İran Prezidenti Məsud Pezeşkianın Qırğızıstanın paytaxtı Bişkekdə səfərdə olarkən bir neçə dəfə Azərbaycan türkcəsində danışması ölkəsindəki fars millətçi dairələrinin sərt reaksiyalarına səbəb olub.
Modern.az xəbər verir ki, Pezeşkianın qızına Azərbaycan türkcəsində Zəhra, keç gəl bura deməsi sosial şəbəkələrdə geniş müzakirələrə yol açıb.
İran sosial mediasında prezidentə qarşı təhqiramiz ifadələrin yer aldığı çoxsaylı paylaşımlar yayıldı. Bəzi fars millətçi istifadəçilər Pezeşkianı Azərbaycan türkcəsində danışdığına görə tənqid edib və istefasını tələb ediblər.
Sosial şəbəkələrdə prezidentin istefası ilə bağlı çağırışların yer aldığı yüzlərlələ paylaşım edilməsi bildirilir.
Xatırladaq ki, sentyabrın 1-də Şanxay Əməkdaşlıq Təşkilatının (ŞƏT) Zirvə Görüşündə iştirak edən İran Prezidenti Məsud Pezeşkianı Bişkekdə qızı Zəhra Pezeşkian müşayiət edib. Pezeşkian Bişkekdəki rəsmi qarşılanma zamanı qızına Azərbaycan dilində müraciət edib. Zəhra, bura gəl! Keç gəl bura! İran Prezidentinin qızına Azərbaycan dilində müraciət etdiyi bir videoqörüntüsü sosial mediada yayımlanıb. Qeyd edək ki, Məsud Pezeşkian bəzi vacib xarici səfərlərə adətən qızı Zəhra Pezeşkianla gedir. Doktor Pezeşkianın həyat yoldaşı uzun illər əvvəl dünyasını dəyişdiyi üçün ilk xanımların iştirak mərasimlərində İran Prezidentinin qızı Zəhra Pezeşkian təmsil edir.
Milliətcə Azərbaycan türkü olan Prezident Məsud Pezeşkian seçki kampaniyası və prezidentliyi dövründə Azərbaycan türkəsindən istifadə etməsi ilə də diqqət çəkilib. O, bir neçə dəfə açıqlamalarda evdə ailə üzvləri ilə Azərbaycan dilində danışdıqlarını qeyd edib.
Xülasə — davamını mənbədə oxuyun.
