Bakı Metropoliteninin Həzi Aslanov stansiyasının yollarında əsaslı yenidənqurma işləri yekunlaşmaq üzrədir.
"APA-Economics" xəbər verir ki, bu barədə "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov bildirib.
Onun sözlərinə görə, Qırmızı xəttinin Həzi Aslanov stansiyasının yollarında əsaslı təmir və yenidənqurma işlərində son mərhələ başlandı.
Bəxtiyar Məmmədov bildirib ki, yenidənqurma işləri təxminən 280 metrlik sahədə üç mərhələ üzrə həyata keçiriləcək. Əvvəlki mərhələlərdə təmir-bərpa işləri tamamlanıb, yan divarlar və döşəmə boyunca məhlulvurma-hamarlama prosesi tamamlanıb. Həmçinin döşəmə, divar və tavan hissələrdə gücləndirmə tədbirləri görülüb. Orta yolların arakəsmə divarları tam yenidən inşa edilib.
Son mərhələ çərçivəsində tavan hissəsində izolyasiya və məhlulvurma işləri aparılır və xüsusi boya maddələri vurulur. Karbon həyat müasir tikinti materialı ilə örtük tavasının əlavə möhkəmləndirilməsi aparılır. Drenaj xətlərinin çəkilişi davam etdirilməklə yanaşı, kommunikasiya xətlərinin quraşdırılmasına da başlanılıb. Həmçinin qatarların baxışı və dayanması üçün körpücük inşa edilir.
Bəxtiyar Məmmədov əlavə edib ki, layihəyə uyğun qaydada, ümumi uzunluğu 1000 metrə yaxın olan yolları müasir dəmir-beton özləri üzərində, yoldəyişdirici qurğular isə dəmir-beton monolit bloklardan qurulub. 4 yoldan ibarət dalanda 6 yoldəyişdiric quraşdırılıb. Sahədə elektrik təchizatı, rabitə, işarəvermə, videomüşahidə, yanğın təhlükəsizliyi, su, kanalizasiya, hava yolları və digər mühüm sistemlərin yenilənməsi planı əsasən davam və həyata keçirilir.
Xülasə — davamını mənbədə oxuyun.
