qardakı ayaq izləri

949 0 0 0

2. nəsil partizan

Entry: 949

blok başlıqlarını gizlət

5 saniyə qanunu

yazarların spotify xülasəl�

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

plan doldurmaq üçün ailə qurmaq

+33 əjdaha

başqa ölkələri görməmişəm, yalan deyə bilmərəm, amma bizdə ailələrin 99 faizinin arxasında duran həlledici amildir. sanki bağda alma, armud yetişdirirlər. gec olmamış evlənmək lazımdır ki, vaxtında uşağın olsun. əksəriyyətinin beynində bu düşüncə var. ona görə yaş normasını azca keçən kimi başlayırlar bu məsləhəti verməyə. harda yazılıb ki, hamı mütləq evlənib uşaq böyütməlidir?
bir dəfə biri atamla söhbət edir öz oğlu barəsində. biri ilə evlənib, uşaqları olmayıb deyə ayrılıb. sonra başqa biri ilə evlənib. onda da uşaq olmayıb, yenə ayrılıb. sonrasına əsəbimdən qulaq asa bilmədim, aralandım ordan. deyəsən, bir də evləndirib başqası ilə. özü də elə fəxrlə danışır ki, belə toy elədim, belə pul xərclədim filan. bu oğlanın heçmi şəxsi düşüncəsi, istəyi yoxdur görəsən ki, inkubator kimi ancaq uşaq doğmağa hesablanmış qərarlar üzrə hərəkət edir.
eynilə bütün cəmiyyət. sonradan tanıyıb sevərsiniz deyib tamam yad təbiətli insanları zorla evləndirirlər. nədi nədi, ata ana gəlin buyuracaq, nəvə görəcək, həyatı boyu yaşaya bilmədikləri xoşbəxtliyi bəlkə indi yaşayalar deyə. bəs zorla evlənən o iki nəfər necə? onlar da əsrlər boyu davam edən bu planlı ailə təsərrüfatının bir üzvü olurlar və gözləyirlər ki, nə vaxtsa bunların da uşağı böyüyəcək və bunlara xoşbəxtlik bəxş edəcəklər.
evlənən o iki nəfər var ha, onlar da təzə təzə xoşbəxtmiş kimi görünürlər. sadəcə ani həvəsə qapılırlar. sonradan gerçəklərlə üz üzə gələndə artıq gec olur. ona görə məcbur olub öz uşağından qisas alacağı günü gözləyir. bəli. bu həyat planlı qisaslar üzərində qurulub.

yerdə qalan 1 faiz isə ola bilər öz istəyilə ailə qurur. onlara bir sözüm yoxdur.

28 əjdaha! 17.04.2018 00:50, qardakı ayaq izləri

#271574 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yazarların linçə səbəb olacaq fikirləri

+40 əjdaha

hamıya uşaq dünyaya gətirməyə icazə verilməməsini istərdim. Müəyyən kriteriyalara cavab verən ailələrə icazə verilsin. məsələn, psixi durumu, dünyagörüşü səviyyəsi filan yoxlanılsın və uşaq böyüdə biləcəyi dəqiqləşdiriləndən sonra sertifikat kimi bir şey verilsin. yoxsa hər yoldan ötən uşaq doğub böyüdür, o da ya psixopat olur, ya da geri zekalı. bu qədər, linç edə bilərsiniz indi

36 əjdaha! 17.04.2022 21:09, qardakı ayaq izləri

#348744 şikayət

avtobusda başqasının yolpulunu vermək

+20 əjdaha

artıq elə bir vəziyyət yaranıb ki, bundan istifadə edərək ödəniş etmədən düşənlər olur. sürücü də məcbur olub belə bir xəbərdarlıq yapışdırır avtobusa: "xahiş olunur hər bir vətəndaş gediş haqqını öz yerinə ödəsin. başqasının əvəzinə ödəniş götürülmür". yaşadığım rayonda bu yazı yazılmış marşrut avtobusları var. di gəl ki, bundan sonra daha çirkin bir mənzərəyə şahid olmuşam. deməli, kimsə kiminsə yerinə ödəniş etmək fikrinə düşür, amma bilir ki, sürücü bunu götürməyəcək. başqasının yerinə verməli olduğu pulu zorla həmin adama verir ki, düşəndə verərsən. ətim tökülür bunu gördükcə. adam oradaca demək istəyir ki, bax nə məcbur olub kiminsə yol pulunu verirsən? yaxşılıq etməyin daha fərqli və xoşagələn formaları var. bu cür yaxşılıq olmur. bu sadəcə görməmişlikdir.

18 əjdaha! 08.10.2016 23:37, qardakı ayaq izləri

#233653 şikayət

atanın istədiyini tapana qədər keçən hər saniyə

+18 əjdaha

daha çox uşaq vaxtı yaşadığımız, qorxu və stressin həndəsi silsilə ilə artdığı anlardır. tapa bilmədikcə stress artır, stress artdıqca əlin ayağın bir birinə qarışır, nə axtardığını belə unudursan. və birdən o səs gəlir: 'n'ooldu, tapa bilmədinmi poxu? götürdüyünüzü yerinə qoysanız'. artıq bütün bədən boşalıb, amma son bir ümidlə axtarmağa davam edirsən. eyni zamanda dilindən qırıq qırıq, zorla eşidilə biləcək bir səslə bunu deyirsən: bur...da ...lm...lıyd.... ata gəlir və səhərdən bəri eşələndiyin yerdən özünə lazım olanı götürüb deyir: ' bədbaxtın balası elə bil kordu. sizin axırınız nə olacaq, bilmirəm'. wtf üz ifadəsi ilə baxa baxa qalırsan.

16 əjdaha! 24.09.2018 22:24, qardakı ayaq izləri

#278208 şikayət

sözaltı music

+17 əjdaha

home alone filminin məşhur musiqisi. arada ilişmələr olur, çox da şey eləməyin -*

14 əjdaha! 16.01.2021 17:53, qardakı ayaq izləri

#317446 şikayət

sözaltı etiraf

+15 əjdaha

ekşi sözlük-də bir entri çıxmışdı qarşıma. deyirdi ki, mən təkamülün güclü fərdi ola bilmədim. bunun üçün də könüllü olaraq bu zəncirin bir həlqəsi olmaqdan imtina edirəm. indi mən də həmin düşüncədəyəm. nə məcbur olub ki, nəslimi davam etdirim. onsuz da insan növü həddən artıq çoxalıb. məndə bu artım dayansa nə olacaq? ona görə də könüllü olaraq bu vəzifədən boyun qaçırıram. ən azından insan virusunun bu planetdə daha çox yayılmaması üçün üzərimə düşəni etmiş olaram.

ekşi sözlük yazarı bunu yazdıqdan sonra intihar edib. amma qorxmayın, mən bunu etmək niyyətində deyiləm. sadəcə həyatın dadını çıxarmağa çalışacam. heç bir ailə qurmaq və onu qorumaq məsuliyyəti olmadan.

15 əjdaha! 30.10.2016 22:33, qardakı ayaq izləri

#235686 şikayət

israrla səhv yazılan sözlər

+36 əjdaha

rəqəm və ədəd arasındakı fərqi bilmədən hər yerdə rəqəm yazanlar var. xanımlar, cənablar, qardaşlar, bacılar, rəqəm simvoldur və ədədləri ifadə etmək üçün istifadə olunur. cəmi 10 rəqəm var: 0, 1, 2, 3, 4, 5, 6, 7, 8, 9. bunlar eyni zamanda həm də ədəddir. amma 10 və 10-dan yuxarı, bir də 0-dan aşağı olan bütün hamısı yalnız və yalnız ədəddir, rəqəm deyil.

(bax: rəqəm)
(baxma: ədəd)

35 əjdaha! 09.01.2015 13:14, qardakı ayaq izləri

#143510 şikayət

bass gitara

+12 əjdaha

haqqında "varlığı deyil, yoxluğu hiss olunur" kimi ifadə ortaya çıxmış musiqi aləti

12 əjdaha! 29.10.2014 15:08, qardakı ayaq izləri

#132132 şikayət

50 gb limitsiz internet

+11 əjdaha

mobil operatorlarımızın limitsiz internet anlayışı. təxəyyülümüz o qədər məhduddur ki, 50 gb internet bizim üçün limitsiz kimi görünür.

11 əjdaha! 14.01.2016 23:41, qardakı ayaq izləri

#194419 şikayət

yolun sonuna az qala yeni mövzu açan tip

+11 əjdaha

başlığı ancaq bu şəkildə qısalda bildim. tanıdığım bir iki nəfər var belə. deməli, yol gedirsən bununla və yol ayrımına yaxınlaşırsan. uzağı bir, ya iki dəqiqəlik yol var. birdən bu başlayır hansısa bir mövzuda söhbətə. özü də mövzu nə mövzu, hardan baxsan, ən azı yarım saat gedər bu söhbət. budur, gəlib çatdıq yolun sonuna. sən sağollaşıb öz evinə tərəf getmək istəyirsən, amma bu qızışıb ee, dayanmaq fikri yoxdur. kəskin şəkildə kəsmək də olmur ki, birdən xətrinə zada dəyər. məcbur, sözünün qurtarmasını gözləyib qısa bir fikir bildirərək sağollaşırsan. dəfələrlə başıma gəldiyindən bu cür insanlarla yol gedərkən söhbət hesabatı aparıram əvvəlcədən ki, ayrılma yerinə az qalmış yeni bir söhbətə başlaya bilməsin.

10 əjdaha! 19.01.2018 00:35, qardakı ayaq izləri

#266702 şikayət

ikinci qarabağ müharibəsi

+11 əjdaha

hamı üstünə götürməsin, amma bu millətdən bir "cacık" olmayacağını göstərdi. normal vaxtlarda başlarına min oyun açan hökumət son 13 gündə çevrilib oldu ali baş komandan, qəhrəman, sərkərdə, nə bilim nə. Bəs indi nə oldu? Nə gözləyirdiniz? Torpaqları alıb sizə orda cənnət verəcəklərinimi? Alsalar da, yenə özləri kef edəcəklər orada. Qara millət də öz sürünməyində. Deyirlər ki, əvvəl Qarabağ problemi həll olsun, sonra daxili problemləri həll edərik. Problem həll edən millət bu 30 ildə həll edərdi də. Heç vecimə də deyil. Nə halları varsa görsünlər

9 əjdaha! 10.10.2020 15:53, qardakı ayaq izləri

#305998 şikayət

qnet

+18 əjdaha

köhnə adı questnet olan şəbəkə.

bir gün bir zəng gəlir. bu şəxs ya çox yaxın bir dost, tanış və ya qohumdur, ya da uzun müddətdir əlaqəniz olmayan bir sinif yoldaşı, qrup yoldaşı, və ya bir qohumdur. əgər yaxın biridirsə, deyəcək ki, filan yerə gəl bir çay içək. yox əgər illər əvvəlin tanışıdırsa, əvvəl hal-əhval tutacaq, sonra deyəcək ki, gəl filan yerə bir söhbət edək, xatirələri yada salaq. razılaşıb gedirsiniz deyilən məkana. ordan burdan söhbət başlayacaq. axırda deyəcək ki, mən də bu binada işləyirəm. çox gəlirli və maraqlı bir işdir. istəsən, səni də tanış edərəm. bununla çıxırsınız yuxarı. bir nəfər sizi qapıda qarşılayır və bir otağa aparır. otaqda da bir neçə dəqiqədə kiçi bir söhbət və bir nəfər əlində kataloq girir içəri. başlayır söhbətə. əvvəl adını, harada işlədiyini soruşur. bu iş haqqında məlumatı olub olmadığını da təbii ki. sonra keçir əsas söhbətə. məhsulun istehsalçıdan istehlakçıya qədər keçdiyi yolu, üzərinə gələn dəyəri və s. izah edib öz biznesini soxur ki, bəs burada arada artan dəyər öz aramızda bölünür. yetər ki, sən öz iki nəfər yaxınına bu biznesiə dəvət edib bura qoş. bunlardan biri sağ, digəri sol qol olur. onlar da eyni qaydada iki nəfər yaxınını qoşmalıdır. qoşulma deyəndə təklif edilən məhsullardan birini bəyənib sifariş etmək və qeydiyyatdan keçərək şəxsi koda sahib olmaqdır. məhsullar da zinət əşyaları, qol saatları, bioenerji diskləri, xarici ölkələrə səyahət paketləri. qiymətləri 500 manatdan 2500 manata qədər. 1 və 3 ballıq üzvlük var ki, bu da alınan məhsulun qiymətinə görə müəyyən edilir. şərt budur ki, sağ və sol tərəfində yaranan hər 3 bala görə 200 dollar qazanırsan. istəsən qoşduğun iki nəfəri də 3 ballığa razı salıb ilk dəfədən 200 dollar qazan, istəsən 1 ballıq qoşub ondan sonrakıların da qoşulmasını gözlə. otaqdakı təqdimatdan sonra məhsul tanıtımı, daha sonra isə ən yaxın çayxanada bir çay içmək prosesi daha. bu dəfə söhbət konkret olaraq biznesdən gedəcək. bir nəfər də stola yaxınlaşıb öz uğurundan, başqalarından, lider adlandırdığı daha yüksək şəxslərdən söz edəcək. həvəslənəcəksən biraz. normal şərtlərdə ayda 200 dollar artımla pul qazanmaqdan dəm vuracaqlar. bir anlıq qaza gəlib pul tapıb bir məhsul alırsan və qoşulursan. treyninq keçəcəklər. kimi necə dəvət etmək lazımdır. siyahı tutacaqsan ən azı 150 nəfərlik. bütün tanışlar, dostlar, qohumlar, qonşular, axırıncı dəfə məktəbdə gördüyün sinif yoldaşları, ən zəhlən gedən insanlar belə yadına düşəcək. zəng edib dəvət edərkən deyilməli olan sözləri sənə öyrədərkən bəzi şeylər yadına düşəcək. səni də belə dəvət etmişdilər. qarşılama proseduru, ikinci çayiçmə mərasimində stola yaxınlaşacaq insanın kim olmasını və onu necə təqdim edəcəyini də görəndə beynində şimşəklər çaxacaq. hamısı bir qurma imiş. amma bu zaman sənə bəzən kiçik oyunların gərəkli olduğunu təlqin edəcəklər. tərəddüdlü bir şəkildə qəbul edəcəksən. başlayacaqsan dəvətlərə. hər dəvət etdiyin insan bir cür reaksiya verəcək. biri güləcək, biri məsləhət verəcək, biri nəyi var söyəcək oradakıları. özün özündən şübhə edəcəksən, lakin oradakılar səni ruhdan düşməyə imkan verməyəcəklər. hər şey yaxşı olacaq deyərək verəcəklər qazı. ən əsas da yazdığın məqsədləri tez-tez yada salacaqlar. yenə dəvət, yenə uğursuzluq. bir sıra cəhdlərdən sonra ailəndən birini qoşacaqsan. çünki başqalarını inandıra bilmək üçün ailəni də burada görməlidilər. axı onlar da öz ailələrini qoşublar həmin biznesə. artıq ünsiyyət qurduğun hər kəsi potensial şəbəkə biznesmeni kimi görürsən. başqa cür mümkün deyil. cəmi bir neçə il əziyyət çəkəcəksən. sistemi qurduqdan sonra pul öz özünə gələcəkmiş. gecən gündüzün qalmayacaq düşünməkdən. kimi qoşa bilərəm. kim bu işə həvəslə gələ bilər. ən ümidlə dəvət etdiyin insanlar belə oradan qaçaraq uzaqlaşır və zənglərinə cavab vermir. neçə ay keçib qoşulmağından, hətta bir il keçib, amma oradan əldə etdiyin cəmi 600 dollar pul olub. hələ qoşulan 3 ailə üzvünü demirəm. ən axırda bezib tüpürürsən puluna da, biznesinə də.

siz siz olun, bu işə girişməyin. bir sözlə, insanı insanlıqdan çıxarır

17 əjdaha! 25.02.2015 22:26, qardakı ayaq izləri

#150155 şikayət

sözaltı music

+10 əjdaha

le orme - l'infinito

(youtube:

)

10 əjdaha! 03.06.2021 21:52, qardakı ayaq izləri

#329089 şikayət

azərbaycanlılar üçün application ideyaları

+11 əjdaha

(baxma: camaat nə deyər)
milli mentalitetə uyğun bir çox reaksiyaları bazaya toplayıb, edəcəyin bir hərəkətə görə nə reaksiya veriləcəyini əvvəldən göstərən bir proqram. beləcə, camaat qarşısında biabır olmadan edəcəyimiz hərəkətləri əvvəldən formalaşdıra bilərik.

11 əjdaha! 28.08.2018 15:36, qardakı ayaq izləri

#277190 şikayət

sözaltı music

+9 əjdaha

(bax: procol harum)
(baxma: the worm and the tree)

(youtube:

)

7 əjdaha! 16.02.2021 22:55, qardakı ayaq izləri

#320089 şikayət

məsləhət verən qohumlar

+10 əjdaha

üslub olaraq bir neçə fərqli tiplərə bölünsələr də, eyni bezdiricilik dərəcəsinə malik insanlardır. ən çox qarşılaşılan tiplər ailə qurmaqla bağlı məsləhət verənlərdir. "yaşın keçir, valideynlərinə yazığın gəlsin, bir toy elə toyunda oynayaq" falan filan. elə bil oynamaq üçün ancaq toy eləmək lazımdır. kimsə oynayacaq deyə mənim həyatım məhv olmalıdır, filmdə deyildiyi kimi.
digər tip biznes ruhlu olanlardır. hər dəfə yeni bir orijinal ideya ilə başlayırlar. ay nə bilim filan növ qoyun var, ildə iki dəfə bala doğur, belə xeyirli, belə rahat və s. ya da bizim bağa baxıb burda filan şey saxlasan, yaxşı olar zad. deyən lazımdır, elə həvəsin varsa, gəl özün qur o dediyini. uşaqlığım o dərədə təpədə heyvan dalınca qaçmaqda keçib. indi indi ayağım dincə çıxıb. bir də ora qayıtmağa heç həvəsli deyiləm. adamdan soruşmurlar da ki, başqa bir planın filan olar haa birdən. elə bir ucdan məsləhət yağdırırlar. ona görə də mümkün qədər uzağa qaçmaq istəyirsən. ta ki səni tanıyacaq bir insan olmasın.

7 əjdaha! 11.07.2018 00:26, qardakı ayaq izləri

#274721 şikayət

ayə haraya gedirsən ayə

+11 əjdaha

ilk dəfə görəndə özümdən asılı olmayaraq güldüm amma sonra fikirləşdim ki, 50-60-cı illərin blues-country-rock tərzində oxuyan musiqiçilərindən çox da fərqli deyil. sadəcə, bunun sözlərini başa düşürük deyə biraz gülməli çıxır. əslində, problem ondadır ki, biz yazımızla danışığımızın fərqini həddən çox gülüş obyektinə çeviririk. amma gülməli, ya da ağlamalı olduğumuz elə problemlərimiz var ki, heç onların varlığını belə dilə gətirmək istəmirik. əsl reallığı görməkdən qaçırıq, bizə bəzəli-boyalı halda təqdim edilmiş hazır komediya obyektlərinə baxıb gülürük və guya qınayıb tənqid edirik.
baxın. indi tv-də komediya adı altında bizə göstərilən materiallar ancaq bir birini təkrarlayan düşük "zarafatlar"dır. bu da onlardan biri kimi təsir bağışladı. o özü də çox güman bunun belə nəticə verəcəyini bilirdi. yoxsa pərviz bülbülə-damla-ifrat oxundan çıxa bilməyən bir toplumun bunu alqışlamasını gözləyirdi?

10 əjdaha! 02.03.2018 10:08, qardakı ayaq izləri

#269274 şikayət

sözaltı etiraf

+9 əjdaha

nə vaxtsa bu başlığa yacağım ağlıma gəlməzdi heç. amma baxıram ki, hərdən ehtiyac olur kiməsə nəsə etiraf eləməyə. əgər başqa bir insana etiraf eləsək, o bizə məsləhət verməyə başlayacaq. sən isə məsləhət eşitmək yox, sadəcə dinlənilmək istəyirsən. dinləyən olmasa belə ürəyindəkiləri qarşılıqsız şəkildə boşalda biləcəyin bir şey olması kifayət edir. bu baxımdan bu başlığa yazmağı daha uyğun gördüm.

gəlim əsas məsələyə. problem çox sadədir, evdəkilərin evlilik sıxma-boğması. mən isə heç oralı olmaq istəmirəm. çəkindiyim, düşündüyüm şeylər var. bunu açıq açıq deməkdən belə çəkinirəm evdəkilərə. evliliyin üstəsindən gələ bilməməkdən qorxuram. uşaq vaxtı şahidi olduğum gəlin-qaynana mübahisələrində ortada qalan kişi vəziyyətinə düşməkdən. ya da evlənəciyim insanı yaxşı tanıya bilməmək və sonra yanlış insanla evlənmiş olmaqdan qorxuram. bilmirəm, bəlkə də həddən artıq şişirdirəm bu məsələləri, amma niyə də olmasın? niyə də şişirtməyim? əlimizdə yaşaya biləcəyimiz bir tək həyat var və seçimimi çox diqqətli etmək istəyirəm. sonradan peşman olacağım qərarlar verib həyatımı işgəncəyə çevirmək istəmirəm. bu barədə danışanda da aldığım cavablar məni qane etmir. guya sonradan bir-birimizə öyrəşəcikmişik, və ya "guya biz çoxmu tanıyırdıq bir-birimizi? heç uyğun da deyilik, amma bir yerdəyik" tipli təsəlli cümlələri. elə yaxşı tanımamaq və uyğunsuzluğun səbəb olduğu mübahisələri görəndə təkrar özümü haqlı görürəm.

digər tərəfdən uyğun olmadığımızı gördüyüm halda xoşladığım biri var. buna heç aydınlıq gətirə bilmirəm. onun nəyi xoşuma gəlir, başa düşmürəm. nə zövqlərimiz uyğun gəlir, nə düşüncə tərzimiz. lakin onu düşünməkdən özümü çəkindirə bilmirəm.

indi yaşadığım mühitdə mənə uyğun gələ biləcək biri ilə qarşılaşa biləcəyimi də zənn eləmirəm. bu da başqa bir çıxılmaz vəziyyət.

son olaraq. hazırkı cəmiyyəti gördükcə ailə qurub, uşaq böyüdüb onun bu cəmiyyətdə nə hala gələcəyini düşünəndə də bu fikirlərdən tamam əl çəkirəm və heç evlənməməyin daha yaxşı olduğu qərarına gəlirəm.

hələlik bu qədər..

8 əjdaha! 04.09.2016 22:18, qardakı ayaq izləri

#228067 şikayət

allah sevdiyi bəndələrini sınağa çəkir

+8 əjdaha

yenə də " hər şeyə qadir olan allah" obrazı ilə ziddiyət yaradan bir mülahizə. bir allah ki, hər şeyi bilir, onda niyə sınağa çəkmək ehtiyacı duysun? nəticəni bilməmək imkanı yoxdur. nəticəni bildiyi halda da sevdiyi bəndəsini əziyyətə salmaq isə ağlabatan deyil. başqa tərəfdən isə, allah niyə bəndələri arasında ayrıseçkilik edir? yəni harasından tutsan, əlində qalır.

7 əjdaha! 18.07.2016 00:26, qardakı ayaq izləri

#221741 şikayət

camal əlinin bismillah klipi

+8 əjdaha

yatanların gözünə işıq salıb biraz. bunlar da hay küy salıblar ki, ala söndür o işığı.

5 əjdaha! 01.07.2020 07:40, qardakı ayaq izləri

#298872 şikayət

venera layihəsi

+10 əjdaha

jacque fresconun hazırlayıb təklif etdiyi yeni yaşayış forması. yaşadığımız sistem sadəcə pul qazanmaq əsasında qurulub. texnika inkişaf etdikcə insanları maşın əvəz edəcək və bir çox insan işsiz qalacaq. pulun əsas rol oynadığı müasir sistemdə isə bu, son deməkdir. buna görə də pul faktorunu ortadan qaldırmaq kimi bir təklif irəli sürülür. insanları təmin edəcək şeyləri maşınlar istehsal edib lazım olan yerlərə çatdıracaq. enerji kimi alternativ mənbələrdən istifadə olunacaq: günəş, külək, qabarma-çəkilmə, geotermal və digər tükənməz enerji mənbələri. beləcə təbiətə vurulan ziyan da minimuma endirələcək.

biraz utopiya və fantastika kimi görünür, amma insanlar öz eqosuna sahib çıxa bilsə, çox da real layihədir.

buradan daha çox məlumat əldə etmək olar: https://www.thevenusproject.com/en/

9 əjdaha! 18.09.2015 22:15, qardakı ayaq izləri

#181533 şikayət

davamlı dava edən ailədə böyümək

+12 əjdaha

sonra da deyirlər niyə evlənmirsən? soruşan lazımdır ki, siz nə vaxt mənə evliliyin yaxşı bir şey olduğunu göstərdiniz ki, indi mənə də məsləhət görürsünüz?

10 əjdaha! 17.04.2018 00:24, qardakı ayaq izləri

#271572 şikayət

rasim öztekin

+9 əjdaha

g.o.r.a.-nın bob marley faruk-u, türkiyəli aktyor. infarktdan vəfat edib bir neçə saat bundan qabaq. geniş aile, seksenler serialından və mandıra filozofu filmindən də tanıya bilər bəziləriniz

6 əjdaha! 08.03.2021 23:47, qardakı ayaq izləri

#321774 şikayət

mor ve ötesi

+7 əjdaha

Uzun və bir neçə dəfə təkrarlanan təxirəsalınmalardan sonra nəhayət ki dünən axşam konserti gerçəkləşmiş qrup. Biraz gec başlayıb qeyd olunan vaxtdan da tez bitməsini nəzərə almasaq, pis keçmədi. Əsasən, hamının bildiyi tanınmış mahnıları oxudular. Buna görə də izləyicilərin coşqusu və ifalarda iştirakı yüksək idi. Sondakı bir derdim var'ı, demək olar ki,biz özümüz oxuduq başdan ayağa. Sonra qrup özü də təbii ki -*. ayrıca dediklərinə görə, forsa'nı da ilk dəfə bu konsertdə çalıb oxudular canlı olaraq. Mahnının adı da indiki ada qədər ay balam imiş -*
sevda çiçeği ilə başladı, bir derdim var ilə qurtardı. re və son deneme üçün də xüsusi təşəkkürlər.

6 əjdaha! 26.12.2021 08:12, qardakı ayaq izləri

#342180 şikayət

oksigen

+7 əjdaha

adının mənası "turşu əmələ gətirən" deməkdir. yəni əvvəllər elə hesab edirdilər ki, bu element turşunun (kimyəvi maddə kimi turşu, məsələn, sulfat turşusu. yoxsa xiyar turşusu mənasında deyil) olmazsa olmazıdır. ona görə də belə ad veriblər. amma sonradan səhv olduğu anlaşıldıqda artıq gec olub. o gün bu gündür adı oksigen olaraq qalıb. bu adın əsl sahibi hidrogen olmalı imiş.

maraqlıdır ki, eyni səhv adlandırılma rus dilində də baş verib: (baxma: kislorod)

7 əjdaha! 04.03.2017 00:05, qardakı ayaq izləri

#247823 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

qardakı ayaq izləri

son bəyənilənlər:

oxuyucuların bəyəndikləri: