Azərbaycan və Özbəkistan startapları, eləcə də iki ölkənin özəl kapital nümayəndələri son bir neçə ildə birgə təşəbbüsləri fəal şəkildə inkişaf etdirirlər. Bu barədə "Report"a Özbəkistanın "IT Park"ının icraçı direktoru Cahongir Racabov bildirib. "Hazırda Azərbaycan startapları və özəl kapitalı ilə Özbəkistan startapları və özəl kapitalı arasında əməkdaşlıq, eləcə də birgə təşəbbüslərin inkişafı fəal şəkildə davam edir", - o bildirib.
Onun sözlərinə görə, bu, iki ölkənin sahibkarları və startap ekosistemləri arasında sıx işgüzar əlaqələrin mövcudluğundan xəbər verir. C.Racabov həmçinin Özbəkistan və Azərbaycanın dövlət orqanları arasında, xüsusən də telekommunikasiya və nəqliyyat sahəsində əməkdaşlığın inkişafını qeyd edib. "Bu əməkdaşlıq uzunmüddətli xarakter daşıyır və inkişaf üzrə uzunmüddətli planlara malikdir", - o vurğulayıb.
O, həmçinin Özbəkistan startaplarının Bakıda beynəlxalq tədbirlərdə, o cümlədən şirkətlərin öz həllərini təqdim edə və yeni tərəfdaşlar tapa biləcəyi "Baku ID"də iştiraka marağını qeyd edib. Onun sözlərinə görə, Azərbaycandan olan startaplar öz növbəsində Özbəkistanda keçirilən tədbirlərdə və startap həftələrində fəal iştirak edir, burada yeni həllər və iki ölkə arasında əməkdaşlığın inkişaf istiqamətlərini təqdim edirlər.
Extract — continue reading at the source.
