Azərbaycan Mərkəzi Bankı (AMB) uçot dərəcəsini sabit saxlayacaq. Qurumun təhlilinə əsasən, qlobal inflyasiya risklərinin artmasına baxmayaraq, Azərbaycan Mərkəzi Bankı uçot dərəcəsini 6,50% səviyyəsində uzun müddət dəyişməz saxlayacaq. Qeyd olunub ki, Azərbaycan aşağı inflyasiya bazasına malik ölkələr qrupuna daxildir.
Hazırda ölkədə inflyasiya 4-6% səviyyəsindədir. Bu artım əsasən xərc (təklif) amillərindən qaynaqlandığı üçün Mərkəzi Bankın faiz siyasətində dərhal dəyişikliyə ehtiyac yoxdur. Analitiklər vurğulayırlar ki, Ermənistanla birlikdə Azərbaycan regionda faizlərini sabit saxlayacaq iki ölkədən biri olacaq.
Bunun əksinə olaraq, ING Group Qazaxıstan və Özbəkistanı daha yüksək inflyasiya səviyyəsindən eniş mərhələsində olan ölkələr kimi təsnif edir. Qazaxıstan illik inflyasiyanı birrəqəmli səviyyəyə (9.8%) endirsə də, Özbəkistan 2026-cı ildə faiz endiriminə gedə bilər. Lakin qlobal inflyasiya fonu genişmiqyaslı monetar yumşalmaya imkan vermir.
Extract — continue reading at the source.
