Sumqayıt Dövlət Dram Teatrında 58-ci teatr mövsümünün başlanğıcı ilə bağlı kollektiv ümumi iclası keçirilib.
Teatrdan kulis.az-a bildirilib ki, toplantıda ötən mövsüm yekunları nəzərdən keçirilib, yeni mövsümdə qarşıda duran əsas vəzifələr, yaradıcılıq planları və həyata keçirilməsi nəzərdə tutulan layihələr müzakirə olunub.
İclasda çıxış edən teatr direktoru Samir Şəfiyev yeni mövsümün başlanması münasibətilə təbrik edərək ötən mövsümün uğurlarını və məhsuldarlarının keçdiyini bildirib. Qeyd olunub ki, mövsüm ərzində tamaşa planı uğurlu icra edilib, yeni səhnə əsərləri hazırlanaraq tamaşaçılara təqdim olunub.
Yeni mövsümdə repertuarın zənginləşdirilməsi, yüksək keyfiyyətli tamaşaların hazırlanması, tamaşa auditoriyasının genişləndirilməsi və yeni yaradıcılıq layihələrinin həyata keçirilməsi prioritetlərindən biri olacağını vurğulayıb.
Teatrın yaradıcılıq şöbəsinin müdiri Xalq artisti Firudin Məhərrəmov yeni mövsümdə yaradıcılıq prosesinin daha da təkmilləşdirilməsi, yeni səhnə axtarışlarının aparılması və yaradıcı heyətin potensialından səmərəli istifadə olunmasının vacibliyini qeyd edib.
Bildirilib ki, yeni mövsümdə klassik və müasir dramaturgiya nümunələrinin repertuarlara daxil edilməsi, müxtəlif janrlarda tamaşaların hazırlanması, xüsusilə gənclərin teatr sənətinə marağının artırılması istiqamətində layihələrin həyata keçirilməsi nəzərdə tutulur.
Xülasə — davamını mənbədə oxuyun.
