Rusiya Prezidenti Vladimir Putin Ermənistanın Baş naziri Nikol Paşinyanın Kollektiv Təhlükəsizlik Müqaviləsi Təşkilatı (KTMT) ilə bağlı açıqlamalarına münasibət bildirib. APA-nın Moskva bürosunun məlumatına görə, Putin bu barədə Bişkekdə Şanxay Əməkdaşlıq Təşkilatının (ŞƏT) yubiley sammitindən sonra keçirilən mətbuat konfransında danışıb. Putinin sözlərinə görə, Ermənistan rəhbərliyi Praqada müvafiq sənədi imzalayaraq Qarabağın Azərbaycan ərazisi olduğunu tanıyıb.
Biz Azərbaycanın daxili siyasi işlərinə qarışmalı idik? Qərb, Avropa ölkələri – hamısı Qarabağın Azərbaycanın bir hissəsi olduğunu deyirdi”, – deyə Putin vurğulayıb. Rusiya Prezidenti qeyd edib ki, hadisələrin bu cür inkişafının və Ermənistan rəhbərliyinin məlum qərarının müsbət tərəfləri də var.
Artıq bu münaqişələr olmadan insanları yeni yaşayış yerlərində yerləşdirmək, infrastrukturu blokadadan çıxarmaq, iqtisadiyyatda yeni həyata başlamaq, investisiyalar üçün sərhədləri açmaq və sair. Əslində, müsbət məqamlar az deyil”, – deyə Putin bildirib. Putin, həmçinin Paşinyanı Moskvaya dəvət etdiyini və onunla Ermənistanın Avrasiya İqtisadi İttifaqındakı gələcəyi ilə bağlı ətraflı müzakirələr aparacağını söyləyib.
Extract — continue reading at the source.
