a woman under the influence

1. evlilik həyatını çox gözəl təsvir etdiyini düşündüyüm john cassavetes filmi.
film 1974-cü ildə ekranlara çıxıb, romantika və dram janrındadır. baş rollarda *peter falk* və rejissorun həyat yoldaşı *gena rowlands* oyanyır. baş rol oyunçuları rollarını çox müəkəmməl aparırlar, sanki kənardan durub real hadisələri izləyirsən. xüsusilə *gena rowlands* rolunu elə mənimsəyib ki, heyran olmamaq mümkün deyil. bir gün aktrisa olmaq istəsəm onu örnək götürərəm yəqin ki.

--spoiler--

filmdə *los angeles*də orta təbəqəli bir ailədə keçən hadisələr canlandırılıb. mabel longhetti psoxoloji problemləri olan ev qadınıdır. öz şəxsiyyəti çox zəifdir, həyatını uşaqları və ərini sevməyə həsr edib. onları xoşbəxt etməyə çalışır. əri nick inşaat sektorunda işləyir və sosial həyatı var. cütlük bir-birlərini çox sevirlər bağlıdırlar. lakin mabel insanlar və cəmiyyət içində olanda özünü necə aparacağını bilmir, özünü gülməyə məcbur edir. sonda nick məcburən onu müalicə üçün xəstəxanaya göndərir.

--spoiler--

filmdə diqqətimi ən çox çəkən bütün olanlara rəğmən nick'in mabeli sevməsi və ona bağlı qalması idi. onun halını başa düşür, bacardıqca kömək etməyə çalışır. ətrafdakılar mabelin dəli olduğunu deyəndə etiraz edir, "mabel dəli deyil, sadəcə qeyri-adi birisidir" deyə cavablayır. filmdə baş verənlər azərbaycanda yaşansa qadını boşayıb fahişə damğası vurardılar heç şübhəsiz.
qısacası izləyin, izlətdirin.

"do you believe that love is a continuous stream?"

2. çəkildiyi dönəmə görə zamanının ötəsində olan, ikinci dalğa feminizm tam olaraq göstərən və haqlı olaraq dəstəkləyən mövzusu var. danışdığı mövzu əsasən cəmiyyətdə olan sosial təzyiqlər, ailə içi dinamikalar və gender rollarının insan psixologiyasına təsiridir. filmin yazarı bu əsərdə patriarxal ailə modelini, "normal" nədir "norm" nədiri mümkün qədər sorğulamağa və dağıtmağa çalışır . əsas obrazlarda qorxuları nəticəsində ultra mikro kontrol dəlisi olan-nick və heç bir zaman insan yerinə qoyulmamış yox sayılmış hər daim əzilməkdən böhrana düşmüş-mabel

*spoiler

nick mabel ı sevir (adamın sevgi anlayışı fərqlidi neyniyək) amma bunu ona heç bir zaman demir və mabel ı öz "normal"ına doğru düzəltmək istəyir ( onun hər bir addımını, reaksiyasını, hətta hisslərini belə idarə etməyə çalışır) halbuki onun normal anlayışıda yoxdur. Nick in özünün də ciddi emosional problemləri və spirtli içki qəbulundan doğan aqressiyası var amma kontrol manyaklığı nəticəsində yaranan bütün yaratdığı "anormallığı" Mabel ın üzərinə yıxır. Nick Mabel ın fərdi sahəsinə/sərhədlərinə hörmət etmir. Mabel nə vaxt özünü ifadə etmək istəsə, Nick ya onu qışqıraraq susdurur, ya da ətrafdakıların gözü qarşısında utandırır. cəmiyyət və həyat yoldaşı mabel ı o qədər əzibki evdar qadın olaraq onun tək uğurunun sadəcə uşaqlarının olmağı sayır.

filmin əvvəlində mabel ın başqa insanla münasibəti göstərilir. Mabel barda tanış olduğu adama daxili acısını, ərini necə sevdiyini danışacaq qədər çaşqın və emosional vəziyyətdədi. Həmin adam isə Mabel ın bu zəif, sərxoş və psixoloji olarak müdafiəsiz vəziyyətindən istifadə edir. Mabel ertəsi səhər ayılanda yanında yatan adamı xatırlamır, dəhşətə gəlir və onu evdən qovmağa çalışır. Yəni bu səhnə, planlı bir xəyanət yox, onun nə qədər müdafiəsiz və zəif bir vəziyyətdə olduğunu, idarə olunmaz emosional böhranın gətirdiyi bir halı göstərmək üçün qoyulub. Mabel öz hisslərini tənzimləyə bilmir, ərindən aldığı kiçik bir rədd cavabı belə onu tamamilə daxili xaosa və özünə zərər verən davranışlara doğru itələyir.

Nick qağamda "əsl kişi" "mujik" "ailə başçısı" imicinə o qədər bürünməyə çalışır ki ailəsindəki mövcud faicədən xəbəri belə yoxdu, yada vecləmir (qağa qohum qonşu nə deyər) Nick Mabel ın içindəki o təmiz, uşaq kimi azadlığı sevir, amma eyni zamanda o azadlıqdan dəhşətli dərəcədə qorxur.

qadın masanın üstündə rəqs etməyə başlıyır və nick qağam təbiiki mujiklikdən əl çəkərmi?
y o x.
masadan endirib qışqırır. qışqıranda, əslində Mabel ın içindəki o son azadlıq qığılcımını da söndürür və onu xəstəxanaya gedən yola öz əlləri ilə itələyir.

Davamını day gedin filmi izləyin, izləttirin.

a woman under the influence

Yalnız deyilsən!