2. Kitab oxumaq kitabda itməkdir, personajın özü olmaqdır, saatlarca özündən xəbərsiz başqa bir həyat yaşamaqdır. Vacib deyil mütləq ki bunu daha zəngin dünya görüşü üçün edəsən, ya da öz şəxsini inkişaf etdirəsən. Düzdür, kitab oxumaq bunları da öz yanında gətirir amma adətən insanlar özlərini buna o qədər çox verirlər ki kitabdan zərrə zövq almırlar. Yeni başlayan oxucuların da bir çox problemi buradan qaynaqlanır. Zövq almaqla - əylənməyi qarışdırırlar. (Deyək ki, mən Pamukun üslubunu xoşlayıram, onun kitablarını oxumaqdan zövq alıram. Amma əyləndiyim kitab çox dəxlisiz bir yazıçının ola bilər.) Adətən səhv kitablarla başlayırlar və sonu da ürək açan olmur. (bax: cinayət və cəza)

(bax: yeraltından qeydlər)

.
Bəzən kitabın adına və üz qapağı şəklinə aldanıb lazımsız və sıxıcı kitablar oxuyurlar. (baxma: bu şəhərdə kimsə yoxdur) (baxma: kukla ustası). Bir də qısa müddətdə çoxlu kitab oxumağa çalışırlar, bir çox halda da bu onları həvəsdən salır. Arada müəyyən qədər fasilə verib bitirdiyin kitabı götür-qoy etmək daha effektiv ola bilər. Bəzən də araya "ləbləbi kitab" sıxışdırmaq da yaxşıdı. Ləbləbi kitab -yəni kiçik həcmli lakin içində çox gözəl mesajlar verən kitablar. (baxma: tiran edip) (bax: gonbul)

. Heç bir dərs və zövq almadan "Bu kitabı da bitirim" düşüncəsi ilə oxuyanları heç demirəm. Zövq almadıqca da normal olaraq insan uzaqlaşır bundan. Bəziləri isə daha çox diqqət naminə bunu nümayiş etdirirlər küçədə-bacada, sosial şəbəkələrdə. Hətta iş o yerə çatıb ki normal oxucular artıq insan içində kitab oxuyanda özünü narahat hiss edirlər. Çox bəllidir ki o (s)oxucuların bir dövranı var. Bunlar gizli bir təşkilatdı. Paylaşdıqları kitabları hər biri o birisinə ötürür. Eyni kitabla bir müddət ara ilə hamısı şəkil çəktirib paylaşır. Adətən həlqəvi çərçivəli eynəklər taxırlar və paylaşdıqları şəklin altında özlərindən uydurduqları "ibrətamiz" cümlələr olur. Niyəsə də hamısının profilində, statusunda falan Nitşsedən, Oshodan aforizmlər var (barı onlardan nəsə oxuyub bir pox qansalar dərd yarı). Bu kimi şeylər o təşkilatın parollarıdı. Özlərini tanımaq üçün qurduqları metoddur. Oxuduqları kitablar da daha doğrusu oxuyurmuş kimi göstərdikləri kitablar Ahmet Batmanın, Miraç Çağrı Aktaşın, Elif Şafakın və b. kitabları olur. Mövzudan biraz yayındım, mətnimin də sonu kitab oxumaqdan çox kitab qurumsaqları(kitab qurdunun əksi) haqda oldu biraz