+8 əjdaha
3. kubrickin kariyerası boyu cəhd göstərdiyi, kino və texniki inqılab janrında çəkməyi bacardığı, on yeddinci əsr irlandiyasını (bu ifadəni biraz daha dəyişdirərək, avropa etmək mümkündür) güzgünün qarşısında soyundurduğu, inqılab. mənə görə açıq fərqlə digər filmlərinə yetkinlik bucağından qalib gəlmiş, festen! * şölən, karnavaldogma 95in beşinci maddəsini xatırlayıram: optik və filtrələnmiş çəkiliş qadağandır. və məlum olduğu kimi, bu həmçinin təbii işığı da dəstəkləyən (kino dilinin təkamülü ilə qiyaslandığı vaxt, katolizmi daha mərhəmətli təriqət hesab etdirən) formatdır. kubrick 75-ci ildə bu metoddan istifadə edərək, (üstəlik şam işıqlarıyla) kinonun texnik inkişafına öz şəxsi töhvəsini verib.
film (bu həmçinin kubrickin ilk cəhdidir) üç saatlıq, şeirsəl realizmin izlərini daşıyan; uzun və altmışa qədər kadr kompozisiyasını yaratmaq gücünə çatmağı bacaran (xatırla: kurosawa planları) istər oedipal çaxnaşmaların; istərsə mal mülk qarşıdurmasının; istərsə də bir qəhrəman yolçuluğunun (içində müharibələrin, inamsızlıqların, duelloların, aristokrat qürurlarının) cəmi; bir sözlə: tablosudur.
bir də yadımdan çıxmasın: handel sarabandenın ən estetik (estetikdən qəsdim, səhnə musiqi əlaqələridir) səslənişi, uyumu, barry lyndona aiddir.
bütün alqışlar isə kubrickindir. bir digər adla, ustadın.