36. Həm sevinci, həm kədəri paylaşmaq üçün ən gözəl və səmimi vasitə. Nəyəsə sevinəndə katalizator rolunu oynayır, qucaqlaşdığın anda sevincin birə beş artır, daha böyük bir anlam daşıyır. Öz özünə yaxşı sayılabiləcək duyğular əvezolunmaz mərtəbəsinə adlayır. Oyunlardakı combo mimi bir şey olur. Bir qola sevinəndə, mən də səni sevirəm deyəndə, müharibə qurtardı qışqıranda və bənzəri minlərlə sevinci paylaşanda qucaqlaşırsansa insan çoxalır sanki. Digər halda isə ağrıları yüngülləşdirir, dözülməz olan həyatı azca da olsa asanlaşdırır. Problemlər yoxa çıxmır amma ən azından güc verir insana. Hələ bəzi insanlar olur ki, qucaqlayanda bütün dünya yaxşılaşırmış kimi gəlir. Qalan hər şeyi bir neçə dəqiqəlik də olsa unuda bilirsən. Amma təəssüf ki, onun da dediyi kimi qucaqlaşmaqla hər şey həll olmur. Alınsa çalışın elə adamları sevin ki, qucaqlayanda hər şey həll olunsun.