"Gürcüstan və Azərbaycan arasında mövcud olan çox yaxşı tərəfdaşlıq və dostluq münasibətləri daha da gücləndirilməlidir".
APA-nın yerli bürosu xəbər verir ki, bunu Gürcüstan parlamentinin vitse-spiker Nino Tsilosani deyib.
Onun sözlərinə görə, hər iki ölkənin strategiyası mövqeyindən səmərəli istifadə edilməlidir, həm iqtisadiyyat və turizm sahələrində, həm də qlobal siyasətdə mövqelər möhkəmləndirilməlidir.
Gürcüstan parlamentinin Təhsil, elm və gənclər məsələləri komitəsinin sədri Mariam Laşxi öz növbəsində deyib ki, Gürcüstan üçün tərəfdaş ölkə ilə əməkdaşlığın dərinləşdirilməsi Azərbaycanla strateji tərəfdaşlıq çərçivəsində böyük əhəmiyyət kəsb edir.
"Bu gün Orta Dəhlizin iki əsas sütunu olan ölkələr kimi biz təkcə fiziki əlaqələri deyil, boru kəmərləri və yollarla yanaşı rəqəmsal əlaqələri də müzakirə edirik. Əsas mövzularımızdan biri təhsil sahəsində əməkdaşlıq, gənclərin bir-biri ilə əlaqələndirilməsi və elm sahəsi də daxil olmaqla mübadilə proqramlarının həyata keçirilməsi olacaq", - o əlavə edib.
Qeyd edək ki, Gürcüstan parlamentinin nümayəndələri Azərbaycana səfər ediblər. Səfərin əsas məqsədi parlamentlərarası əməkdaşlığın dərinləşdirilməsidir.
Xülasə — davamını mənbədə oxuyun.
