qalıbmış.bu 18 min kitab kubrickin idi və bu kitabların hamısı napoleona aid idi.qısaca adam bir film çəkmək üçün 18 min tomluq kitabı ələk-vələk edibmiş.

allah sənə rəhmət eləsin,stenli dayı.yerin behiştlik olsun.ümid edirəmki,o biri dünyada sütül bakirələrlə kef edirsən.hərdən tarkovski,fellini,eyzenşeteyn,bergman,kurasava ilə görüşüb pivələyirsiz.

7 əjdaha! 15.11.2012 10:01, əli cibində lüt kişi

#17362 şikayət

rüstəm ibrahimbəyov

+9 əjdaha

bir çox filmlərin ssenari müəllifi,bəzi filmlərdə rejissorluq da edib.
səhranin bəyaz günəş - filminin ssenari müəllifidir. bu film ssridə ən məşhurlardan olub
çox sevdiyim sibir bərbəri filminin ssenari müəlliflərindən biri. rejissoru nikita mixalkovdur.

urqa filmi var.o filmin rejissoru mixalkovdur.ssenari müəlliflərindən biri ibrahimbeyov.o film venetsiyada qızıl şir mükafatını qazanıb
günəşdən usanmışlar filminin ssenari müəlliflərindən biri.film oskarı qazanıb. rejissoru mixalkov idi. bu film həm də kann film festivalında mükafat qazanıb.

ölsəm bağışla filminin ssenari müəllifidir rüstəm ibrahimbəyov.
istintaq,bir cənub şəhərində,həm ziyarət,həm ticarət və s filmlərin ssenari müəllifi.

rusiyada mədəniyyət sahəsində qazanmadığı ad qalmayıb.

sənətdə qazandığı uğurlardan yazdım. və heyif ki bundan öncəki entrylərdə prezidentliyindən zaddan yazıblar. bu insan sırf kino və ədəbiyyat adına böyük işlər görüb.

p.s mixalkovla bir çox filmdı bərabər işləyiblər,amma son vaxtlar araları dəyib.

8 əjdaha! 21.07.2013 01:50, əli cibində lüt kişi

#55134 şikayət

mario vargas llosa

+9 əjdaha

perulu yazıçı. nobel mükafatını qazanıb. digər məşhur latın amerikalılar kimi magik-realizmdən bir az uzaq olub. ilk romanı "şəhər və köpəklər" avtobioqrafik sayılır. maraqlı əsərdir. amma mən oxuyanda çox da təsir eləmədi. di gəl ki, bu əsəri səhv etmirəmsə, 25 yaşında yazmağa başlayıb. ciddi ugur qazanıb bu əsəri. 25 yaşda belə ugur asan məsələ deyil.
"voyna konca sveta" (rusca oxum2usam) romanı da əladı.
ən maraqlı romanlarından biri də "juliya xala" romanıdır. mərkəzi olmayan roman sayılır. və orhan pamukun "qara kitab" romanının əsas ilham mənbəyi sanki bu roman olub. "juliya xala" romanında "qara kitab" romanındakı kimi qəhrəman öz həyatını danışır. (axtarış mövzusu kimi bir şey) və qara kitabda bir bölümdən bir köşə yazısı gedir. "juliya xala" romanında isə bir bölümdən bir radio hekayə gedir. yaxşı romandı. maraqlı sujet xetti var.
llosa özü isə bir az fərqli tipdir. siyasi fikirləri tez-tez dəyişşib. amma bu onun boyuk usta olduğunu zad eləmir. markesi vurması ilə də məşhurdur.
mən hər halda o şeylərdən yazmayım. əsas bir iki romanı haqqında məlumat verim bəsdi. ugurlar

8 əjdaha! 30.04.2015 22:47, əli cibində lüt kişi

#160391 şikayət

milan kundera

+10 əjdaha

kundera haqqında təkrar yazmaq istəyirəm. boşboğazlıq kimi çıxmasın,amma bir şeylər qeyd etmək lazımdı. azərbaycan dilinə kunderanın "ölümsüzlük" romanı tərcümə olunub. kunderanın özünün də dediyi kimi ən güclü romanıdır "ölümsüzlük". bu əsərdəki mövzudan-mövzuya keçidlər mükəmməldir. bir yazıçının pik həddidi. inanılmaz ustalıqdı.yəqin ki belə romanlar yazmaq üçün yaşlanmalısan. ahıllaşmalı və ya olğunlaşmalısan. başqa cürə mümkün deyil. "ölümsüzlük" böyük bir təcrübənin nəticəsidi. böyük bir intelektualın insanlığa verdiyi tövhədi. yaşayan sonuncu magikandı kundera. ölümsüzlükdə ən sevdiyim hissələrdən biri də bethoven ilə hötenin qarşılaşdırılmasıdı. məşhur rəsm əsəri var: tpelitzdə insident".əsər karl rolingdir. o əsərdə höte və bethoven təsvir olunub. höte özündən rutbəcə boyuk kəslərin qarşısında baş əyir, amma bethoven eləmir. (hadisəni tam dəqiqi təsvir edə bilməyəcəm-araşdıra bilərsiz) butun tarix boyu incəsənət araşdırmaçıları,tarixçiləri bu rəsm əsərinə baxıb höteni yaltaq adlandırırdılar, amma kundera ilk dəfə buna qarşı tutarlı cavabı öz "ölümsüzlüyün"də yazıdı
kundera musiqini ədəbiyyat qədər bilib sevsə də, bu qarşılaşmada hötenin tərəfini tutur. o avropa ədəbiyyatının təməl daşını laxlatmaq istəmir. höteni özündənrazı bethovenin ayağına vermək istəmir. özündən rütbəcə böyüyə , krala, kraliçaya, markizə və s və ilaxıra baş əyən höteni ,özündənrazı bethovenə dəyişmir.

müsahibələrinin birində kundera "ölümsüzlüyü" ən yaxşı əsəri adlandırıb. sözsüz ki, belədi. amma bu trilogiyanın digər iki kitabı də ölümsüzlükdən gedi qalmır."varolmanın dözülməz yüngüllüyü" , "gülməyin və unutmağın kitabı"

p.s kunderanın romanlarından əlavə müsahibələri də gözəldi. böyük intelektualdı.

p.s.s bu entryni bir az dolğun yazmamışam. sözün düzü mən yazmaqdan çox danışmağın tərəfdarıyam. bura sadəcə ilk ağlıma gələnləri yazmışam. bu qədər. ugurlar.

8 əjdaha! 16.05.2015 11:49, əli cibində lüt kişi

#164020 şikayət

anti-semitizm

+9 əjdaha

anti-semitizm nə vaxtdan var ?

bəlkə də bunu çoxumuz hitlerlə əlaqələndiririk. amma anti-semitizm isanı satan iuda ilə başlayır. çünki orta əsrlərdə katolik kiləsinin yəhudilərə qarşı qətliamları bunu deməyə əsas verir. allahın oğlunu satan iuda yəhudi idi. sözün düzü isaya da yəhudi deyirlər. anası məryəm yəhudi olub, amma atası tanrı idi deyə isanı tanrının oğlu və hər hansı bir qövmə aid etmirlər. 20 gümüş pula isanı satan iuda yəhudi idi, isaya qarşı çıxanların çoxu yəhudi idi. məhəmmədə qarşı çıxanlar yəhudilər idi. yəni ən əsas səbəb dindir. hər şeyin daxilində bu yatır.

və əlbəttəki orta əsrlərdə kilsənin qılıncının dalı da qabağı da kəsən zamanlar. ən əsas səbəbi burda axtarmaq lazımdı. kilsədə. məhz buna görə orta əsr avropa və ya elə müsəlman diktəsi altında olan yaxın və orta şərq şəhərlərində yəhudilər ayrıca məhəllələrdə elə bir növ gettolarda qalırdılar. kapitalizmin ilk dövrlərində və ya elə 19-20-ci əsrlərdə yəhudilərin avropadakı məhəllələri , həyatları haqqında ən yaxşı əsər sayılan "dünənin dünyası" əsəri. stefan zvayq yazıb. əsəri oxuyanda yəhudilərin necə dünya insanı ilə bərabər amma dünya insanından "uzaq" (avropa insanları xristianlar, müsəlmanlar) yaşadıqlarını hiss eləmək olar. kafkanın əsərlərində belə yəhudilərin avropadakı tərki-dünyalığı hiss olunur. bəli hitler böyük faicə törədib, amma bunun kökü hardadır ? hitlerdəmi ? təbii ki yox.
çox qarışıq mövzudur. araşdırma tələb edir, amma eyni zamanda da mövzuya baxış bucağı subyektiv olacaq. cünki yəhudilərin günahı varmı butun bunlarda ? bu sual da əsasdı.
bəli, bəlkə də yəhudilər üçün yeni bir cənnət sonralar amerika qitəsi kəşf olunanda yaranmışdı, amma yenə də əbədi qaçış və əbədi qovulma onları həmişə izləyib. sonralar elə o cənnət amerikanın gücü və dəstəyi ilə yaradılan israil dövləti də bir başqa mövzudur. tarix boyu faciə görmüş bir xalq başqa bir xalqın faciəsi üzərində xoşbəxtlik qurur və ya qurdu, quracaq. bu da absurddur. fələstindən söhbət gedir təbii ki. və bodriyarın məşhur holocaust məqaləsində dediyi kimi " heç bir qətliam ,başqa bir qətliamın olmasına haqq qazandırmır". indi isə hitleri yenidən pisləmək olar. çünki kameraların, qəzetlərin aktual oldugu 20-ci əsrdə elə bir soyqırım törətmək , orta əsrlərdəki digər faciələrin üstünü örtüb yeni bir anti-semitizm problemi ortaya çıxartdı. bu bədbəxt də (əclaf) özündən qabaqkıları kölgədə qoydu. amma yenə də sual yaranır. bəlkə elə hitler özü orta əsrlərin kölgəsində qalıb. biz orta əsrlər faciələrini görmüşükmü ?

özümdə bunları yazmaq istəyi hiss elədim. bilirəm çox qarışıq yazmışam. bəlkə də çoxlu səhvlər var. amma butun bu faciələrin əsasında din dayanır. məhz yaxın və orta şərqin başıbəlalı taləyi də bundan asılıdır. 3 əsas dinin başlanğıc nöqtəsi və bəlkə də 3 əsas dinin son nöqtəsi də ora olacaq.

sözsüz ki, əgər olubsa, dünya tarxinin ən ekstravaqant insanının və ya ən ekstravaqant (tanrı övladının) övladının ölümü bütün bunlara rəvac verib. və sonralar hitlerə ilham verən bir nəfər bir anda avropaya "tanrı öldü, onu siz öldürdüz" deyib ki, bu da bir başqa sirr pərdəsidir.
ilahi, hər şey neəc əlaqəlidir və mən işdə ola-ola nə üçün bu haqqda fikirləşib yazıram. yarım saat sonra günəşin altında 20-ci əsrin çarxını fırlatmağa başlayan,20-ci əsr insanını oyuncağa çevirən və 21-ci əsr insanını da sosial şəbəkə deyilən bir şeylə yenidən həmin çarxda fırlatmağa məcbur edən bir mənasızlıqla məşğul olacaq. reklam !!! insanlar daha çox alsınlar və daha çox kölə olsunlar deyə, insanlar daha çox tanısınlar və tanınsınlar deyə və 20 gümüşə isanı satan iuda kimi insanlara nəsə satmaq üçün reklam çəkəcəm. satmaq!!! elə bütün problem bunda idimi ? 20 gümüşə isanı satanla insana heç bir xeyri olmayan və zamanın itdiyini insana çatdırmaq istəyən bir şeyi reklam edəcəm. bəlkə elə mən özüm də iudayama ? bəlkə elə biz hamımız iudayıq. yaşamaq üçün satırıq. əməyimizi, vaxtımızı, özümüzü, ağlımızı, biliymizi.
hardan hara gəldim və indi də burdan çıxıb hara gecəcəyimi dəqiq bilmirəm.

8 əjdaha! 25.05.2015 12:48, əli cibində lüt kişi

#166335 şikayət

Tanımadığın biri ilə dərdləşmək

+10 əjdaha

ən çox istədiyim şeylərdən biridir. oturub danışım rahatlaşım,amma hələki elə adam qabağıma çıxmayıb. dost-tanışlarla dərdləşdiyim olur,amma tam içimi aça bilmirəm və ümumiyyətlə nə vaxtsa ciddi oturub dərdləşdiyim yadıma gəlmir. sözün düzü dərdləşməkdən də utanıram. indiyədək çox ciddi çətinliklər çəkmişliyim olub,amma yenə də hər şeyi içimdə çəkmişəm,bayıra vurmamaq söhbətidir,nədir,nə poxdursa,onu eləmirəm. bəlkə də bu mənfi xüsusiyyətdir,bəlkə də müsbət,bilmirəm. qısacası,bəylər və xanımlar,hərdən bir insan oturub kimləsə,əsas da tanımadığı biriylə dərdləşməlidir. uğurlar.

7 əjdaha! 12.05.2014 12:47, əli cibində lüt kişi

#118942 şikayət

aydın xan əbilov

+8 əjdaha

bu adamı televiziyada şou,anti şou,ədəbi,düşündürücüfason programlarda görmüşəm...facebookda eşitdiyimə görə erotik(çi)sattuslar yazırmış.bu adamı sonralar,napoleon vaterlooda uduzandan çox-çox sonralar,əlində üç rəngli bayraq tutanda gördüm.yadıma gəlir o gün azərbaycan dünyanın ən böyük mükafatını nobeli,oscarı,qızıl palma budağını deyil evrovijını qazanmışdı.bu adam da itv-nin önündə nəyi var sevinirdi.mənim müşahidələrim çox dəqiq olmasa da babatdır,sırf şəxsi fikrimdir:bu adam boş adamdır.bu boyda zad yazdım,elə bu adam kimi yazdıqlarım da boşdur.

7 əjdaha! 21.11.2012 17:15, əli cibində lüt kişi

#18728 şikayət

günel mövlud

+8 əjdaha

düz söhbət eləmək lazımdır.

Əvvəla ədəbiyyat üçün elədiklərindən deyəcəm. Markesin "Yüzillik tənhalıq" əsərini tərcümə eləmək həqiqətən də göt tələb edir. ruscasını oxuya bilən oxusun,görər necədir. Amma bu qız o əsəri azərbaycancaya tərcümə elədi. həqiqətən də halaldı. haqqını yeməyək. yüzillik tənhalıq ağır əsərdir,tərcümə olunarkən diqqət tələb edir. Bu qız isə bu işi görüb. Əsəri azərbaycanca oxudum və heç də pis alınmayıb. düzdür ruscası daha gözəldir. Bu qızın daha bir neçə tərcüməsi var ki,onlar da böyük zəhmət tələb edir. Məsələn Murakaminin "Norveç meşəsi" əsəri.
Amma....
əmması da var. sırf yazıçı kimi mən hələ indiyə kimi Günel Movludun nəsə hekayəsini və ya boyuk həcmli əsərini oxumamışam deyə ona yazıçı deməyə dilim gəlmir. Bəlkə də var,mən oxumamışam. Və əgər varsa, mən də o yazdığı kitab və ya hekayə haqqında eşitməmişəmsə,deməli o qədər də güclü bir şey deyilmiş.

Şairəliyinə gəldikdə. qafiyəli,heca vəznində yazdığı şeirlər var ki,pis deyil. Amma bu şeirlərdə bilmək olmur ki,bu qız səmimidir ya yox. Bəzən şeiri oxuyub görürsən ki ,nəsə səmimiyyət çatmıree,qadan alım. bu şeirdə nəsə şair artistliyi var. sƏRBƏST vəzndə yazdığı şeirləri də oxumuşam və məndə "belədə" fikri oyadıb.

Köşə yazılarına gəldikdə isə onları da oxumuşam və onun yazdığı köşə yazısında pafos,öyüd nəsihət,alçaltmaq,özünü yüksəkdə tutmaq və ağıllı görsənmək kimi zadlar görmüşəm. bir də populizm var ki ,bu da başa düşüləndir.
Şəxsinə qarşı heç bir fikrim yoxdur,çünki tanımıram.Amma yazılarını oxuyub ancaq bir fikrə gələ bildim : "Bu qızın uşaqlığı və ya gəncliyi yaxşı keçməyib,ola bilsin mənəvi travmalar alıb deyə indi də yazılarında aşağılamağı üstün tutur.Plus maksimum göz önündə olmaq istəyir"

Sonluq: Hələki mən onu yazıçı olaraq qəbul edə bilmirəm. Jurnalist,köşə yazarı,şairə demək olar,amma yazıçı deyə bilmirəm.

P.S http://www.azadliq.org/content/article/24950978.html bu yazısını bəyənmişdim,nə yalan deyim ....

P.S.S fikir verdinizsə,entrydə "bu qız" ifadəsini işlətmişəm,çünki mənim üçün "qadın" sözü çox əzəmətli görsənir ))

8 əjdaha! 16.07.2013 05:05, əli cibində lüt kişi

#53764 şikayət

qasımdan xilas olmağın yeganə yolu

+8 əjdaha

məncə qasımı söhbətə çağırmaq lazımdır. gəldisə,bizimdir.gəlmədisə,deməli heç vaxt bizim olmayıb.

p.s söhbət sadəcə dini söhbət mənasındadır.davaya çağırmırıq

7 əjdaha! 19.10.2013 00:10, əli cibində lüt kişi

#72771 şikayət

mükəmməl sözlər

+9 əjdaha

hara gedəcəyini bilməyən insan ora çatmayanda çox təəccüblənəcək. - mark tven

7 əjdaha! 29.06.2013 06:43, əli cibində lüt kişi

#51315 şikayət

izmir qızları

+8 əjdaha

izmir qızları haqqında heç bir fikrim yoxdur.sözün düzü bəlkə də görmüşəm,amma bilmirəm ki,gördüklərim izmirdəndir.deyilənə görə çox gözəl olurlar.nəysə ,amma söhbət bunda deyil.türkiyədə müşahidə elədiyim bir şey var. türk erkəkləri qızla tanış olmaq üçün bu variantdan istifadə edirlər. bir dəfə hətta bu hadisə mənim yanımda mənlə olan bir qızın başına gəlib,mən araya girib demişəm ki,ə bəs,ağıllı olun.variant belədir: gözəl qız görürsən və söhbət əsnasında deyirsən ki"izmirdəniz siz,xanım (zad) ???" o qız desə ki,hə izmirdənəm,deməlisiz ki,hə bilirdim zatən.desə ki,hardan bilirsiz,cavab verirsən ki,çox gözəlsiz,izmirin qızları gözəl olur. məsələn yeenə desəz ki,"izmirdənsiz ,xanım?" qız desə ki,yox ,izmirdən deyiləm. siz deyirsiz ki,bəs çox gözəlsiz,belə gözəl qızlar da ancaq izmirdə olur.qısaca belə bir variant. qızın egosunu izmir qızlarının hesabına dağ başına çıardıb,onunla tanış olursan və ya olmaq yolunda addım atırsan. azərbaycanda bu variant rəssamlıq akademiyası və slavyan universitetləri olaraq dəyişdirilir

7 əjdaha! 10.10.2013 10:15, əli cibində lüt kişi

#71035 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

əli cibində lüt kişi

son bəyənilənlər:

oxuyucuların bəyəndikləri: