Azərbaycanda vakansiyaların yarıdan çoxu bu sahədir

2025-ci ilin sonunda işçi qüvvəsinə tələbatın böyük hissəsi emal sənayesində cəmləşib. Modern.az-ın məlumatına əsasən, Dövlət Məşğulluq Agentliyinin yerli qurumlarına müraciət etmiş müəssisələrdə boş iş yerlərinin tutulması üçün ümumilikdə 61 min 501 nəfərlik işçi qüvvəsinə tələbat olub. Bunun 34 min 299 nəfəri emal sənayesinin payına düşüb.

Hesablamaya görə, bütün tələbatın təxminən 55,8%-i yalnız bu sektorda formalaşıb. Tikintidə 2 min 744, turistlərin yerləşdirilməsi və ictimai iaşədə 2 min 299, təhsildə 2 min 274, səhiyyə və sosial xidmətlərdə 2 min 184 nəfərlik işçi tələbatı qeydə alınıb. Maliyyə və sığorta sektorunda isə ilin sonunda 189 nəfərlik işçi qüvvəsinə tələbat göstərilib.