InvestAZ İnvestisiya Şirkəti tərəfindən aparılan həftəlik bazar araşdırmalarına görə, 17–21 avqust həftəsində qlobal maliyyə bazarlarının əsas istiqamətverici amillər ABŞ-da monetar siyasətlə bağlı qeyri-müəyyənliyin artması, uzunmüddətli ABŞ istiqrazlarının gəlirliliyinin yüksəlməsi, ABŞ–İran qarşıdurmasının davam etməsi və əsas iqtisadiyyatlarda biznes aktivliyinin gözləntilərdən daha dayanıqlı qalması oldu. Həftənin sonuna doğru bazarların diqqəti Federal Ehtiyatlar Sisteminin (FED) monetar siyasətinə və qarşıdakı həftə keçiriləcək Cekson-Houl simpoziumuna yönəldi. ABŞ-da FED-in iyul iclasının protokolları faiz siyasəti ilə bağlı fikir ayrılıqlarının artdığını göstərdi.
FED faiz dərəcəsini 3.50–3.75% səviyyəsində saxlamışdı, lakin iclasda üç üzv 0.25 faiz bəndi artırılmasının tərəfdarı olmuşdu. Protokollarda inflyasiyanın davamlı yüksək qalacağı təqdirdə daha sərt monetar siyasətə ehtiyac yarana biləcəyi vurğulandı. Bununla yanaşı, ABŞ-da əmək bazarının müəyyən qədər dayanıqlı qaldığı müşahidə edildi.
İşsizlik müavinəti üçün müraciətlərin sayı 206 minə qədər azaldı. Bu göstərici əmək bazarında kəskin zəifləmə olmadığını göstərsə də, işə qəbul tempinin əvvəlki illərlə müqayisədə daha zəif olması FED üçün əmək bazarı və inflyasiya arasında balansı mürəkkəbləşdirir. ABŞ-da avqust ayının ilkin PMI göstəriciləri iqtisadi aktivliyin yüksək qaldığını göstərdi.
Xidmət sektorunda PMI 56.8 bəndə yüksələrək 2024-cü ilin dekabrından bəri ən yüksək səviyyəyə çatdı. Kompozit PMI isə 56.0 bənd təşkil etdi. Bununla belə, sənaye sektorunda PMI 53.2 bəndə qədər gerilədi.
Uzunmüddətli ABŞ istiqrazlarının gəlirliliyinin yüksək qalması isə fond bazarlarına təzyiq göstərən əsas amillərdən biri oldu. 21 avqustda ABŞ fond indeksləri yüksəlsə də, “Dow Jones”, “S&P 500” və “Nasdaq” həftəni ümumi olaraq itkilərlə başa vurdu. Xüsusilə uzunmüddətli istiqraz gəlirliliklərinin yüksəlməsi yüksək qiymətləndirmələrə malik texnologiya şirkətlərinin səhmlərinə təzyiq göstərdi. Avrozona və Böyük Britaniyada iqtisadi aktivlik Avrozonada avqust ayının ilkin Kompozit PMI göstəricisi 52.1 bəndə yüksələrək son doqquz ayın maksimumuna çatdı.
Sənaye sektorunda PMI 52.8 bəndə yüksəldi, xidmət sektorunda isə göstərici 51.7 bənd səviyyəsində qaldı. Bu nəticələr Avrozona iqtisadiyyatının yüksək enerji qiymətlərinə və geosiyasi risklərə baxmayaraq dayanıqlılığını qoruduğunu göstərdi. Böyük Britaniyada da xidmət sektorunda aktivlik sürətləndi.
Extract — continue reading at the source.
