Astaraya işləməyə gedən Cəlilabad sakini faciəvi şəkildə öldü

Cəlilabad sakini Astarada bədbəxt hadisə nəticəsində ölüb.

Modern.az apa-ya istinadən xəbər verir ki, hadisə Astara rayonunun dağ kəndi olan Təxtənəkəran kəndində qeydə alınıb.

Belə ki, Cəlilabad rayonunun Vənlik kənd sakini Ramin Simran oğlu Kərimov vətəndaşa məxsus həyətyanı sahədə artezian quyusu qazarkən başına boru düşüb. R. Kərimovun yanında işləyən həmkəndliləri onu təcili olaraq Lənkəran Rayon Mərkəzi Xəstəxanasına çatdırıblar.

Buna baxmayaraq, onun həyatını xilas etmək mümkün deyil. Həkiməqədər ölüm faktı qeydə alınıb.

Qeyd edək ki, mərhum ailəsi olub və ona görə iki azyaşlı övladı var.