əjdaha lazımdı
izlə
dostlar
mən
googlla
diplomat
başlıqdakı ən bəyənilən yazılar:
+21 əjdaha
4. 2783 şəhid demək 2783 arzunun , 2783 nəfəsin ,2783 gülüşün səsin olmadığı deməkdi. 1 şəhit belə onlarca insanın həyatının sarsılması ilə eynidi, rəqəmlər danışmamalıdı bu mövzuda. Yarıda qalan həyatlar, gülüşlər, arzular danışılmalıdı. Müharibədi şəhitdə olacaq yaralıda olacaq demək rahatdı, bəs o şəhidin ailələri? yarıda qalanlar?
itkin düşən əsgərlərimizdə var, onların ailələrinin yaşadığı hisslər, yaşayırmı yoxsa öldürülübmü deyə düşünmək bunlar sözdə o qədər rahat gələrkən əslində çox çətindi.
kanallara gündə bir müğənnini çıxarmaq yerinə şəhid ailələrini igid əsgər ailələrini göstərin.
insanları robotlaşdırmaq yerinə bax səndə yarımçıq qala bilərsən fikrini aşılayın.
Ömür boyu şəhidlərimizə və onların ailələrinə borcluyuq. illər keçsədə əsrlər keçsədə əsla şəhid nəsli qəhrəman əsgərlərin nəsli başqa insanlarla eyniləşməməlidi.
+18 əjdaha
8. bu döyüşdə 1 yaxın qohumum, 9 tanıdığım insan şəhid oldu. lakin paylaşılan şəhid videoları görəndə hər birində keçirdiyim kədər eyni olur. allah hər birinə rəhmət eləsin. gözəl insanlar, yeriniz cənnət olsun.
+15 əjdaha
11. Blaaa zibilə qalsın belə həyat bu mənasız müharibə.bu müharibə də yeganə real dostumu itirdiyim xəbərini bugün öyrəndim.Bu günə də nifrət edəcəm həmişə. Adamı necə vahimə basırmış yaxınını itirmək.
Biz dost olanda hələ 14-15 yaşımız vardı.indi 25-26 yaşımız var. Ən yaralı yerimiz ikimizin də həyatda heç uğuru olmaması idi. indi Sən qəhrəmansan Taji.
Səni necə təsvir edim ki. O qədər dolusan ki... Ahhh Tajj necə kədərə bastın məni.necə incidir bu. Yəqin sənin üçün ağladığımı görsəydin mırtdaşardın. indi səninlə bağlı hər bir xırda detal belə yadıma düşür. Kaş yaddaşımdan siline.aniden lomka basır ki, Sən yoxsan. Qayıdandan sonra nə qədər sual yığmısdım sənə. nə qədər zarafatlarımız yarımçıq qaldı. Həyatın yarımçıq qaldı. Arzuların hamsı yarımçıq qaldı. Allah sənə rəhmət etsin. Sən həmişə qəlbimdə yaşayacaqsan. Bu günü həMişə kədərlə xatırlayacam. Nur içində yat.
+17 əjdaha
3. Rəqəm olaraq baxdıqda elədə çox görsənmir,təkcə atəşkəs dövründə azərbaycan tərəfdən 1600 nəfər ya əsgər və mülki şəxs ya şəhid olub yada yaralanıb.Bu rəqəm ermənistan tərəfdə 2500 nəfər olub.indiki müharibənin gələcəkdəki müharibələrin qarşısını aldığına inanmaq istəyirəm,məmləkətimiz bundan sonra belə müharibələrdən uzaq olsun.Gələcək nəsillər bu gün verdiyimiz şəhidləri heç zaman unutmasın.Ancaq məsələyə rəqəm yox tanıdığınız biriləri kimi baxanda hər şey dəyişir.Təəssüf ki belə xəyalpərəst,faşist və heç zaman yola gəlməyəcək bir düşmənimiz var.Bəzi araşdırmalar etdim və bu nəticəyə gəldim bu ermənilər 5-10 ilə ya sonraya bu məsələdə yenidən qızışacaq,ölkə olaraq gənc nəsilləri türklərə qarşı nifrətlə böyüdürlər,bütün mədəni komplekslər qondarma erməni soyqırımı üzərində yaradılıb..bax belə bir düşmən var qarşımızda.
edit 1:entrydə heç bir küçümsəmə və s. elementi yoxdur.şəhidlərimiz bizim üçün hər zaman əzizdir.söhbət insan həyatından gedir,bizim qardaşlarımızın həyatından gedir.
edit 2:Entry bu gün üçün qıcıqlandırıcı görünə bilər amma gələcəkdə mütləq belə fikirdə insanlar olacaq ki "boşuna o qədər adamı qırğına verdilər" deyəcək,necə ki aprel döyüşlərindən 2 ay sonra dedilər.bu entry cavabdı ,qanayan yara idi qarabağ və ordumuz bu yaranı bağladı.Aprel döyüşləri zamanında da 1-2 ay susdu belə qəribə düşüncəli məxluqatlar sonrasında isə başladılar ki, "o qədər şəhid verdik,bir təpə üçün?".Onlara da demişdim bir təpəyə görə Şuşa əldən getdi 1992-də,Daşaltı əməliyyatı uğurlu olsaydı mənzərə fərqli olardı.
edit 3: Ordumuzun daha öncə I Qarabağ müharibəsində qazandığı bəzi qələbələr məsələn: Horadiz əməliyyatı illər keçdikdən sonra küçümsəndi.II Qarabağ müharibəsi fonunda da belə olayların olacağı istisna edilmir.Enrtyi sona qədər oxumaq isə son tövsiyəmdir.
+6 əjdaha
10. müdafiə nazirliyinin bu gün yaydığı məlumata görə şəhid olmuş 2783 nəfər hərbi qulluqçudan 2723 nəfəri dəfn edilmişdir.
dəfn edilmiş şəhidlərin adları, soyadları, ata adları, hərbi rütbələri və doğum tarixləri haqqında məlumat təqdim olunmuşdur. keçid üçün 
bütün müharibə iştirakçıları*
vətən xainləri istisna
qarşısında baş əyirəm.
+8 əjdaha
7. içində 12 nəfər tanıdığım insan şəhid 23 nəfər isə qazi oldu təkcə bizim qəsəbədən bura qəhrəmanlar yurdudu.
+5 əjdaha
2. Bir yandan deyirəm ki, gözlənən idi. 1-ci qarabağ müharibəsində bunun 2 qatı qədər təkcə ağdamda can qoyulub. Bir yandan da pis oluram. Candır axı onlar da. Sırf məntiqlə baxanda çox olmasa da, candırlar. Elələri var qardaşımdan (17 yaşı sentyabrda olub) 1-2 yaş böyükdürlər. Ürəyim gəlmir.
+5 əjdaha
9. Hökm edir ərşə ulduzlu hilal, seyrinə dal,
Parlasın gözlərin ulduz kimi, ey qaşı hilal.
Külə döndüm sənə olsun deyə qismət bu qürur,
Cismimi büs-bütün atəş bürüdü, ruhumu nur.
Kükrədim fırtına tək, gah oyana, gah buyana,
Qoymadım doğma səmalarda ögey yel dolana.
Can quşum tərk eləyincə bədənin dar qəfəsin,
Elədim aləmi dar düşmənə, kəsdim nəfəsin.
Tutduğum zirvədən ötrüydü həyata gəlişim,
Kəsə getdim yolumu, qalmadı dünyada işim.
Mən bəqa aşiqiyəm, yoxdu fənalıqla aram,
Almışam aləmi ağuşuma, hər yerdə varam.
Ocağın sönsə odam mən, evin od tutsa suyam,
Səndən ayrılmamışam, hər nə görürsənsə oyam.
Ruhumun qüdrəti ruhundadı, dik tut başını,
Ağlama, saxla zəfər müjdəsinə göz yaşını.
Qoyma nəm çəkməyə kipriklərini, qeydinə qal,
Qalxıb innən belə xəzri saçına çəksə sığal,
Əyilib öpsə üzündən gilavar, bil ki mənəm.
Bir zaman həmvətən idim sənə, indi vətənəm!
Müəllif: Kamal Hüseynzadə
+4 əjdaha
12. onları xatırlayanda gözlərimiz dolur.
Şəhid ismayıl irapovun anası demişdi: "Elə bil ürəyimi çıxarıblar, yoxdu elə bil ürəyim..."
Şəhid Əsgər Hüseynovun atası: "Bundan sonra həyatım bağlandı, həyatım gülmür."
Heç yadımdan çıxmır bu sözlər...
Bizim ürək ağrımız zamanla azalacaq, ancaq onların valideynlərinin yox.
təəssüf edirəm, kaş olmayaydı müharibə, bir də olmasın.
+4 əjdaha
5. Hüququndan keçən əsgər,
2802 qəhrəman şəhid oldu!
+5 əjdaha
6. Sayları bəlkə də deyiləndən çoxdur bilmirəm amma bu müharibənin qəhrəmanları da,ən ağrılı yeri də onlardır.hərəsi bir ana balası,bir fərd,bir həyat,bir can idi...düşünəndə ki,anaları-ataları onları əl boyda olandan böyüdüb və cavan yaşda torpağa tapşırıb,sözlə ifadə etmək mümkün deyil allah rəhmət eləsin.
+5 əjdaha
13. “Vətən uğrunda”, “Cəsur döyüşçü”, “Cəbrayılın azad olunmasına görə” medallarına layiq görülən Ülvi Rəhimlinin ailəsi ilə son telefon danışığında dediyi bu kəlimələri heç bir zaman unutmuram.
"Ana,sənin üçün ölürəm"
+5 əjdaha
1. 2783 nəfər hərbi qulluqçu həlak olub. Onların sırasında 103 nəfər hərbi qulluqçunun DNT analiz metodu ilə şəxsiyyətinin müəyyən edilməsi üzrə işlər davam etdirilir. 100 nəfərdən artıq hərbi qulluqçu isə itkin düşmüş hesab olunur. Onların tapılıb ailələrinə məlumat verilməsi üçün zəruri təbdirlər görülür. Hazırda 1245 nəfər hərbi qulluqçumuzun tibb müəssisələrində müalicəsi davam edir.
mənbə: müdafiə nazirliyi
hamısını göstər
