Bu gün Azərbaycan Respublikasının Baş nazirinin müavini, Azərbaycan-İran İqtisadi Əməkdaşlıq üzrə Hökumətlərarası Birgə Komissiyasının həmsədri Şahin Mustafayev və İranın yolları və şəhərsalma naziri, İran-Azərbaycan Birgə İqtisadi Əməkdaşlıq Komissiyasının sədri Fərzanə Sadıq arasında telefon danışığı olub.
İRNA-nın xəbərinə görə, tərəflər qarşılıqlı münasibətlərin son vəziyyətini, tranzit əməkdaşlığının genişləndirilməsi planlarını, sərhəd layihələrini, həmçinin neft-qaz sektorlarında əməkdaşlığın müzakirə edilməsini müzakirə ediblər.
İranlı nazir qaz, elektrik enerjisi və nəqliyyat sahələrində keçirilən birgə müzakirələrə toxunaraq müzakirə olunan məsələlər və onların nəticələrini araşdırmaq və izləmək üçün birgə komitəsinin operativ şəkildə yaradılmasının zəruriliyini vurğulayıb.
O, həmçinin ABŞ və İsrail müharibə zamanı İranın nəqliyyat infrastrukturuna dəyən ziyana diqqət çəkərək bildirib ki, zədələnmiş nəqliyyat marşrutlarının yenidən fəaliyyətə qaytarılması istiqamətində işlər davam edir və həyata keçirilir, eyni zamanda davam edən layihələrin icrası fasiləsiz şəkildə həyata keçirilir.
Azərbaycan Baş nazirinin müavini isə öz növbəsində dəmir yolu layihələrində əldə olunan irəliləyişə toxunaraq bildirib ki, Azərbaycan ərazisində dəmir yolunun tikintisi Ağbənd ərazisinə qədər çatıb. Şahın Mustafayev vurğulayıb ki, İran ərazisindəki hissə tamamlanarsa, bu marşrut nəqliyyat imkanlarının artırılmasında mühüm rol oynayacaq.
O, regional nəqliyyat imkanlarının artırılması məqsədilə dəmir yolu layihəsinin İran ərazisindən keçən hissəsinin tamamlanmasının vacibliyini vurğulayıb.
Xülasə — davamını mənbədə oxuyun.
