Şekspir fantastikasını kətanda canlandıran rəssam - "Yay gecəsinin yuxusu"

Bu gün tanınmış ingilis rəssam Artur Rekemin anım günüdür. Kulis.az Palitra rubrikasında boyakarın Yay gecəsinin yuxusu: Puk və pəri əsəri haqqında materialı təqdim edir.

Britaniya illüstrasiya sənətinin "Qızıl dövrü"nün görkəmli nümayəndəsi Artur Rekem Londonda anadan olub və Lambeth İncəsənət Məktəbində təhsil alıb. O, Şekspirin əsərləri, Qrim qardaşlarının nağılları, "Alisa möcüzələr ölkəsində" və "Piter Pen" kimi klassik əsərlərə hazırladığı ecazkar illüstrasiyalarla böyük şöhrət qazanıb. Rekemin vizual dili xüsusilə əyri-üyrü, kanlandırılmış ağac budaqları, pərilər, qoblinlər və dumanlı meşə mənzərələrinin dəqiq xətt plastikası ilə seçilir.

1939-cu ildə Surrey qraflığında vəfat edən rəssamın fantastik dünyası sonrakı dövr fentezi illüstrasiyalarına, eləcə də Qillermo del Toro və Tim Börton kimi rejissorların kino estetikasında silinməz izlər qoyub.

Artur Rekemin sənətkarı nüfuzunu "Yay gecəsinin yuxusu" adlı əsərini 1908 ildə hazırladığı komediya üçün illüstrasiya silsilisi Uilyam Şekspirin eyniadlı komediyasına çevirdi. XX əsrin əvvəllərində çap texnologiyalarının (üçrəngli litoqrafiyanın) inkişafı Rekemə incə akvarel keçidlərini və mürəkkəb xətlərini kitab səhifələrində eyni zamanda saxlayaraq kütləyə təqdim etmək imkanı verdi. Rəssam Şekspirin sehrli meşə dünyasını təsvir etmək üçün aylarla ingilis kəndlərindəki qədim palıd ağacları və kökləri müşahidə edib, bu pyes üçün onlarca orijinal akvarel kətanı ərsəyə gətirib. Silsilə nümayiş olunduğu London qalereyalarında böyük heyranlıq qarşılanıb. İllustrasiyayada Şekspirin məşhur dəcəl ruhu Puk qədim, düyünlü ağac kökünün üzərində əyləşərək zərif bir pəri ilə dialoq aparır. Rekemin vizual sənətində ağaclar və təbiət sadəcə fon deyil, nəfəs alan, hərəkət edən müstəqil obrazlardır. Rekem mürəkkəb qələmlə çəkdiyi dəqiq konturlarla akvarelin yumşaq ahəngini sintez edib. Pukun dəcəl duruşu ilə pərinin zərif, tül kimi süzülən libası arasında ziddiyyət Viktoriya nağıl rəngkarlığının ən virtuoz nümunəsidir. Rəssam bu tabloda təbiətin arxasında gizlənən görünməz ilahi xaosu və xəyal dünyasının toxunulmazlığını vizuallaşdırıb.