+9 əjdaha
8. doğrusu,böyük planlar qurmağa dəyməz,əziz qonşum!misal üçün,mən bütün yer kürəsini dolaşmaq istəyirdim.neyləyəsən,görünür,qismət deyilmiş.mən bu kürənin çox kiçik bir hissəsini görürəm.düşünürəm ki,heç də ən yaxşı hissəsi deyil,ancaq təkrar edirəm,lap elə də pis də deyil.budur,yay gəlir,praskovya fyodorvna söz verib ki,eyvanda sarmaşıq əkəcək.açarlar əl-qolunu açıb.gecələr ay doğacaq!master və marqarita
əjdaha lazımdı
izlə
dostlar
mən
googlla
nobel mükafatı - mükəmməl üçlüklər - yazarların hal-hazırda oxuduqları kitablar - pontius pilate - mixail bulqakov - yazarların oxumaq istədikləri kitablar - azərbaycan dilinə tərcümə olunmuş kitablar - it ürəyi - şərtilik
başlıqdakı ən bəyənilən yazılar:
+4 əjdaha
6. asan görünən ama əslində anlaması çətin olan roman. mənə qeyri-adi təsir bağışlamışdı. şeytan və onun köməkçiləri insanı adi həyatda olduğu kimi özünə cəlb edir, çılğın bir şəkildə ona azarkeşlik edirsən. hə bir də o pişik adamı cin atına mindirir... biraz təsadüf, biraz sevgi, biraz tarix və çoxlu mistika ilə axtardığınız hər şeyi tapa biləcəyiniz əsərdi. hətta axtarmadıqlarınızı da. bir də bu "messir" sözü necə də xoşuma gəlmişdi, bəlkə də məşhur bir idmançını xatırlatdığına görə.bulqakova isə bu romana görə sadəcə heyran olmaq olur başqa heç nə!
+5 əjdaha
1. lap çoxdannan oxumağı planlaşdırdığım, təhsil, problemlər və araya başqa "mərdimazar" yazıçıların və romanların girməsinə görə bu günlərdə tapıb oxuya bildiyim mixail bulqakov romanı. əsər keçən əsrin ən yaxşı romanlarından biri kimi qiymətləndirilir, hardasa əsərin 12 - 14 faizi sovet senzurasından keçməyib və bulqakov kiçik həcmli əsərləri nəzərə almasaq demək olar ki, bütün təcrübəsini, oxuduqlarını, enerjisinin bu əsərin üzərinə qoyub. senzura problemi əsərin olduqca sarkazma varan satira üslubunda yazılması idi. belə satiranı ifadə edən məqamlar hətta əsərin senzura ilə "təmizlənmiş" variantında da geninə - boluna hiss olunur. bu əsəri oxuyanda yadıma ilk növbədə jonathan swiftin " qulliverin səyahəti" romanı düşdü. o əsərdə də ingilis xalqı və əsasən də hakimiyyəti güclü satira atəşinə tutulmuşdu.bulqakovun romanı bir - birindən fərqlənən iki hissədən ibarətdir. 1 - ci hissə daha maraqlı və oxunandır. burda iblisin öz əlaltıları ilə moskva şəhərinə gəlişi, burda müxtəlif fəndlərlə insanların həyatına təsir etməsi, onlara bədbəxtlik gətirməsi fantastik üslubda təsvir olunur. ikinci hissə isə master və marqaritanın məhəbbət əhvalatına həsr olunur.
əsərdə ən maraqlı məqamlardan biri bulqakovun iki zaman dilimini işləməsidir. birinci zaman dilimi yaşadığı dövrün moskvasıdırsa, ikinci zaman dilimi isa məsihin yaşadığı dövrdür. isanın çarmıxa çəkilməsi və bu entridə (#79860) haqqında yazdığım pontius pilatenin onunla münasibətləri barədə inandırcı formada yazıb. deyilənə görə, "master və marqarita" bədii əsər olsa belə isanın dövrünü doğru və inandırıcı formada ifadə edən ən yaxşı mənbələrdəndir. bunun əsas səbəbi bulqakovun sarsılmaz enerji ilə o dövrün bütün tarixi mənbələrini, salnamələrini oxuması olub. bu əsəri yazarkən ümumiyyətlə 15 mindən çox kitab və ya hər hansı formada yazı, sənəd oxuduğu məlumdur. əsərdə həmçinin "romanın içində roman" teması var və üstəlik təhkiyənin forması əsəri postmodern elementlərini ehtiva edən əsər kimi qiymətləndirməyə imkan verir. oxumağınız məsləhətdir.
--spoiler--
"bəli, insanoğlu ölümlüdür. amma bu qədəri olsa əhəmiyyətli deyil. ən pisi, insan gözlənilməz bir anda ölür. və insan axşama nə edəcəyini biləcək vəziyyətdə belə deyil"
"əsla kimsədən bir şey istəməyin. əsla bir şey istəməyin, xüsusilə sizdən güclü olandan. özləri təklif edərlər və özləri hər şeyi verərlər."
"qaranlıq bir küçənin küçcündə bir anda peyda olan bir qatil kimi eşq önümüzə düşdü. ikimizi də bir zərbədə yıxdı. ildırım da belə vurar adama, xəncər belə saplanar."
--spoiler--
+2 əjdaha
4. dünən bitirdiyim və məni haqqında entry girməyə sövq edəcək qədər təsirləndirən bulqakov romanı. sovet dövrünə qarşı kəskin tənqidi yanaşımın olduğu bu kitabda eyni zamanda pis ilə yaxşının mübarizəsinə yazarın fəlsəfi baxış bucağı mükəmməl şəkildə ifadə edilmişdir. (baxma: gölgeler kaybolduğunda yer yüzü nasıl görünür) iki hekayə paralel şəkildə ilərlədiyi üçün, həm isanın dövründəki qüds şəhəri, isanın edamı, həm də 30 cu illərin soveti haqqında bilgi sahibi edir roman insanı. hər baxımdan geniş romandır yəni. ama bütün bunlar bir qırağa qoysaq, mənə ən çox təsir edən şey təsvir edilən cəmiyyətlərin ( iki diktatorun, sezarın və stalinin dövründəki cəmiyyətlərin) bizim diktatorun dövründəki cəmiyyətə bənzəməsidir. əsərdəki "en büyük ahlaki çöküntü korkaklıktır." cümləsi mübarizə aparmayan, haqsızlığa qarşı dirənməyən xalqımızı çox gözəl ifadə edir. və bir də mənə nə qədər cahil olduğumu xatırladan kitabdır. diqqətlə oxuyub, haqqında o qədər araşdırma etməmə baxmayaraq 20 fazini güclə başa düşmüşəm bu kitabda deyilmək istənilənin. ən çox da yazarın səni məqsədli şəkildə şeytan'ın tərəfini tutmağa zorlamasındakı məqsədidir mənə qaranlıq qalan. və bunu kimi minlərlə şey.+3 əjdaha
7. birinci hissəsindən olduqca zövq alaraq, voland və köməkçilərinə çox güldüyüm, isayla bağlı hissələrini isə fərqli yanaşma tərzindən təsirlənərək maraqla oxuduğum əsər. müəllifi əsl sənəti həkimlik olan mixail bulqakovdur.əsərin ilk əlyazmasını yandıran bulqakov bir il sonra "master və marqarita"nı yenidən yazmağa başlamışdır. əsərdə olan "əlyazmalar yanmır" cümləsi də buna işarədir zənnimcə.
+2 əjdaha
3. "əlyazmalar yanmaz" sözü ilə 20-ci əsrə damğa vuran əsərdir.hamısını göstər