Kallas said that a ship belonging to the "shadow fleet" of Russia was detained

Rusiyaya məxsus neft tankeri ötən gün "EUNAVFOR Med" əməliyyatı çərçivəsində saxlanılıb. APA xəbər verir ki, bu barədə Avropa İttifaqının xarici siyasət və təhlükəsizlik məsələləri üzrə ali nümayəndəsi Kaya Kallas “X” hesabında bildirib. Onun sözlərinə görə, “MV SUN” adlı neft tankeri saxta bayraq altında üzüb və buna görə də Avropa İttifaqının Aralıq dənizində fəaliyyət göstərən missiyası - “EUNAVFOR MED IRINI” tərəfindən saxlanılıb.

Aİ rəsmisi bildirib ki, “kölgə donanması”na qarşı atılacaq addımlar sabah Aİ ölkələrinin müdafiə nazirlərinin İrlandiyadakı iclasında müzakirə olunacaq. O, saxlanılan tankerin aqibəti ilə bağlı məlumat verməyib.