"Əminəm ki, Ermənistanın Aİ-yə üzvlük həvəsi tezliklə keçəcək"

Rusiya xarici işlər naziri Sergey Lavrov Ermənistanın Avropa İttifaqına (Aİ) üzvlük istəyinin uzun sürməyəcəyini bildirib. Modern.az xəbər verir ki, Lavrov bu barədə Şərq İqtisadi Forumunda jurnalistlərə açıqlamasında danışıb. O, Avropa İttifaqının iqtisadi baxımdan əvvəlki üstünlüklərini itirdiyini iddia edib.

Rusiya XİN rəhbəri qeyd edib ki, bəzi ölkələr, o cümlədən Serbiya və Ermənistan Aİ-yə üzv olmaq istiqamətində addımlar atır. Əminəm ki, onların bu həvəsi çox tezliklə keçəcək”, - Lavrov deyib. Lavrovun sözlərinə görə, Avropa İttifaqı hazırda sahib olduğu iqtisadi üstünlükləri özü “dağıdır”.