Mənzil İnşaatı Dövlət Agentliyinin (MİDA) Türkiyəənin Kahramanmaraş şəhərində həyata keçirilən Azərbaycan yaşayış məhəlləsi layihəsi üzrə işlərin bir neçə ay ərzində tam başa çatdırılması planlaşdırılır.
Bu barədə MİDA-nın İdarə Rəsmisi Cəmşid Əmirov açıqlamasında bildirib.
O qeyd edib ki, Azərbaycan yaşayış məhəlləsində Heydər Əliyev adına məktəb, uşaq bağçasının, eləcə də ümumilikdə 26 yaşayış binasından ibarət 4 kvartalın tikintisi artıq tam başa çatdırılıb.
Hazırda məhəllədə Mədəniyyət Mərkəzinin tikintisi davam etdirilir.
C. Əmirovun sözlərinə görə, layihə üzrə digər tikinti işləri də davam edir və nəzərdə tutulmuş işlərin bir neçə ay ərzində yekunlaşdırılması gözlənilir.
Qeyd edək ki, Kahramanmaraş şəhərində yerləşən Azərbaycan yaşayış məhəlləsinin ümumi sahəsi 27,6 hektardır. Layihə çərçivəsində 68 yaşayış binasında ümumilikdə 1 194 mənzilin, həmçinin məktəb, uşaq bağçası və Mədəniyyət Mərkəzinin tikintisi nəzərdə tutulur.
Xülasə — davamını mənbədə oxuyun.
