APA xəbər verir ki, reportajda Orta Dəhlizin əhəmiyyətinin getdikcə artması və Azərbaycanın Asiya-Avropa ticarət bağlantısının mərkəzində dayandığı qeyd olunur. Bildirilir ki, Orta Dəhliz regional marşrutdan Asiya ilə Avropanı birləşdirən mühüm qitələrarası ticarət xəttinə çevrilir və Azərbaycanın marşrutun mərkəzində yerləşməsi ölkənin nəqliyyat və logistika əhəmiyyətini daha da artırır. Onun sözlərinə görə, beynəlxalq tələbatın artması ilə marşrut üzrə daşımaların həcmi də yüksəlir.
Rəqəmsal həllərin tətbiqi isə yüklərin izlənməsi, logistika proseslərinin idarə olunması və iştirakçı ölkələr arasında koordinasiyanın yaxşılaşdırılmasına imkan verir. Buna görə də, Azərbaycanın coğrafi mövqeyi çox vacibdir. Hər bir ölkənin öz ekosistemi və öz infrastrukturu var.
Orta Dəhlizin bir çox fərqli iştirakçıları var. Bu iştirakçılar arasında koordinasiyanın artırılması çox vacibdir. Müasir dövrdə karqonun harada yerləşdiyini, hansı mərhələdə olduğunu, hər hansı bir gecikmənin olub-olmadığını və göstəriləcək xidmətlərin vəziyyətini dərhal bilməliyik.
Bunun üçün də rəqəmsal həll yollarından istifadə olunur”, - Emil Məmmədov vurğulayıb. O, Orta Dəhlizin genişləndiyini və qitələrarası mahiyyət aldığını deyib. Reportajda Bakı Beynəlxalq Dəniz Ticarət Limanın 2025-ci ilin 11 ayında təxminən 8 milyon ton karqo qəbul etdiyi, növbəti illərdə isə bu rəqəmin 25 milyon tona yüksəldiləcəyi qeyd olunub.
Bakı Beynəlxalq Dəniz Ticarət Limanın Asiya və Avropa limanlarını birləşdirdiyini, limanda yük emalı həcminin 2025-ci ildə 40 faiz artmasının marşrut üzrə ticarət və tranzit axınlarının genişləndiyinin göstəricisi olduğu vurğulanıb. Beləliklə, Azərbaycan yalnız Orta Dəhlizin tranzit ölkəsi kimi deyil, Asiya-Avropa ticarət əlaqələrində mühüm logistika qovşağı kimi mövqeyini gücləndirir”, - reportajda deyilir.
Extract — continue reading at the source.
