İsraildə media turda iştirak edən azərbaycanlı jurnalistlər beynəlxalq xəbər kanalı i24NEWS-un redaksiyasını ziyarət ediblər. Modern.az xəbər verir ki, səfər çərçivəsində jurnalistlərə i24NEWS-in fəaliyyəti, xəbər istehsalı prosesi və beynəlxalq auditoriyaya yönəlmiş yayım siyasəti barədə məlumat verilib. Bildirilib ki, i24NEWS beynəlxalq auditoriya üçün fəaliyyət göstərən 24 saatlıq xəbər kanalıdır.
Kanalın redaksiyaları ingilis, fransız, ərəb və ivrit dillərində yayımlar həyata keçirir. Azərbaycanlı jurnalistlərlə görüşdə i24NEWS-un sədri Frank Melloul kanalın yaranma tarixindən, inkişaf mərhələlərindən və beynəlxalq media məkanındakı fəaliyyətindən danışıb. O, həmçinin müxtəlif dillərdə auditoriyalara çatdırılan xəbərlərin hazırlanması və təqdim olunması prosesi barədə məlumat verib.
Görüş zamanı müasir media mühiti, beynəlxalq xəbərlərin hazırlanması, informasiya siyasəti və müxtəlif auditoriyaların xəbər gözləntiləri ətrafında fikir mübadiləsi aparılıb. Səfər iştirakçıları i24NEWS-un redaksiyasının fəaliyyəti ilə yaxından tanış olub, kanalın xəbər istehsalı və yayım prosesi barədə məlumat əldə ediblər. Qeyd edək ki, i24NEWS 2013-cü ildə fəaliyyətə başlayıb.
Beynəlxalq xəbər kanalı dünyanın müxtəlif regionlarında auditoriyaya informasiya çatdırır.
Extract — continue reading at the source.
