31. Əvvəllər insanların gündəlik həyatına təsir edəcək dərəcədə bir gücə malik olan idman növüdür, hansı ki hal-hazırda bundan tamamilə uzaq vəziyyətdədir. Bunun arxasında dayanan çoxlu sayda səbəb saya bilərik, əlbəttə. Bizim ölkəmizdə isə vəziyyət bəlkə də bir az fərqli ola bilər digər ölkələrdən, ona görə ki, Qarabağın uzun illərdir avrokuboklardakı uğurlu çıxışı ilə insanların futbola olan marağı daha da artıb, yəni əslində bununla əvvəl dediyim arqumenti müəyyən mənada yalanlamış oldum. Amma hər bir ölkədəki vəziyyət də belə deyil, şübhəsiz ki. Məsələn qonşu türkiyəni götürək. 2002-də dç-da əldə etdikləri üçüncülük olsun və yaxud da 2008-də aç-da yarımfinala çıxmaları olsun və həmçinin də klublarının avrokuboklardakı uğurlu çıxışları ilə 2000-lərdən etibarən insanların futbola marağı artmaqda idi. Amma bu qrafik 2014-ə qədər belə artdı, fikrimcə. Daha sonradan inanılmaz bir sürətlə çöküşə keçdi. Başlıca olaraq az öncə yazdığım misalların əksinə klubların avrokuboklarda və ya belə desək, beynəlxalq yarışlardakı uğursuzluğu insanlarda futbola olan marağın azalmasının başlıca səbəblərindən saymaq olar. Həmçinin bilirik ki, bu gün türkiyədə, daha doğrusu son illərdə türkiyədə bir iqtisadi geriləmə var, bunun nəticəsində də insanların ya boş vaxtları olmur, ya da bu vaxt ərzində daha fərqli və müəyyən mənada da daha önəmli işlərinə vaxt sərf edirlər. Bir digər səbəb isə mənə görə texnologiyanın inkişafı sayıla bilər. Belə olan halda hər şey daha əlçatan olur, futbolçuların və ümumən bütün futbol sənayəsinin əsl üzü ortaya çıxır, insanların da bilinməyən şeyə qarşı marağının daha çox olduğu məlumdur, bu situasiyada isə artıq bilinməyənlər tamamilə bilinənlərlə əvəz olunduğundan geriya maraq yaradacaq heç nə qalmamış olur. Mənə görə, 2020-ci ildə daha sürətlə yayılmağa başlayan koronavirus pandemiyasının da təsirləri az deyildi və müharibələrin də. Çünki insanlar görür ki, futboldan daha önəmli şeylər də var, yəni oyunda sən dəstəklədiyin komandanın məğlubiyyyətinə məyus olursan, bəlkə, amma dünyanın başqa bir yerindəki insan bəlkə də aclıqdan və ya müharibədən və ya başqa səbəbdən əziyyət çəkir.