Cənubi Koreya və ABŞ Silahlı Qüvvələri "Ulchi Freedom Shield" birgə hərbi təlimlərini vaxtından əvvəl, 21 avqustda başa çatdıracaqlar. "Report" xəbər verir ki, bu barədə Koreya Respublikası Silahlı Qüvvələrinin Birgə Qərargah Rəisləri Komitəsi məlumat yayıb. Təlimlər əvvəlcə 17-27 avqusta planlaşdırılırdı.
"Amerika tərəfinin təşəbbüsü ilə Koreya Respublikası və ABŞ manevrlərin vaxtını və əhatə dairəsini tənzimləmək qərarına gəliblər. Hazırkı "Ulchi Freedom Shield" təlimləri 17-21 avqust tarixlərində keçiriləcək", - bəyanatda deyilir. Həmçinin birgə səhra təlimlərinin qismən azaldılması barədə də qərar qəbul edilib; tərəflər hazırda konkret detalları dəqiqləşdirirlər.
"Ulchi Freedom Shield" Vaşinqton və Seul tərəfindən birgə keçirilən iki ən böyük təlimdən biridir. Cənubi Koreya tərəfi təlimə təxminən 18 000 hərbçini cəlb etməyi planlaşdırırdı. Daha əvvəl ABŞ Prezidenti Donald Tramp Şimali Koreya lideri Kim Çen Inla mümkün görüşün olması ilə bağlı xəbərlər fonunda Pentaqon rəhbəri Pit Heqsetə Cənubi Koreya ilə birgə hərbi təlimlərin miqyasını əhəmiyyətli dərəcədə azaltmağı tapşırıb.
Extract — continue reading at the source.
